عندي قصــــــه وياك خل ننهيهه
انت لـــــــــو آنه ابتدي ونحجيهه
عندي قصــه وياك اسمع قصتي
والله حسره وبيــك تشهـك ريتي
انت روحــي ومنيتي وهم دنيتي
وانت كـــــــل اسماي ويه البيهه
شوكَ عندي وداعتك كَـــد الارض
طول احسب واضرب ابكد العرض
تلكه ناتج حبي يا اجــــمل فرض
والك روحي اتهون بس حـن ليهه
هـاي روحي انطيك بس حاجيني
فــــدوه عيني اشبيك لااتجافيني
كـــــــوة ليش اتريد الي اتعابيني
وانه كلي وكــــــل كياني افديهه
وانـــه كلي ايروحلك ويـه النفس
وانت كل هذا اشعلامك ما تحس
الا اصرّخ واحمس الدنيـــا حمس
بلجي روحي امن اصرخ اتهديهه
عندي والله وداعتك مـــاظل عذر
كلبي ميت بيك وينازع خـــــــطر
هي جلمـه اشبيك مارايد سطر
حته سهلـــه اتصير من تطريهه
سهله والله وداعتك حرفين اهن
يلّه كول ارجوك لا ساعــه اجـن
انه حسبتك الـــــي كلش فطن
شو صعب صارت فــــلا تحويهه
قلمي
رد مع اقتباس
