مايخالـــــــــــــــــــ ـف ...
حفظونه اقبح عبارة... حطمت كل العواطف...
هي مو جلمه جديده .....ابين قوسين العباره ( مايخالف)..
مايخالف تنذبح بالسيف كدام السوالف....
مايخالف...نكرت الدله المضايف
وقائد الحب حرمله بهذا الزمان...
وقطعه كاتب لاتحب.... ولاتوالف...
السياسي بجنه عايش واحنه نسكن بالصرايف....
ورد علينه بكل وقاحه كال... ممنوع التجاوز
ياشفل شيل الصرايف
مايخالف...
والسياسي لو سمع صار انفجار.............
يثغب بكل عالي صوته
بالعراق ولابقوات التحالف.....
وماكو موت الله بوطنه ...
عدنه موت اعله الهويه..
انه اول مره اشوفن....
موت سيــــــح ابلا منيـه..
وانه اول مره اشوف حسين مات بلا قضيه...
وانه اول مره اشوف كتاب ربك ...
رتلو اياته بس كلهه اعجميه
وانه اول مره اشوفن راقصه تهز القريش
وتالي تطلع هاشميه......
وانه اول مره اشوفن اكلت اكباد تتلقب زجــــيه
وانه اول مره اشوفن هاني ابن عروه ...عميل الــ ال اميه
حته تابوت الجنايز للمعارف..... مايخالف
المايخالف ملت وكالتلي خالـــــف
وراح اخالف...راح اخالف
كل شمر يصعد منصه ... ولو نزل يذبح قصـــــــيده
وراح اخالف
كل معمم شكك القرأن بيده ...
وصار مدمــن عالجريده....
وهذا اخر ما اكوله .. اسمع اسمع...ياسياسينه المقدس...
بووووووووووك مايكضي نفطنه....
اكل بالفقره وتونس......
هم يدور الوكت بيـــــك تبوس كاعي
المن وراكم كل شبر بيهه تدنس.......
اشبيك ياحضرت سياسينه اشدهاك....
تنسه شعب المانساك
تفلش بصرح البناك
يالخنت شعبك اكلك جلمه وحده ...
جلمه وحده ...امداك...امداك......،،،،
رد مع اقتباس
المشاركة الأصلية كتبت بواسطة محمد الساري
