سولفيلي النــــــاس سنطـه
وصفنه مــــا اسمعلي حس
ولا تـــعيديلــــــي السوالف
مــــو جزعت ابحجي امس
روحي مـــا ترضالي تهدي
الــدنيا نفس الدنيــــا عندي
الليل شو خلصته وحــــدي
اوداعتك مــــــــــابيه ونس
هــــــــــذا ليلي اشمال ليلي
أكَبال وجهــي وغنــه ويلي
اشلون ارده ومــــاكو حيلي
وتارس اهمــــــــومي ترس
وخله لوعــــــــه اتصير بيه
وللفجـــــــــــر يضحك عليه
الليــل جتفلـــــــــــــــي اديه
ابنبضي كــــل ساعـه يجس
والله ماكـــــو احساس عنده
انطاني شوك وغيري ورده
اتعافه ياهــــــــــو الي يرده
اوطيفه خــــــــانكَلي النفس
قلمي
واثق الكرناوي
رد مع اقتباس
المشاركة الأصلية كتبت بواسطة سيوفي الجبوري
