والله حيرتوا الشعب بأسم القيم,,,,
لوتفر العالم كل شبر بشبر
وتكلب التأريخ وتبحث بالصور
أسئل الأعَّلام تفسير لهل الجفر
هم شفت ببلاد مثل هذا الفلم
والله حيرتوا الشعب بأسم القيم,,,,
أحنه شفنا الضيم منكم من زمــان
بس نفاق وتفرقة وقلة امـــــــــان
الشعب صابر عليكم وقَته حـــان
ياخذ بثاره من الباع الشيم
والله حيرتوا الشعب بأسم القيم,,,,
أذا تسأل هل الرؤوس شلون أجت
بياطريق تحزمت كيف وصلت
خربت هذا البلد يوم حكمت
كشروا انيابهم بان الخصم
والله حيرتوا الشعب بأسم القيم,,,,
لوتشوف الساسة كلمن في طرف
نهبوا بخيراتنه بذخ وترف
بالكلام تشوفة مليان القرف
تالي خبصونه خبص بنقطة نظم
والله حيرتوا الشعب بأسم القيم,,,,
أبتلينة بزمرة كله بس نفاق
همها بس أرواحهه وطز بالعراق
يوم قادوا هل البلد بان الشقاق
بس قتل شفته وعركهم على الحكم
والله حيرتوا الشعب بأسم القيم,,,,
لاتصدك حتى لو حلفوا يمين
خدعوا الناس بديانه وبالحسين
الشعب محتار بيهم من سنين
خلوا الصوبين بس بجي ولطم
والله حيرتوا الشعب بأسم القيم,,,,
أنت لو صادق أبن هذا البلـــــد
خالف الفساد وأبحث على الجدد
الكرامة تنوله بنحر الجسد
لاكرامة تنول لو تبقى بغَّشِم
والله حيرتوا الشعب بأسم القيم,,,,
راح أجرد سيفي وأقضي أعلى الظلم
أنه أبن شعلان طارد كل قزم
شوف تأريخك ياخوية وأبتسم
لابد الغيرة تعود وننتقم
والله حيرتوا الشعب بأسم القيم,,,,
رد مع اقتباس
