لسه ما معروف حبـــك يا حسين
ويا شريعــة الكالتـه ومن حللـه
على يا صاحب علم اني ارد اروح
اشلـون كلي منيــن ابدي المسالــه
لسه اني وروحي عايش في صراع
رايـــد اعــرف هالحقيقــــه القاتلـه
ارضعنه حبك وي حليب الامهات
لــو فريضـه مــن الالـــه امنزله
لوعلى الفطره نحب احنه الحسين
لـو غريـــزه الحبتـك كــل الملـــه
ارد افك كلبي واشوفك ليش بيه
مــن الزغــــر كلبي لمصابك شايله
صرت مجبور اساله لنهر الفرات
عـاش واقعتــك ويــدري المسالـــه
كتله سولف واحجي بالحق يافرات
منعتــه مايـك عـن الحسين وهلـه
هواي ظلموني حجه وكال الفرات
وكثــره نـاس البيه صارت عايلـــه
الف واربعميت عام من السنين
ومايـي بس لحسيـن انـه مسبلــه
شيكتب التاريخ خل يحجي ويكول
بـس خجـل متروس هـوّ وكايلــه
عني كالوا ماي ما انطي الحسين
وانه من اللـه مخلـوق اله
حسين حفت بي ملائكة السماء
حسين ارض وسمـا كلها اتبجلـــه
حسين من مثله انخلق في هالوجود
حسيـن جلمة حـق اخيـره واوله
حسيـن اية من الاله بكربلاء
حسين بسمــه اتسجلت كـل كربلــه
حسين ابن حيد العرب سيد الرجال
حسيـن اسمــــه كـل كلب ظل شايله
مما راق لي
رد مع اقتباس
المشاركة الأصلية كتبت بواسطة شمس الشموس
