ليش الوطن ابو نفس الأبية ينذبح وانتم باقين بالنزاعات
جلسة بالبرلمان يومية تتأجل الجلسة شبعنة جلسات
الوطن ينزف شباب وانتم تتعاركون والوطن متروس صبات
هذا العراق لو نسيتو هذاالبلد الامين ليش انترس عصابات
إذا جانت قبل زلم مسلحة هسة نسوان مفخخة ومسلحات
شاهد وشوف الوطن من ورة الدم صار بيه دم فيضانات
وانت يا ضباط عينكم على الشعب شجاكم يا قيادات
وطن صاير مثل غنم بلا راعي وكل شخص مسلح بسلاح
بستان الوطن والشعب ورود بس بستان محتاج فلاح
لأن كَـاع موجودة و زرع موجود بس التربة بيهة املاح
ابشر يا عراق عدنة شباب بالخسائر والاموات بالارباح
شباب للمكَابر اتروح ليش والله حرام جنهم ورد قداح
ليش الجان امام جـــامع هسة امــير صاير وبالــدم سفـــاح
الجان يكَــول اللها كبر الله اكبر هسة سبحان الله هسة ذباح
قل اعوذ برب الناس العراق من الانجاس يمتى يرتاح
.........................
رد مع اقتباس
