هنا

[علاء الناصري تو]

اياباه ....!!
اشكد خطيه ؟؟!!
ابه ..
وحشه الثنيه ؟!!
... افه ..
ياحيف والله !!
بلا مزار ولا صحن وبلا بنيه ؟؟!!
كون كبرك يالحسن بالناصريه
الناصريه التبجي ضيم
عيونهه التنزف مراره
ترابهه الينزف حضاره
انته شايف كربله بيوم الزياره ؟؟!!
انته ابن حيدر علي
حيدر علي
ومالك مزار ؟؟!
وعدنه سيد جابر بكبه ومناره !!
كون كبرك يالحسن بالتاصريه
خاف كالولك خبيثه ؟؟
والله بيضه ..
بيضه .. بيضه
كلوب اهلنه
اسال الحبوبي عنه
شيعه كلنه
واكبر جامع بذي قار
كبة جامع السنه
لان بيضه كلوب اهلنه
خاف كالولك خبيـــــ...... ؟؟
نعم عسره الناصريه
وما تمض بيهه السنون
اولايه صعبه الناصريه
تغدت بحلك السجون
اولايه توجع ...
خشم سمره الناصريه
اوشتموهه !!
الشتموهه فضالة المايستحون
الناصريه عيال ابوك
وشتموهه ......
انته شعليك بحجي المايستحون !!
الناصريه ولايتك
كتبت شعارك انته .. انته
لااماره ولا خلافة ولا ولايه
لغيرك وغير الحسين
ولا حمل من غير حملك حملته
سنين تطلك
اوف ....
يسنين العجاف وياصبرهه الصبرته
جم يزيد الصار
وكفت سبته ؟
وجم عظم ريس صعب بس بلعته ؟
وجم عزيز الراح مارد
بالحلم سب الحكومه
وراح من تقرير مرته الكتبته
بلا مزار ولا صحن وبلا بنيه ؟؟
كون كبرك يالحسن بالناصريه
ولو مايرجع بعد ذاك الزمن
بس هيه منوه
هيجي ويسويهه الله وبخت ابوك
وصايم برمضان وافتر بالصحن ؟
ومن ارد لهلي اكلهم .....
والله بابه اليوم شو مالي خلك
وبراسي حسبه
ورحت ازور ...
حته اكل لهلي جنت يم الحسن
افه ياحيف والله
بلا مزار ولا كبر وبلا بنيه ؟
يمن فدوه يروحلك ذاك الوطن


للشاعر الاستاذ
محسن الدخيلـــــي

[مرتضى علي]

اكثر من رائعة ..
فعلا كون قبرك يالحسن بالناصرية

شكرا للنقل

[فقار الكرخي]

الللللله
عاشت الايادي
بس ليش مو بغداد

[سلفر]

الله رائعة جداً
شكرا جزيلا