هنا

[Samer]

سامر انت وين جاي تحجي الضاهر ما عايش بالعراق
صحيح سيطرت البيشمركة على كركوك لكن سمحت بعمليات السلب والنهب لكافة مراكز الحيوية
ممكن تفسرلي السبب ؟!
مصدر الصور شبكة شكو ماكو
من هنا

والله انا من العراق و قلبي مع العراق أكثر من أي شخص اخر ، و أرى الأمور بمنظار أعمق بكثير مما هو سائد في المجتمع حتى ظننتم إني لست عراقي .. حسنا حقيقة وصلنا إلى مرحلة نرى الحق باطلا و الباطل حقا ، و سأوضح التحليل لما ذكرت عزيزي على فرض صحة الخبر

1- على حد كلامك، .. إن من سرق هم الأهالي، والبيشمركة (يصورون)، يا ترى إذا كان المال العام عزيزا على أبناء المحافظة و أبناء الوطن فلماذا سرقوه ؟ و لماذا نقوم نحن نذم البيشمركة أو غيرها من القوى ؟ أما كان من الافضل أن يقوم الأهالي بالحفاظ على مالهم العام ؟ وعدم سرقته من قبل ضعاف النفوس ؟ و يكفي البيشمركة (حسب الخبر الذي قرأته في هذا المنتدى) إنهم رفضوا التعامل او ركوب الاليات والاسلحة التي خلفها الجيش العراقي

2- قيام بعض الأهالي بسرقة المال العام دليل على حالة الفقر التي تسود محافظة كركوك كما هي غيرها من المحافظات، على الرغم من إنها صاحبة الابار النفطية الهائلة ، في كل محافظة توجد تلك الاحياء الغاية في الفقر والذين اغفلت الحكومة الاتحادية و المحلية (والمطبلين للسياسيين) الأنظار عنهم و جعلتهم يعانون الجوع والحرمان و ازمة السكن ، ماذا تتوقع منهم ؟و هم يرون المليارات من عائدات النفط تنهب و هم تقتلهم المعاناة والفقر ؟


لا امدح البيشمركة ، و لكن إذا شئنا ان نلوم احدا فلا نفعل مثل معاوية عندما سئل عن قتل عمار بن ياسر فقال (لقد قتله الذي أتى به) في رواية مشهورة عن معاوية، فبدلا من أن يلوم نفسه وجيشه على قتل عمار بن ياسر رمى اللوم على من قاتل معه عمار وهو علي بن ابي طالب عليه السلام

مع الود

[احمد محمد3]

وما يصير يا اخوان اذا واحدضعيف نفس ودين نهب نكول فلان اقوام كذا و كذا مو كل اصابيعك سوى وفي كل قوميات اكو زين وشين اكو انواع واشكال نحن بشر مو ملائكة

[احمد محمد3]

وكل شي بيد الله سبحانه وتعالى بين مغرب و عشاء يفعل الله ما يشاء ولازم ندعي الله يحفظنا من كل مكروه و ان لانقع بيد كافرين امين رب العالمين وان نعيس بكرامة وعز و مرفوع راس هكذا العراقيين اهل دين و مساواة وغيرة وسلام

[حيدر الطائي]

هسه اعتبروني ماافتهم وانتم فهموني شغلة دايخ بيها
اولا الاحداث كلها دتصير بالموصل حاليا وداعش ديزحف بأتجاه بغداد ويسيطر على بيجي وتكريت وسامراء
والمناطق اللي هي جنوب الموصل .. فما سمعنا انو داعش دخل كركوك واستولى عليها .. هسه فهموني شجاب البيشمركة لكركوك
اذا همه يردون مساعدة الجيش العراقي .. ليش ما دخلو للموصل ؟ ليش دخلو لكركوك ؟ ممكن جواب لهذا السؤال ؟

[Samer]

هسه اعتبروني ماافتهم وانتم فهموني شغلة دايخ بيها
اولا الاحداث كلها دتصير بالموصل حاليا وداعش ديزحف بأتجاه بغداد ويسيطر على بيجي وتكريت وسامراء
والمناطق اللي هي جنوب الموصل .. فما سمعنا انو داعش دخل كركوك واستولى عليها .. هسه فهموني شجاب البيشمركة لكركوك
اذا همه يردون مساعدة الجيش العراقي .. ليش ما دخلو للموصل ؟ ليش دخلو لكركوك ؟ ممكن جواب لهذا السؤال ؟

الجواب موجود يا عزيزي بالاخبار .. لو سمعنا انه (اكو اشتباكات) بين الجيش العراقي والبيشمركة .. كان كلنا انه البيشمركة احتلوا المدينة غصبا .. بس اللي فهمنا هو أنه قوات الجيش العراقي (الفرقة 12) تركت كل اماكنها بـ (كركوك) و بالتالي تركت المدينة أما لداعش، او للبيشمركة، و البيشمركة (حسب المنطق و فكرة موضوعي) افضل بهواي من داعش، على اي حال هذا يخللينا امام احتمالين:

1- انه اكو اتفاقية بين الحكومة المركزية و الكورد بخصوص تسليم أمن كركوك إلى البيشمركة بصورة مؤقتة او دائمية
2- أنه بلا اتفاق، يترك الجيش مواقعه مثل ما حصل بالموصل، و بالتالي ماكو امام البيشمركة غير احكام السيطرة على كركوك منعا لدخول الارهابيين

و شلون ما سمعت انه داعش دخلت لكركوك ؟ لعد الحويجة وين ؟؟

http://www.annahar.com/article/14059...AF%D9%8A%D9%86

[حيدر الطائي]

الجواب موجود يا عزيزي بالاخبار .. لو سمعنا انه (اكو اشتباكات) بين الجيش العراقي والبيشمركة .. كان كلنا انه البيشمركة احتلوا المدينة غصبا .. بس اللي فهمنا هو أنه قوات الجيش العراقي (الفرقة 12) تركت كل اماكنها بـ (كركوك) و بالتالي تركت المدينة أما لداعش، او للبيشمركة، و البيشمركة (حسب المنطق و فكرة موضوعي) افضل بهواي من داعش، على اي حال هذا يخللينا امام احتمالين:

1- انه اكو اتفاقية بين الحكومة المركزية و الكورد بخصوص تسليم أمن كركوك إلى البيشمركة بصورة مؤقتة او دائمية
2- أنه بلا اتفاق، يترك الجيش مواقعه مثل ما حصل بالموصل، و بالتالي ماكو امام البيشمركة غير احكام السيطرة على كركوك منعا لدخول الارهابيين

و شلون ما سمعت انه داعش دخلت لكركوك ؟ لعد الحويجة وين ؟؟

http://www.annahar.com/article/14059...AF%D9%8A%D9%86

طيب جواب مقنع ونأمل انه تستقر المحافظات الساخنة ويعم الامان في ارجاء عراقنا الغالي .. تحياتي لك

[احمد محمد3]

اخواني على كيفكم ندعي الله يحفظنا من كل مصيبة وشر والله عدنا مرض نفسي اصعب من مرض عضوي الله يشافينا

[warda]

نورتي ليديا وممتنه للتقييم غاليتي

[ليديا]

لست عراقية الجنسية وان كنت موعودة بها لكن من وعدتني اتصور انشغلت مع ولي العهد ونستني

لن اتكلم من كوني عراقية الهوى

بل ساتكبم من منطلق اني انسانة بهذا العالم المليء بالظلم والخراب

بحيث حيثما ولينا وجوهنا وجدنا الانسانية تقبر بكل وحشية من مدعي الحضارة تارة ومن متعصبي الدين تارة اخرى


وفي النهاية لا ندرك الا انها الاطماع والمصالح المادية هي من تحرك هذا المارد اللعين المتعطش للخلود والجائع للمال والثروة والسلطة والجاه


في وسط افريقيا جنود فرنسيون يشوون الشباب الزنوج المسلمون على النار

في مصر حارسات وامناء السجن ومحكومات جنائيات يعتدون على السجينات السياسيات من طالبات واطارات

في العلن تباع النساء السوريات تحت مسمى الستر عليهن لاصحاب المال في الخليج وكل بلاد العرب

في سوريا تدمر الاحلام وتسفك الدماء وتهدم المساكن في قتال لا رابح فيه الا الشيطان

ونحن مازلنا نصيح فلنتحد

انت سني وانا شيعي ونحن اخوة

لكن هل قلناها بقلوبنا

هل لامست شغاف القلب فينا

كلامك سامر منطقي جدا

انت تطلب الامان لاشخاص ارهقهم البؤس والموت والدمار

اكيد ما لم تكن على قيد الحياة لن تستطيع ان تقرر ان تضع يدك في يد اخيك

ان كنت دوما على موعد مع الموت كيف لك ان تحلم

بل كيف لك ان تشعر بالحب وانت ترى الناس تمضي في احلامها واحلامك تبتر

لان العمل الذي تخطط ان تجمع منه مال تبدا به حياتك قد افلست شركته وتم تسريحك

لان الزيادة التي كان ينتظرها والدك لكي يدعمك في مشروعك قد اخفيت ولا احد يدري اين مصيرها ولا احد يعرف في جيب من دست

لان السيارة التي كنت تخطط ان تجلب بها حبيبك الى مسكنه الجددي قد فجرت وصارت ذكرى في بعض الصور

لان البيت الذي سال عليه عرقك البارد وانت تبنيه لبنة لبنة ليحتظن حلمك قد هدم وصارت تكلفة تنقية المكان اكبر من تكلفة بناء المنزل ذاته

لان حبيبك ذلك قد مات في تفجير هذا الصباح وصارت جثته اشلاء وحتى والدته لم تتعرف عليه

وانظم الى حببيب جارك فلان وحبيب جارك علان

والكثير من الاحبة يطوون ومعهم الكثير من الاحلام


نعم انه مبرر منطقي ان يكون لهم وحدهم القرار في ان يختاروا مع من يكونون

وان يختاروا في ظل اي دولة يعيشون وينعمون كما ننعم ( بالاحلام )

لهم الحق في ذلك بالمنطق والعقل والضمير الانساني الحي

لكن .............


لكن ............

القرار المناسب بنظري اهم من القرار الصحيح


والقرار المناسب بنظري

هو ان يظل العراق لحمة واحدة

كتلة واحدة

وان يتعلم ابناؤه كيف يكونون معا

شيئا واحدا

مختلفا وميتباينا لكنه متحد


تماما كما البنيان ... لا يهم ان كانت لبنة ذهب واخرى فضة واخرى طين واخرى حديد واخرى معدن اخر

المهم ان تكون لبنات متراصة .. متجانسة

لا حل للعراقيين الا ان يتحدوا

لست خبيرة في استراتيجيات الحرب

ولكن قراءاتي القديمة تستطيع ان تمنحني نقاط اتذكرها الان بعقلي الباطن


لكي ينتصر اي شعب عليه ان

1- يقتلع جذور الخائنين لان كل العطب منهم

2- يهز نفوس الجامدين السلبيين كما لو انه يبعث الحياة بالحطب

3- يمنح الفرصة للشباب ويثق بهم ويمضي معهم لينبعث الفجر الباسم

4- لا يؤمن بالامان المؤقت لانه ساعتها لن يستحق لا الامان ولا الحياة

5- لا ينظر واخاه يؤكل لان الدور عليه لما يجوع الاكل وهو جائع حتى وهو ياكل

6- لا يستمر بالكلام والناس تعمل

[Enana]

عزيزي سامر.. اييدك الانسان اغلى شي اغلى من القبلية و العنصرية و النفط و لهذا لازم واحد يكول الحق حتى نكدر نشوف حل.. و اعرف الدولة ضعيفة و السياسيين واحد يشتم الثاني بالتلفزيون بس خلف الكواليس متعاونين بالسرقة.... بس اللي صار ابدا مو تطور طبيعي للاحداث...الحقيقة واضحة وضوح الشمس محد دينجم حتى تكول طائفية و عنصرية.. ورجاءً لتكول احنا بيا حال خلي نحتار بالموصل و بالمالكي و بتكريت.. اني اشوف بالعكس.. اذا نريد نعالج الكارثة باقل قدر من سفك الدم لازم نحل الامور جذريا و كافي حلول قصيرة المدى.. اللي يتهم برزاني مو عنصري.. حالي حال معظم العراقيين كرايبي اكراد و جيراني اكراد و اصدقائي اكراد ... سامر اني صار لي اكثر من اسبوعين انتظر شنو الكارثة اللي راح اتصير بس متوقعت كل هذا.. ليش؟ لان اعرف بشكل شخصي محادثات وفد برزاني بواشنطن من شهر شباط المستمرة مع كل من قبل يسمعهم فشلت بشكل كارثي و مع هذا برزاني صدر النفط.. اعرف النشاط الدبلوماسي الخارج عن المألوف لاوربا و للخليج كان وراه شي.. خصوصا انه لم يؤدي الى بيع النفط.. اعرف برزاني انحصر في زاوية ضيقة ما كدامة غير يرضخ بقضية النفط و هذا شي مستحيل او يعلن الانفصال و هذا كان مستحيل لان واردات نفط الاقليم من جهة قليلة ومن جهة قضية كركوك بحالة الانفصال مراح تنحل الا بحرب فعلية مع بغداد توحد بغداد و تضعف حزب برزاني.. و اخر علامتين اكدتلي اكو شي راح يصير هي الدعوة الغريبة ل توماس فريدمان لزيارة اربيل و كتب وراها مقال عنوانه ابد مو صدفة دوروا المقال و اقروا .. بعد ما سافر فريدمان بيوم وصل الموفد الامريكي وراها بيوم احترقت الموصل.. صدفة؟؟؟؟؟ اغرب من الخيال