ياعراق..كن مطمئن
طالما الزند الاسمر من الجندي العراقي
يغازل الشمس..
اظطررت أن أتغزل باولادك الاسود
لأنني غير قادر على أن اشيد بغيرتهم
المنبعثه من طف العباس عليه الحب والحمام
الى الجنودالعراقيين الأوفياء
.................................
ترفه ولدك حبّك مسهـرلهه عين
وتارسه حدودك غزل بوســاتهم
حرب خاضو..بس يعشكون السلام
ورد تلــكه بحلك رشّاشـاتــهم
وعالترافه البيهم انطيك الدليل؟
شعر تلــكه بورق باكيتــاتهم
تفرقوا؟خطة أمن بس مو خلاف
تفرقوا ماكو فرق بيناتــــهم
الشيعي والسني مثل دجله وفرات
تلاكــوا بكرمة علي ثنينــاتـهم
سمعوا الأذان ...حيّ عله العراق
غيره صلّو والفرض مافــاتــهم
نصر كتبوا عالسمه وراح الزراك
ضيّعوا وجه السمه برايـــاتهم
ماتميز جتاف جندي من النقيب
البالحرب يتسابكن خطــواتهم
جندي..ضابظ..فرق بس بالتسميات
والدليـــل بشبــه بيريّــــاتهم
الرتبه حبك ياوطن مو نجمه لا
شموس همّه ..النجمه مو غايتهم
مارضو بقماش تنحط النجوم
شالو نجومك على جتافاتهم
موطني يغنون... يرتاح النشيد
يغار حتى البلبل مْن اصواتهم
الشر بعيد.ولو وكع منهم شهيد
عكل وتخيّل تكع دمعـــاتهم
الحرّروا مرجوحه من جف احتلال
تلكه لعّـــابــات اكو بنيّــاتهم
كبار ولدك لاتسميهم جنود
لأن من حلفولك بشيباتهم
ياعراق وولدك حجايه نطوك
وكاعك تأكدلك حجاياتهم
أبد مايحتاج حيهم لاتصيح
زلم فزعو ا للحرب من ذاتهم
رد مع اقتباس
المشاركة الأصلية كتبت بواسطة نانسي
