هنا

[عماد الحمزاوي]

آآآآأأأه يــــاعــــراقـــــــــــ ـــــــــــــــــــ

مــل مني القلم ومن القلم مليت عمــت عينه قلمنه الما نفع شِعره


تعــب حته الشِعر ويه العراقيين وصار بحال اهلنه وبالعراق ادره


رسمــت حروف العراق برسم فنان وجمعت اربيل والانبار والبصــره


وگلــت لازم حروفي توحد الخوّان ما معــقوله هيچ تصير فد مره!!


ورديــت ولگيت دموع عالوجنات حروف الي رسمتهه اليوم متطــشره


كردستان تحــچي بزودهه وتگول احنه العاصمه وبغــداد متأخره


والانــبار شالت سيف عالخوان لو ليه الحكم لوفلــّش الاسره


والبــصره تگول احنه نريد اقليم ومن نفط العراق الكُم فقط عُشره


وشفت للفتنه والله العراقيين دون حــروف جر يا ناس منجرّه


مذبوحــه المحبه وناس تكره ناس سويه الي يحب والقابض الجمره*


حتــه الورد ما يرضه بعد بالماي من دمــنه تريد الورده والشجره



رقم جبــنه قياسي بالقتل والموت وصرنه اول شعب نص اهله متهجــره



نهر دجلــه يـ ناس من الجثث غرگان خلي نمد ادينه لدجـــــــــله وانجرّه


على جثنه تدور هالفضـــــــــــائيات ياهو الي يصــــور ياخذ الاجــــــره


معصوبه العـــــيون مچتفه الايديــن وانواع الرصاص يچوب بـــــصدره


لا اهله اجوي وچــــــــفّنوا بچـــفان مجــــهوله الـــهويه ومن دره بأمره


اذا امّه الــــحنونه الصايمه برمضان ما اكــــلت اكلهه وبقت تـــــــنتضره


تنـــــتضره يرد وتريد تحــجي وياه اثاري العيـــــــد لازم ينگطع مهره


لان باعــت ذهبهه بشارع الصياغ حته تزوج ابنهه المــا فرح عمره


ما نامــت بقت سهرانه كل اليل ايا ليــل العراق الما بزغ فجره


وما جاهه صــبر طلعت تدور عليه مثل طلــعة حمامه بعينهه العبره


وما شافــت ابنهه وجاهه ملك الموت تعرف شــنهي يعني تموت بالحسره ؟؟


معنــاها الفرح صاير مثل رجال شايــل ورده بيده وخنجر بضهره


معــناها عراقك كاتل ومكتول سوده گلوبهــم وعقول مفتره


وكــل هذا ويگلي احنه العراقيين سنه وشيعه عشنه الحلوه والمــره


لا والله چذب احــنه العراقيين سنه وشيعه مثل الضره عالــضره


ملينه الچــذب وليمته وليا دوب واقع حال لازم نخــضع لامره


ملــينه الچذب وليمته وليا دوب قصايدنه اجت للــناس متأخره


نــعم خوان احنــــــــــــــــــه نعم خوّان احنه وياك آني بهاي بس مو من بعد تفجير ســامرّه



بعد تفجير ســامرّه العراقيين مثل فلم الرعب ودمايته الحمره


مو فتنه صــحيح الصايره ابّغداد سونامي الفتــن بغداد منتشره


قتل مو عالهــويه هواي متوهمين صارت عالاسم گص راسه ويشمره


صـــــــــفر كل النتايج للعراقيين بس بالفتنه جابوا عشره من عشره


هذا يگول سني ناصبي اغتالوه وهذا يگول شيعي رافضي نكفره


ضلّوا بهالســوالف يا خزي ويا عار واسرائيل علگت نارهه الــــــكبره


يول وين الــــــــشرف گدامكم بغداد شــــــگّوا ثوبهه واخذوهه متأسره


غتصبوهه الكُــفر ... ما تسمعوهه تصيح آنه ام الــــــــــشرف واليوم مو عــذره


بعد والله ما يــــــــــــنفعنه قيل وقال لان كـــلشي انتهه وانكــــسرت الجــرّه

[لوءلوءة 7081 السماء]

جزيل الشكر خويه

[Haitham al-Baghdadi]

آآآه يـاعــراق
عاشت ايدك اخي

[عماد الحمزاوي]

كل الشكر والتقدير على المرور
و حفظكم المولى أينما كنتم

[miss horea]

كول الشكر والتقدير لحظرتك
وتصميم روووعة

[عماد الحمزاوي]

كول الشكر والتقدير لحظرتك
وتصميم روووعة

بوووجدك ارؤؤؤؤؤؤؤع و اشكرك جزيل الشكر
على ردك وحضورك الرااائعين

[هدوء الكون]

عاشت ايدك مشاعر نبيلة اتجاه الوطن العزيز

[ملكة آلرقه]

رسمــت حروف العراق برسم فنان وجمعت اربيل والانبار والبصــره


وگلــت لازم حروفي توحد الخوّان ما معــقوله هيچ تصير فد مره!!

الله علييك اخويةة

التصميم حلو والقصيدة احلى

عااشت الاايادي

[عماد الحمزاوي]

شكرا جزيلا على المرور الكريم
و الدعم المتواصل من خلال الردود القيمة
دمتم بخير لا حرمنا الله اطلالتكم

[مناف البصراوي]

رؤؤؤعهههه