على كيفــــــــــــــــــــــ ــــــــــــــــــــــك
أكَلك من رخصتك دوكَف شبيك
تانيتك عمر بس لحظه تاني
سبحانه اشعجب ماخالق اثنين
منك والف واحد جنهم آني
ولك جلمة سلام وياي متكَول!
ولك سلم علي مو كَمت اعاني
مو قصة صلاة بس يمك اوكَف
بلكت من تسلم اسمع آني
أحب عيوني جي بيهن أحاجيك
ولأن يسكت اموتن من لساني
اذا كَدام وجهك انتظر ناس
ميهمني اذا سنتين اتاني
من شفتك اجتني هواي ضحكات
بس لمن رحت مدري شجاني
عله كيفك امعود ويه هالناس
أسولفلك عليهم من مكاني
مرة انته كَلت لليل أحبك
وصوتك ماوصل بس لذني آني
ولأن يدرون صوتك بذني موجود
لهسه الناس متعلكَه بإذاني
أحطك بالكَلب ألكَاك بالعين
أجيك لعيني ألكَاك بكياني
وتسأل عن مكانك والله بطران
أول شي دخل اندل مكاني
إلك آخر رسالة من شخص ما
راح اقراهه الك نصاً تره آني
إلى من صار عندي الكَلب والعين
وروحي ومهجتي وحبي وحناني
من ياصوب أجيك مو دخت بيك
شاعر للحزن وبكل كياني
كَالولي يغني وصوته محبوب
عفت الحزن كمت أكتب أغاني
عفت الحزن كمت أكتب أغاني
رد مع اقتباس
