هنا

[الشاعر سيد كريم السعبري]

نزلت اللائكه هاي ليله مباركه
رسمت فرحه اعله الجبين اليوم مولود الحسين
-----------------
انرسمت اعله الكون فرحه وطرزت بيه السمه
وراحت اتهنيه لحيدر وجت هنت فاطمه
اتجمعت يمهه ابفرح وكل كلب بيهه انشرح
ما يضل كلب الحزين اليوم مولود الحسين
-----------------
فرحت تلاملاك كلهه وفرحت كل البشر
ينولد سبط الرساله وينولد بعده الكمر
فرحه لهل الغانمه تبتشر ارض وسمه
ابفخر هنو ام البنين اليوم مولود الحسين
-----------------
ينولد حامل الرايه وينولد راعي العزم
مثله ما بالكون صاير راعي للنخوه وشهم
انولدة الغيره بجبينه اسمه يملي كل مدينه
يبقه عز للثائرين اليوم مولود الحسين
-----------------
وبعده راح يصير مولد الساجد وزين العباد
رسم منهج امه بيده وطرزه بدرب الجهاد
حطم اسوار الظلاله سائر بدرب الرساله
هذا زين العابدين اليوم مولود الحسين
نزلت الملائكه
------------------
وهدعش شعبان مولد سيف قاهر يعربي
ينولد بيه علي الاكبر يشبه الهادي النبي
نفرح نصفك بدينه لمولده كلنه اجينه
دره من نور اليقين اليوم مولود الحسين
---------------------
وليلة النص راح يولد وارث الارض ووليهه
وراح يرفع رايه بالعز لعلي والهادي نبيهه
بجيته نلكه الامان لو اجه مهدي الزمان
ومن يجينه ظافرين اليوم مولود الحسين
نزلت الملائكه
-----------------------
يبو صالح هذا يومك الدنيه ماليهه الفساد
وبامور الدنيه ضاعت لو تجي تشوف العباد
همهه بس المال همهه ورضت بامريكه وظلمهه
افزع انه يل الامين اليوم مولود الحسين
نزلت الملائكه
------------------- السعبري

[يوسف السياف]

شكراّ لك
دوم الابداع

[تشيللو]

احسنت

[ميمي]

اللهم صل على محمد وال محمد
عاشت الايادي شكرا لك

[اميرة بكلمتي]

جزاك الله الجنه