هنا

[عَـبّـآسًـ آلَمِرنٌكيّ]

اخواني واخواتي الاعزاء نرجو من الاخوان والاخوات الشعراء

بكتابه جزء بسيط بحق الجيش والشهداء الابطال الذين يدافعون عن ارض الوطن الغالي

[جْــيْــكـــي'ۦ، 'ۦ]

عمت عين المنايا وعين الگبور


تختار العزيز وتاخذ الزين


راحت لابو الغيرة ورفعت الراس


وطفت للعزيز الشمعه ودرة العين


انت صح طحت بس طحت خيال


ودمك بألف رگبة وشاربك دين


شگل لامك واخوتك ما يسكتون


وتگل للخال چا خوية الولد وين


بعد ما اشوف طولك من يمرون


وبعد راح العزيز المن تضحكين


يا عين

رحم الله جميع شهداء العراق في اليوم الحزين

[هــاجــر]

ماهو طلبك؟؟؟؟

[هدوء الكون]

[♥سنفورة بغداد♥]

ما هو الطلب

[Mustafa _ALansary]

مانعرف تريد تحب مثلا"
عادي تكدر تحبني واحبك

[عَـبّـآسًـ آلَمِرنٌكيّ]

منصؤرين احنه براية العباس خل داعش يضل برايته السؤده

[عَـبّـآسًـ آلَمِرنٌكيّ]

أحب اثنين بس أهلي والأعراق ..(العراق)
وحبك يا وطن بية والاعراق ..(ولع راق)
كل طيبة جذر مني والاعراق ..(جمع عرق)
من طيبة أهل خير البرية

[عَـبّـآسًـ آلَمِرنٌكيّ]

آنه أبن العراق الراضع النهرين
وحب كاعه ورجاله وجيشه المأصل
آنه أبن الصُميده الوارث الفقار
الهد الجاهليه وجم بطل جندل
اليبرّزله أنكتل والينهزم ينجه
واليكشف سؤته أبعورته أتختل
سن درب الأمانه البيها نتمثل
أبن حسين آنه ونخوتي العباس
من يغضب رعيد وصاعقه أتنزل
آنه أبن الزعيم الدوهن أستعمار
وحيّر للعقول ولا درب تندل
الرتبه أتلوك أله وبجتافه مهيوبه
الشجاعه والنزاهه بشخصه تتمثل
الحفظ جيشه وعراقه وحبه كل شعبه
ولا دوّر حفيره أتعفنه وينذل ***
ولد الجيش أحنه الفقره والعمال
البنه صرح العراق أبدمه وبمعول
بالقصعه ربينه وغيرة الصمون
واليكرط ملحته صافي ومعدل
ولاجنها حضيره خرجت أجيال
وعلمتنه الرجوله أبمصنع الأول
الجيش أبن الشعب ماواله كل صدام
ولاخان الأمانه وسيرته أتبدل
جيشك هم ضحيه وشعبك الذبحوه
وتـنفّذ تآمر رغبة المحتل
نهض جيشك بنالك شرطه والصحوات
وحافضلك عراق وبيكم أتكفل
تره فشله عليك وأنت أبن أجواد
تسمي أشجع رجال الجيشك المنحل ***

[عَـبّـآسًـ آلَمِرنٌكيّ]

كل عام اليمرني أبسته من كانون
أمسّي أبذكرياتي وياهن أتعلل
أسافر بالحلم وأنزل على الجولان
وتل عنتر أصعده وفوكه أترجل
و(أحمد عيد*) جندي الباسل المغوار
المسرفن أذراعه المدفعه أتهدل
يملي للقنابل حافي ويهوّس
وكبل جَرة الحبل وّي مدفعه هلهل
حنه الكاع دمه وصاين الأوطان
شهيد وبالجنان ونجمه ما يأفل
لو ما جيشكم صد هجمة أسرائيل
جاقادة عربكم ذلة تتزنجل
وصل منهم جزاء أمفخخ وذباح
ولا أنعاتب زلم من شين ما تخجل
أذن حقه الأحتلال الجيشك أيحله
لأن توجع ضربته وللعظم توصل ***
شدوا أحزامكم ولدي يرفعة راس
أحلفك بالرساله وبيكم أتوسل
أسرج عالمنيه ورايتك شعلان
لبس يشماغ عزه وفوكها أتعكل
دكوا أحصونهم وأتّبع الأرهاب
وهدم فوك راسه بيته والمعقل
وجيش الأحتلال أنذكره أبوعده
طاح الطاغيه ومشكور من يرحل
لتزعل ولدنه ولد أبو الحسنين
يرّج الكون جيش عراقي من يزعل
وآخر أمنيه بنص ولدي أستشهد مو ضابط مقاتل تامر وأقبل