علي عالي اعله كل عالي
علي يالعالي امن الرب
علي ما نصبك منصوب
لاچن بالنص امنصّب
***
علي ابساگ العرش نورك علي يالعلّمت جبريل
اسمك نزل بالتوراة وازبور اوصحف وانجيل
يا آيه اعله كل آيه شبه شمس الضحه اِعله الليل
يالمبدِر تمام التم وبسابع سمه چوچب
***
يا چوچب خبر مسند اِلك تحت العرش مسند
لولاك انسله الإسلام لا عابد ولا معبد
لاسارت سفينة نوح ولاسد السكندر سد
وآدم من عصه وأبعد بسمك يا علي اتگرّب
***
گرب بسم النبي الهادي اوبسمك دهر يتوسّل
يسر بالسر عِذت موسه اِوناصر كل نبي مرسل
عَصاه انته الصرت ثعبان اوكل ساحر سجد واِختل
اوصبّرته اوعبّرته الفرعون اِهلكت من طب
***
فرعون اوخسف قارون ياشهب اِعله جند ابليس
يا مهر النبي اسليمان يمحضّر عرش بلقيس
يالرافع لإبن مريم عيسه اوگبل عيسه ادريس
برد وسلم لبراهيم نار البالسمه تلهب
***
برد اوسلم ذيچ النار وانته النَصُربالتابوت
بالجب من عِذت يوسف وعِذت يونس ابّطن الحوت
انته الفَنه اِعله أهل اللات وانته السخط واِنته الموت
يمدمّر ثمود وعاد يا نقمه وعذاب الصب
***
يصب يا صاجعة نمرود فلك اِوكل فلك دوّار
يدر يا ذهب المصفّه يَمُر يمدمّر الكفّار
حُكم الغيث حُكم الريح حكم الخلد حُكم النار
بإذن الله تحت يدك والكون الذي اِمركّب
***
كون الركّبه الباري تحت حكمك يحاميها
يا بحر المحيط اوقاف ياراسي رواسيها
يا مذهل اويا مهول اويا داهي دواهيها
سيف الباري المِنسل أسد يا سيف المجرّب
***
السانه اوعينه اِوچفّه والكل بيدك اِمسلمه
اِذانه السامعه اوبابه اوآياته اوسفط علمه
يعفو الله اوكظم غيظه اوجوده اورحمته اوحلمه
غضب لليغضب اِعيها اوسيفك للعليها أغضب
***
غضب طحت اعله جنّ البير ذات العلم منّه الفات
عله افراش النبي من نام بالهجره اوتولّه اوبات
عله متن النبي تركّب بالكعبه وتچسر اللات
او من مثلك يچسر اللات اوعَلَه متن النبي يركب
***
عله متن النبي تركب يا مُظهر عجايبها
الك طوع الشمس ردّت يحيدر من مغاربها
الباب الحصن من هزيت اهتزّت كل جوانبها
والسابع سمه اِهتزت السيفك من شطر مرحب
***
شطرته ولا تهاب الموت واتهزّك هزاهزها
ابن ود وابن مَعدي گرب وبطال المبارزها
حامي الدخل حامي الجار واِتحلّ المعاجزها
سيفك شيّد الإسلام لأركان الكفر خَرَّب
***
لأركان الكفر هدّيت ومهدّم مساچنها
الدرس يمدرّس الإسلام مدرستك غبت عنها
اشلون انته الإنس والجن طاحنها ابمواطنها
اشلون ابسيف ابن ملجم حيدر يا علي اِمصوّب
***
اشلون ابسيف ابن ملجم حيدر يا علي اصوابك
كلّ الحزن كلّ النوح والمأتم عله امصابك
تشوفه اِمدلّس ابسيفه عله ابمحرابك
يمنعك صبرك اوحلمك اوشيبك بالدمه اتخضّب
***
شيبك بالدمه اِتخضّب يمهِدي الضال يا ظلها
يمدلّل يتاماها اويا مرباع أراملها
الغُرب يمعذي الغربه منته الغرب عزّالها
رد مع اقتباس
