درر العراق

كبريائي قاهرهم · 6/June/2014

السلام عليكم

طبعا صار فترة طويلة ممنزل موضوع حصري بهذا القسم

كل مرة انزل مواضيع مزاح عن الانسحاب ..

او عن الاعضاء والمدح بيهم ..

لكن اليوم الموضوع واقعي حدث في حياتي ..

واعتقد واضح من العنوان ..

طبعا ما اعرف من وين ابدي الحديث عنها ..

لانه بصراحة وجدت بيها كل المزايا الاي يحبها الانسان ..

الوحيدة اللي اتحملتني بجميع حالاتي ..

اتحملتني من عصبت عليها ..

اتحملتني من سمعتها كلام جارح ..

اتحملتني واني اقسي عليها يوم بعد يوم دون ان اقدم الها اي شي بالمقابل ..

و كان ردها هو السكوت فقط و الاجمل من هذا انه ما فد يوم

سمعتني كلمة جارحة او سمعتني كلمة مو لطيفة او كلمة تغثني بيها

بالعكس ترجع للتعامل وياي بكل لطف وشنو اريد منها تسويلياه

وبدون اي تذمر .. وبدون اي انزعاج وكانه اول مرة اطلب منها هالشي

....

طيب برأيكم هيج نموذج بعد نكدر نتركة او نفكر في الابتعاد عنه

اكيد الجواب لا ..

وحتى اكون صريح اكثر هي سبب انضمامي للدرر .. و هي اللي خلتني اتعرف عليكم

طبعا للعلم اني متأكد مليار بالمية .. هي شاهدت هذا موضوعي

بعد كل اللي تكلمته عنها .. و كل العذاب اللي شايفته مني حقها اذا سوت اي شي

بس اني متأكد هي كعادتها لا راح تزعل ولا راح تسمعني كلمة مو حلوة او تسوي اي شي بحقي

انما اني اللي السبب بكل شي يصير وياها

اذا كان هالشي اللي سويته صحيح تستقبله مني برحابة صدر و اذا كان بسوء ايضا تستقبلة برحابة صدر

............

طبعا اليوم حبيت امدحها ولو بجزء قليل ..

و حتى تعرفون هي منو ...

.

.

.

.

.

.

.

لا مو مثل كل مرة انزلكم ويطلع مقلب هالمرة راح اكول راسا

حبيبتي اللي اتحملت مني كل هذا الشي

هي

( حاسبتي العزيزة )

برأيكم مو لازم نحترمها لان احسن من كثير من البشر بمجتمعنا ..

شما تسوي وياه زين .. ميغزر بي ..

ع الاقل هي شما تسوي وياها متتذمر منك ولا تقصر وياك بشي ..

ان شاءالله عجبتكم قصة حبيبتي

دمتم سالمين ..