بس مرني حتى لو حلم
شايل خلگ عاشگ كلف
بس مرني اذاني الوكت
واغلط .. تعال واعتني
يل ترد روحي بجيتك
ماعندي غيرك اي ولف
يمفصل وراهم علي
عندك ترافه بكل فعل
هم هيچ اكو مثلك ترف
بس مرني لو واهس چذب
طيفك شگد شايل سحر
وليل الفراگ شگد صلف
غضت عيني بغيبتك
عن كلشي امنعهه صرت
شايلهه كلهه لشوفتك آنه اعترف
گلبي بغيابك ما يدگ
الا بطواري اسمك علي
وكلشي بغيابك مختلف
صوتي وحشاي وريتي
عيني وهمستي ويسمتي
وكل زين الي بيه انتلف
بس مرني يا نسمة هوه
انباگت من سنيني غفل
ولو تمر عن كلشي أعف
واشطب سنين الفاتت ببعدك علي
وهمومي الچانت ردف
امحي الفراگ بكل فرح
ووياك ابدي بخطواتي
ويرجعلي وكتي اللي بغيابك وگف
رد مع اقتباس
المشاركة الأصلية كتبت بواسطة سورى
