بسم الله الرحمن الرحيم
السلام على صاحب السكينة
السلام على المدفون بالمدينة
السلام على المنصور المؤيد
السلام على ابي القاسم محمد بن عبد الله
ورحمته وبركاته ومغفرته ورضوانه
السلام عليكم ورحمة الله وبركاته ..
ياهوالگال طاحت راية العباس
ماصدگ خرافه وامشي بحچايه
ايه من الله ايه تگول طاحت ليش
ماطاحت اگلك؟ نزلت الايه
وبس عباس امس فسرهه للعباس
من جاب الفرات وماشرب مايه
بعيونه انرسم خط الشروع حسين
وچفوفه الوسيله وزينب الغايه
وهذاك بكربله هالواگف العباس
ومگابل حسين وشايل الرايه
مرايه ومن وگف گدامهه العباس
موعباس بيهه حسين المرايه
***
واقره الايه كلهه وارجع اقره انوب
عين وباء والف والسين يعني انته
عباس وعلي وبالحرب ياعباس
كلك تبتسم للموت لوشفته
يالعينك علم والباء بسم الله
يعني الف رمح والغيره شايلته
سينك معجزه ومنهه انكتب تاريخ
تاريخ الوفه العباس معجزته
واگف عالنهر والعطش يشرب بيك
وبايدك فرات ومايه ماضگته
ولهذا السبب سموك راسك حار
وبعين الرجوله من الزلم فلته
يالكلك كرم ومن الكرامه البيك
لچفوفك يجيك الماي لوردته
وبچفوفك امس جبت الفرات وجيت
وبمعنه الوفه المايدري علمته
استسهلت العطش لمن ذكرت حسين
والعزت عليك شوصتك بته
ظل همك ترد وسكينه تشرب ماي
بس شاء القدر بالماي من جبته
يتحول سهم وبعينك يحط ليل
ويبوگ الگمر من عين عاشگته
وظل بيك الوفه حته من اجاك الموت
رخصت النفس وبهيبه رافگته
وحسينك بقيت اعله العهد وياه
حد گطع النفس وفاي ماخنته
وصلت للدفن چلبت بالدفان
يدفنكم سوه وبحسين حلفته
گلبك مااطاك لكربله اتعنيت
تركض بالنعش وحسين گابلته
اهل الابداع
الى ان نعرف كاتبها
جزاه الله كل خير
رد مع اقتباس
