هنا

[ɱŭšⓣăⓕă]

تطربني الحوافر من تغير الخيل

وتذوب رويحتي بمرورة الكهوة

اكماط امي الخرك للنفس صار الجام

وعلى الكاروك شدة حسرتي الصهوة

وأميزة على حافر مهرتي بليل

حافظ كل ركضهه واعرف الحذوة

وجريت الاذن من صغري للمرواح

يطي الريح بوه وياخذ الصفوة

حريمة تلم حطب وتضمه وتداريه

وانت بنص برد وعيالك بذروة

ناصب سيطرة متانيهم يطلعون

طب انت الوكرهم خلصت العطوة

لمهم موصعب قابل رماد بريح

الميل شكد طويل ويبتدي بخطوة

***

الك أرواحنا مرخوصة ياعراق
وخل أصواتنا تهز المسامع اجينة يا وطن نمشي على الموت
وتمشي ويانة عالموت الشوارع بكل شارع نشوف حسين مذبوح
ومصلوب المسيح بكل تقاطع ومن شفنة القنابل تمطر عليك
حفرنا صدورنة لجلك مواضع لأن مانرضه نركع داخت الناس
من شافت حدرنا الموت راكع هاي التضوي ابد مو شمس يعراق
دمنا المن طلوع الشمس طالع واذا حصدوا فرحنا وزرعوا الموت
تخضر من مناحرنا المزارع وين ابن العراق اليرفع الراس
وين اليفضح اصحاب المطامع قاتل وانتصر وادحر الارهاب
وبالك يابطل يمنعك مانع الفرق بين العراقي وبين الارهاب
مثل فرق السمة والگاع شاسع فرق بين الرضع من صدر هالگاع
وفرق بين اللي وي إبليس راضع***
جيشنا بس هو شرس = من وكف غطى الشمس
راح صحراء الرمادي = راح لقنهم درس
جرذان داعش شافته = فرت اسرع من فرس
ضربة وحدة وجهلهم = انقطع بيهم نفس
شفنا صولات الرجال = داسو عليهم امس
قاعدة وتنظيم داعش = صار كل يومهم نحس
تورطو ورطة جبيرة = نشوف قائدهم خرس
حيا الله ابطال العراق = صارو لحدوده حرس

[زهور الجنة]

باجــر وين يوصل داعش بجنده // وعود أنكَوم نســـــــأل داعش شعنده
من العين الرماد أنمسح شفناهه // خلص تعوي الكلاب وجيشنه بوحده
والاجـــرام يســـرح يمرح بكَاعي // وماكو عين حمره أتوكفَّـــــــه بحدَّه
أجتنه جيوش ماتعرف شنو الاخلآٌق// أم وأب ميعرف عنـــــده ماعنــــده
كَلي ياسياسي ألّي تنفعه هاي // وأذا مالاحــــه حتمـــــا صعَّره الخدَّه
مايسلم شريف العنده غير اليوم // ولاتَّحــه الجبـــان الشـــــابك مخدَّه
كواسر عله الناس أتحوم تنهشهه // وبعد ماظــــــل مكان الخايف أنلبده
شكت لنبار للبصره أشجره عليهه // وبالفلوجــه جــرح جبيــر شيضمده
وصوت الموصل أيحشم بأهل أربيل// ياأهــــل الوطــن ياعُربــــــه ياكرده
وحوش الماتراعي لاعرض لادين // قســـم تتعشه بينه وقســــم تتغدَّه
سمعهه الصرخه أبن حسين والعباس // لكن للأسف كلهه أوكفت ضذه
خلَّه روس داعش بالجدم تنداس // وبدروب أنتصاراتــــــــــــــه زرع ورده
أبن حرَّه وخدرهه من الهوه محروس// ولو حسَّت بخوف تلـوذ يم سِــدَّه
أمّن ياعـــراق بولــد ملحاتــــــــك // ماتكَدر علينــــــه ذيابــــــــة الرِدَّه

[ɱŭšⓣăⓕă]

احسنتِ المشاركة

[اللؤلؤة البيضاء]

​الله يساعدهم

[ɱŭšⓣăⓕă]

​الله يساعدهم

شكرا ع المشاركة الطيبة

[*فراشة السلام *]

الله ينصرهم ان شاء الله
شكرا مصطفى ^_^

[أنثى ثورية]

شكراااااااااااااااااااااا

[محمد الساعدي.]

رووؤوؤوؤوؤوعة يا مبدع روعة

[حيدر العراقي العويدي]

الله ع الابداع

[ملكة آلرقه]

يستااهلون كل القصاايد

شكرآا الك مصطفى