قرينه بالكتب يطلع السفياني
يعني بمعنى آخر نگعد انتاني
يوصلنه ويجي والجيش دگ الشوف
ونسلم رگابنه بيد اللحايه الصوف
ويجي براياته فزّاع الخراساني
"""""""
"""""""
وحنه إنته شتقلد ؟ تابع اليا راي
إذا غط المعيّبر من يگيش الماي
بتاريخ الأمس متقيد ومكتوب
الهوى بحسره علينه بس نموت هواي
ميصير انتحرك نمشي عالمذكور
ومن يطلع المهدي انفكر احنه انثور
واليزيد حرف يُعتبر علماني
قرينه بالكتب يهجم السفياني
""""""
""""""
بآخر جوله ... مسموح النه عود انفوز
دكتوراه أخذنه ( ايجوز لا ميجوز )
حرام احنه انتوحد ! نغضب التاريخ
ترسنه بطونه ! وماكل عقلنه العوز
نحصد بالضلام وما نشوف النور
لأن تايه علينه ( الخيط والعصفور)
وياهو تكضه هوه ( فلان الفلاني )
قرينه بالكتب يطلع السفياني
"""""""
رد مع اقتباس
