يلمشنف على الوادم دريناك
يبستانك ورد يملي زنابيل
وكل وردة بعطر يختلف والوان
بسماتك تره إتندي المناديل
لچن عيد وفرح بس مامش اعياد
يمن شوفك فرح يشجي المواويل
أميللك وعمري إبّين يمناك
باوعني يعمري وليش متميل
ومن طبع الورد يذبل حرامات
دخلي الوكت يگضه إبليه تمثيل
يهلطيبك وصفته من البشر چان
مو من جن تره ولا تماثيل
ماريد الوهم ايعذب البال
اگرب ذراع منك تبتعد ميل
أحاول بالأمل واترجى الأيام
واشگد جربت كل المحاويل
ما فاد الرجه ولا فاداك اللوم
ولا فاد البچه وكل التواسيل
شيسوي الغزال إبورطة الصيد
والرگبه عليها قفل زنجيل
تاليها شفت نفسي إبمنامات
متمرغل أنا بدم المچاتيل
لو شفت الخلگ تندبني فد يوم
لتسبل على روحي التسابيل
رد مع اقتباس
المشاركة الأصلية كتبت بواسطة حيدر الطائي
