وية المحب
وية المحب جنت اني = ما هموني عدواني
كمت احجيله اشواقي = ما منه ابد ثاني
صرت اقرء نثر واشعار = بساعة انملى ديواني
كمت اعزفله احلى الحان = نغمة فرح عنواني
صرت بلحضه اتخيل = فارس وسط ميداني
ما وسعتني كل الكاع = ما حاطتني جدراني
ناديت الكلب والروح = كافي طفح وجداني
بعيونه سحر واسرار = بحالة جنون خلاني
بثغره احلى ضحكات = نار وحركت اغصاني
اشر بيده الحبيب = كافي استمع احزاني
جيت انه اكلك روح = جيت بخبر بجاني
امي اختارت عريس = وحلقة بيدي نيشاني
مخطوبه صرت اليوم = من جيراني شافوني
لا تحزن حبيبي ارجوك = قسمة وجتي بيباني
ما صدكت هذا الصار = بلحضه انهدم بنياني
راحت بنظرة شماته = راحت تكلي انساني
جنت اتمنى اني اليوم = كبر محفور يتناني
ادفن روحي متندم = وهدومي تصير اكفاني
للاامانه منقول
رد مع اقتباس
