اريد وياك افتح باب العتاب
وأكفر بالعشگ لو گتلي سدة
تنام بلا مخدة ويخلص الليل
وانة كلساع شابگلي مخدة
صاير ما تحس كلش هلأيام
وحيل تغيرت بيك المودة
تجر گلبي وتحبسة بطرف الرموش
لاعينك تشدة ولاتهدة
ولو خصرك سفينة وصدرك شراع
وتخدر كل هوة بصدرك تصدة
بي لا تنتفخ كلش على هواك
لانغرگ ولك يسمر تهدة
آنة اشگد اجيتك كفر الباب
من كد ماالي تفتحة وسدة
وانتة ولا أجيت بيوم يهواي
حتى بالعشگ گاظيهة خدة
هاي وياك صارت وحدة ياهواي
وأمس بالليل هم مطلوب وحدة
كلشي الزين بيك وكلشي موزين
حچيتة وبلهوة ظليت أهدة
أشوف الزين كلة الأذنك أيروح
والموزين من يمك تعدة
يسباح الشواطي أشبدلك شوك
ليش اتغيرت مو چنت وردة
واشوف الناس كالو هذا يهواك
وعليك ايدور وجهة اشما تعدة
كلت لاجي حلو مو وجه اليدور
خدة أيدور حتى أيبوس خدة
وجناتك شمس تحرگ بالگلوب
والي مايحترك يحترك جدة
احترگ جدي بهواك وشيب الراس
نسيت شلون كل ذيج المودة
شتگل للناس ما يعرفني چذاب
ولاشعري لعب جودة على زندة
وانة الچافي العمر من فتحة الزيج
والليمون فوك اجفوفي ندة
اعددلك شكو بجسمك مسامات
وأسميهن بسمهن وحدة وحدة
مو اني الخلقتك ونفخت بيك
بس الخالقك ظليت اعبدة
تذكر من جنت تشابك وياي
شعرك روج احسه وچتفي سدة
يشدني وأرد أشدة وما أشد شي
لان خيط الشمس محد يشدة
رد مع اقتباس
