فيض الوفة من فيضك يعباس
ومن طبع الهواشم طبعك انتة
الرجولة من علي صارتلك قياس
ومن حسين طبع الخوة جبتة
الغيرة البيك جود ولهفة حساس
من ام الوفة طيبك رضعتة
يحزام الظهر يا رفعت الراس
بطف كربﻻ بشهدلك انتة
يا ساس المعاني وعدك الساس
العلم بالمشرعة بيدك رفعتة
يا ساقي العطاشى وراوي الانفاس
خسة جيش الكفر بيدك عبرتة
زينب لومشت متشوفها الناس
من تمشي الاثر بيدك مسحتة
يا فارج كرب عن وجه الحسين
يل كتلة اخوي وما خذلتة
فرج كرب كل مهموم محتار
يبو فاضل ابو الحاجات انتة
ظل جبدك جمر ماشاف كل ماي
وصلت الماي وبجفك غرفتة
اذكرت عطش الحسين ارجعت عطشان
عفت الماي لجلة وما شربتة
انتة حزام ظهرة وانتة نبراس
كل هم كربﻻ ابكلبك حملتة
رد مع اقتباس
