هنا

[علي كريم سلمان]

بالعراق

............................
كلشي يبدي من الاساس... بعقل باوع
ربي ناسك عله اداب الطريق....يلا تنطيهم الشارع
القريه وادمها يهود... رايح المن تبني جامع؟؟
كافي فوضه...
الله يغضب من يشوف اعمامه اصلاً ماتصلي.....
ورايحه اتفقه الصليب!!
المرض هين يطيب
المشكله الدكتور موصاحي اساساً.. لازم ايراجع طبيب
الشجره ماتت مو عطش..ماتت حزن
شافت الموفقف صعب...
الطيور احزاب صارو...قسموها وكل حزب ماخذ غصن
واحنه مطلوبين بيش؟؟
وننذبح كل يوم ليش؟؟
ابيتنه بكل غرفه ملك الموت كاعد..ولذلك كمنا بالشارع نبات
احنه ماعدنا حياة
الحياة احزام ناسف لبسوها اتفجرت يم الحياة....
وكمنا نقره الفاتحه الروح الحياة
بالعراق برعب عشنه
انخاف من صوت الأذان من يصيح (الله اكبر)....
انشوف سيف يحز ركبنه
والله حكنه
اهواي بسم الله انذبحنه
بالعراق الدمعه مبدء...
شفت موقف مره يم اكبور اهلنه
اتلث قبور..وجان حاضنهن طفل..
ومن سألته.....كال الاول كبر ابوي
والكبر ذاك البصفه ...
كبر أمي!!
أما ثالث كبر شوفه شكد بريء...حدره مدفونه ضحكتي!
وانه اموتن من اشوف الورده تذبل
والفراشه اتروح بالبردي اتوسل
وتنكسر روحي من اشوف الما مخلص صف الاول
ايروح يوكف صف الاول
واحنه ناخذله تحيه
واليكتلك احنه ندري بجفه منصوبه مشانق حاسب اعدام القلم
ويبدي دور البندقيه
وينطي للبصره رصاصه
وينطي للموصل رصاصه
ويشعل ابغداد نار الطائفيه
وانه احاول انسه كل هاي المئاسي وكمت اسولف بالتطور...
وانه اعرف بالتطور مو أليه
ومن برج ايفل سألني
وكال عدكم بالعراق ابراج اعله ابشبر مني؟؟
جاوبت بس صرخة امي
الشافت اخواني ضحيه
تحت رجل الهمجيه
الدين مدري اشلون صاير
اليسمع ام كلثوم كافر
المسلم المظبوط لازم...يذبح الناس ويصدر للمقابر
الشاعر
علي العايدي

[صمت عاشق]

رووووعه قمه في الأبداع