ياموطني شبيك انته صاير ما تحن ؟
ياموطني شبيك انته صاير ما تحن
ياموطني باكَـوا السنبل والدخن
چايمته يمعود تحن
كَـتلك... وطن ليمته نبقى بلا وطن
ايا وطن اطفالك الايتام مانامت تون
وكَـتلك وطن ذني بناتك فرعن
يا وطن كَـتلك بناتك من دربهن تيهن
ونكَـطع حبل المستحه وضاع الرسن
شنهي القساوه البيك شوصاير سجن
لونكَـلب اسمك ينقري صح انه اظن
عراق=قارع=قاتل
ولوأسمك اتهجاه بحروفه چثيرات المحن
العين عركه ويالوكت حد الچفن
والراء رمياً بالرصاص بلا امن
والالف أكتل وأنكتل كلمن جبن
والقاف قاتل ثم قاتل لاتجن
عندي وطن بالضيم يكبر والمحن
وعندي وطن قاسي عليه ومايحن
وعذرناً حبيبي وانه اسف ياوطن
وحروفك اسمك اجمل حروف انه اظن
العين علم ومعرفه لكل الملل
والراء رائع كلك ومالك مثل
والالف بس انت العظيم بلاخجل
والقاف قوه بلا منازع لا كلل
وعندي وطن كَـلبه چبير وماحمل
وعندي وطن ملتمه كلمات وجمل
وعندي وطن مايوم خاف ولاجفل
وعندي وطن يسوى حياتي والاهل
وعندي وطن سوده عليه بيه علل
دنهض دفك تابوت كَـبرك والچفن
ياموطني امسح كَـصصنه من الحزن
ياوطني سمعهم اصوات المدافع من تدن
ياوطني ورجّع لبو نؤاس اوتار اللحن
واطرد العايل موطني ورجع الامن
ورجع لبو نؤاس عوده واللحن
رد مع اقتباس
المشاركة الأصلية كتبت بواسطة وردة الشرقية
