مساء الخير سيدات المنتدى
من خلال اطلاعي على احوال الرعية كونت الفكرة التالية
بعد ملاحظتي لبعض الظواهر وارغب بدراسة اسبابها ومعالجتها في كتاب
قد اسميه ( كيف تفكر حواء ) 
هناك ظواهر نسائية في مجتمعنا اود ان تفسرنها لي وللقراء
اي ليش لا ..قابل خايفين ...تدلل انت والقراء 
* عند ذهابك بزيارة الى الاقارب والاصدقاء والجيران ورغم مكوثك لفترة طويلة
لماذا تقفين بباب البيت مع ربة المنزل وتكملين الحديث لعشرة دقائق اضافية ؟
اعتقد والله اعلم انه هالمسألة مرتبطة بالاذهان بحسن الضيافة ...يعني من باب مجلبين بالخطار مو بس يكول مع السلامة يكولوله الله وياك...اني عن نفسي اضوج منها ...بس مرات اضطر اجاري المضيف
* عندما يقول لك زوجك سنذهب الى مكان ما لماذا لا تخرجين من المنزل الا
بعد ان يكون زوجك قد بدأ يفقد اعصابه ويزعج المنطقة بصوت منبه السيارة ؟
اذا هو الزوج من يكول خل نطلع ..تكون هي المسؤولة تحضر الشياكة من الالف للياء اله و للاطفال (اما الجهال لما يلبسون بشلعان القلب )...و هو بس يكمل جر المفاتيح وكَعد بالسيارة و لحكَوه جهاله ..وتظل هي تركض ركض ما تشوف دربها ...وتالي تطلع هي اللي مأخرتهم
زين ليش ما تكَول : هو الرجال ليش من يكمل اناقته ما يبقى شوية فد ربع ساعة بالبيت حتى يرحم زوجته من الركضة مالت التبديل ؟..لو حتى يساعدها بتحضير الاطفال ؟..مو سؤال وجيه ؟..بدل ما ينتظر بالسيارة وتصير الدقيقة عليه و ع العالم سنة
* لماذا تؤكدين على ابنك او ابنتك عندما ترسلينه الى بيت الجيران ليحمل
طبق طعام او حلوى ان يقول لهم : بالله عود فرغولنا الصحن ؟
بالنسبة الي حتى لا يردون الهدية بهدية ...زحمة
* لماذا ترتسم علامات الحزن وعدم الرضا على وجهك عندما يقول لك زوجك
اليوم نتعشى ببيت اهلي ؟ وترتسم ملامح الجد والوعيد على وجهك عندما تخبرينه
انكم ستتناولون العشاء ببيت اهلج ؟
ولو ما صايرة وياية شخصياً ..بس اكدر اقدر الدوافع ...
الحزن على وجهها لأن ع الاغلب الزيارة مو مريحة لبيت عمها و مجبورة تروح بدون اعتراض حتى لا يزعل زوجها
اما بيت اهلها فهو (اول منزل ..على رأي احمد شوقي )..وتنسر وتبتهج بيه ..بس لأن غالبا هو ما يعجبه ..و لأن يختلف عنها بأن اله حق يرفض و ما ينفذ ..فتحاول تخلي بهارات حتى بلكي ...بلكي ..يتحقق الطلب (شفتوا القهر )
* لماذا عندما نسأل النساء اللاتي لهن بنات واولاد متزوجين عن حالهم
تقول : والله بنتي حال الضيم حالها ويه بيت حماها متمرمره , وجنتي شكو عليها
اكل ونوم ورجلها ما يردلها طلب ؟
عادي محد يشوف روحة من يغلط ...واكيد جنتها هم متمرمرة 
* لماذا كلما تخاصمت مع زوجك يقول لك : اعرف منو ديحركج عليه
امج ... اي من اكو غيرها ؟
ما تسألوه اله ..احنا شعلينا
* لماذا عندما تزعجك احدى اخوات زوجك او امه بكلام تحاسبينه وكأنه هو المذنب ؟
انتن نسوان وبيناتجن سوالفجن هو شعليه ؟
مو اكيد هو ما يقبل المرة تجاوب ماما و دادا ...و اذا تظل ساكتة غير تطك وتموت 
عاد خل يستلم
* لماذا لا تساعدين زوجك في غسل السيارة ؟ مو وين ما تردين يوديج بيها ؟
منو يكول ما اغسل السيارة ..هه
اوووف
* لماذا تلحين على زوجك للذهاب معك الى السوق لشراء ملابس وغيرها وهي
مهمة نسائية بحته ؟
اصلا اني تعلمت درس ...الطلعة للسوق ما اخذ بيها اي احد ...حتى افتر براحتي واكمل كل شغلاتي وراسي بارد ..لا هو ولا هي و لا اي احد
بس عموما النساء يعجبهم يتمشون وية ازواجهم ..يعني شعور لطيف ..بس جيب اللي يقدر 
* لماذا تعلو وجهك الكآبه عندما يطلب منك زوجك ان تطبخيله شوربة عدس يتريك بيها ؟
وانت اذا كالولك من الغبشة سوي شوربة عدس رح تفرح ؟
*
يتبــــــــــــــــــــع
رد مع اقتباس
المشاركة الأصلية كتبت بواسطة مواطن عراقي
