درر العراق

علاء المكتومي · 18/October/2011

كالولك يحبك لاتظل محتار
كللهم نعم اني ادري يهواني
مثل مااني ذكرك بيه صار اذان
صير الذنب انته من انسه اذاني
خليك لمحبتي بكل ارض محراب
فرض صارت محبتك واني صلاني
انه ونون النساء العمر كله اغراب
اجيت منين اليه وصرت عنواني
شكثر نونات مرت والخطوط اشكال
خطهن بالنسخ بس انته ديواني
مميز انته خطك مو صعب الكاك
ياخذني على دربك اني دلاني
تطيح عيون كلبي شما تضيع اعليك
واتراهن اتيهك وانته تلكاني
شلك وي الشعر خليته هايم بيك
وشلك وي السوالف ساكن لساني
وشلك وي النظر بعيوني ماترتاح
اخاف من الدمع وتمرلك احزاني
وانه معود دمعتي تسافر بلحظات
اذا مايبجي وكتي بوجهي بجاني
شلك وي الكلب وتشاركه الدكات
وصرت فنان عمري وتمزج الواني
قبلت بكلشي منك واليصير يصير
راضي بسجن حكمك وانته سجاني
بس كون انته حاضر بالليالي وياي
واحذف من حياتك كلمة انساني

بقلمي