مجرمين وباسم الله *** على سيل الدم يفتون
شنو الجاك يا مهيوب*** كل يوم اولادك يفجرون
باسم الدين فتواهم*** والعالم بيهم يصدكون
ما سلمت ارض منهم*** انجاس واله ينجسون
شنو الجرم صاير بيك *** والتمت كلاب العالم ينبحون
حتى المسؤلين اشتروا *** وباهلك ظلوا يبيعون
ليش نص ارضك ارهاب*** والنذاله عنك يسكتون
يصرح لا داعش ولا ارهاب *** هذوله شعبنه لاتقتلون
ومن اجاه السيل للباب يصرخ ***هذوله اجانب يلتسمعون
مو انته بعتنه بحفنة اتراب **** وحاربت الشيعه يمجنون
عراقي والشعب واحد *** غصبن على اليكرهون
بغداد وديالى والانبار*** دهوك والبصره واهل نون
كلهم اولاد هاي الكاع *** ومن ثديه يرضعون
يحاقد كفر بكيفك *** وشجع للروس ليكطعون
دم البري ابدا مايضيع *** وباسم الله اكثر تدفعون
ندري ادي اجنيبه وياك *** وخلي نذالة العرب شما يدفعون
الحق حق ما يخفيه تصريح*** ويظهر لو كان مدفون
وينتصر على كل الاحقاد ***هذا الشعب شما تذبحون
يا عراق الخير ارفع الراس *** واسحق راس ليعادون
ياعراق الخير شفت اشكال *** بس مثل بفتواهم يعجبون
الله اكبر ياعراق الخير *** سامع بفتوى جهاد النكاح يفتون
يادين ذوله ويانبي عدهم *** وليساندهم هم مسلم يحسبون
انهض ياعراق الخير *** ولا تركع لليذبحون
رد مع اقتباس
