قصتي مع نهائي دوري ابطال اوربا قصه لا تصدق
السلام عليكم اصدقائي الدرر
كيف هي احوالكم ان شاء الله تكونو بخير
طبعا منذ كم يوم كان نهائي دوري ابطال اوربا وبصفتي مشجعة ريال مدريد ومثلي مثل اي مشجع مجنون لساحره المستديره
كنت انتظر هذه المباراة وكل مدريدي منذ سنوات
المهم قبل اسبوع من المباراة فعلت الاتي لاني لا احب القيل والقال والتصريحات لم اتابع تحضيرات النادي او استمع للاي خبر سوى بيوم المباراة
طبعا كنت متوتره جدا وكنت اثق بالريال لكن اتليتكو كنت خائفه منهم لانهم فريق لديه روح واصرار وكيف لا وهم اخرجو البرسا والبلوز تشلسي
الساعه التاسعه غيرت المحطه واخترت بي ان اتش دي 2
كل مره اشاهد المباريات على هذه القنوات وملاحظه انا اشتريت كارت وصرفت كل فلوسي ههه المهم انا احب الكره وهذا شي طبيعي
المهم الاخضر بالريش يتكلم ويحلل المباراة وانا بالي مو يمه كلش الصراحه كنت مريضه جدا بيوم المباراة بس طبعا ما افوته
كلت اشوفه لو بالانعاش موجوده
خلص حجي الاستديو التحليلي
وبده حفل النهائي وانا متحمه مع اني كنت اتالم بس ما يهم
خلص الاحتفال وزاد التوتر بس اثناء الاحتفال وقراءة نشيد الابطال كريستيانو غمز بعينه انا فرحت كلت اليوم الشباب مستعدين
صفر الحكم انطلقت المباراة واعصابي مشدوده لدرجه لان هذه نهائي الاحلام بالنسبه لريال وجهد سنوات الشوط الاول اول دقائق الريال
بطريقه جميله بعدين الاتلتيكو كشرو عن انيابهم مع خروج لاعبهم كوستا بالدقيقه التاسعه انا فرحت فرصه النا وضيعو الشاب الدقيقه 35 واذا بالقائد ايكر يخطأ خطا العمر ويطلع بطريقه غريبه ويصير هعلينا هدف انا اتخبلت بدون ما احس خلص الشوط الاول كلت رحنا بيه وبيني وبين نفسي اكول معقول اتلتيكو اول مره يصعدو وياخذو الكاس بارده مبرده واحنا 12 سنه نريد بس نوصل وخسرنا واكو شي ثاني خلاني ما اتفائل ما احب اتابع مباراة خلال مناسبه دينيه بس تابعته لان ما كدرت
المهم يا اخوة العرب وصلنا للوقت بدل ضائع والريال ضاغط كلت كون نتعادل يا ربي بده الجو عدنا يرعد والهوى كلش قوي
كلت رحنا بيه والله وبالوقت الضائع والريال بده يضغط اكثر فاكثر ويجي المنقذ راموس ويسجل هدف التعادل
صحت بكل ما عندي من قوه كوووووووووول لدرجه اليمي كلهن نخلسن هههه والمخده الي كانت بيدي طارت وراي بطريقه ما اتذكره
خلص الشوط الثاني اول شي صار راحت الاشاره ومطرت كلت الله اكبر بده الحظ العثر وياي وبعد شوي صارت الاقوى طفت الكهرباء
ورصيد ما عندي حتى اخابر اقربائي وانسدت من كل باب كلت للاختي اذا عندك رصيد كولي لصديقتك فلانه خل تابع المباراة وتكولي النتجيه الكهرباء طفت 12
وبعد نص ساعه اجاني خبر الفوز بكد ما فرحت حزنت وضلت حسره بقلبي لان حتى التتويج ما شفته من 2010 انتظر هذا النهائي وكل النهائيات شفته الا النهائي الي يخصني ما شفت بله اكو اتعس من هاي الحاله يا مشجعين بس الحمدلله فزنا بطريقه ولا اروع...يعني الكارت جبته حتى اشوف هاي اللعبه بالخصوص وهاي تاليه
الله يلعني هيج حظ
تحياتي
رد مع اقتباس
المشاركة الأصلية كتبت بواسطة حيدر الطائي
