الى نبي الانسانينه..مُحَمْد"ص"
.
.
خلقتك فكره عجبت ربك وسواك
شكتب وانت من الباري نلت اعجاب
محمد بالعرش بس انت الك مسموح
لــ الله اطب كبل من غير دكة باب
الف خنجر بظهرك دبجّن مافاد
أشفافك ماتمرجح بيهة حرف أعتاب
تمشي وجلمه خشنه ماتشيل اوياك
أصدك اشلون بحزامك تشيل اكراب
شفاف وتجرحك ريشة الطاووس
ميميزون بينك والنسيم الهاب
جفك بالسجود ايظخ نفس للكاع
اذا ترفع اديك أشكد يموت اتراب
الغرب ليهسه بنسانيتك أيدرسون
مايستوعبونك كدرو الاجناب
من شخصيتك اشتقو التكنوقراط..
والحب والامل والمنظر الخلاب
الغرب ما أسسو هيئه الحقوق الناس
نفسهة الجانت بوكتك حقوق أركاب
جنت من تدعي تحتار السمه اشتنطيك؟؟
كبل لاترفع ايدك حاسبين أحساب
التمسك يكلك حتى جبرائيل
ملهوف اعله بيتك جان طالع طاب
النظر وجهك كبل بحساب حج البيت
ولذالك جنت تتفقد الشياب
بيا شارع تفوت اعليك يتوجهون
معذورين يمشي اكبالهم محراب
جنت مترد بشر حته اذا ما محتاج
تكسر كلبك وماتكسر الطلاب
بينك والخدم جانت مسافة خيط
رغم جنت انت اعظم من مشه اعلة اتراب
أعله حال الشعراء بالحشر ردت انخاك
اعرفك تشعر وماترد شاعر شاب
عليك بستر زينب والظلع والراس
اريدك كل ذنب عدهم تلبسه احجاب..
رد مع اقتباس
المشاركة الأصلية كتبت بواسطة الاميرة لجين$$$
