السلام عليكم ورحمة الله وبركاته
اخترت لكم هذه القصيدة عن الأم للشاعر نهاد الخيكاني
ارجوا ان تنال اعجابكم
..........
يقول الشاعر ... الى التي جعلتني لم اشعر بقطع يداي ما دمت اراها .
وصفج يكسر ظهور الدواوين
وخلكج يسع دنيا بمحتواها
مدري شلون يبقى يعايش الناس
اليفك عينه اعله امه وما لكاها
امي عدال دنية تكفي وتزود
دنيا بلايه أم من امداها
تسحك عالنمل تستعفر اسبوع
الله شلون ما يرضة لرضاها
تغرك بالدمع ساعات الوداع
ويشب دخان من خدهه لسماها
وانه بعيد احس بأنفاسهه وياي
تصور بالمتاع تحط هواها
بس الله وبطن تنورها الطين
عداهم ما شفت ثالث اطاها
اذا يم جفها توصل منة الناس
تخاف جفوفها وتلبد وراها
تطم عين السمه بشيلتها الغروب
وكلشي الرادته جابته وياها
نسألهه دعيتي تكول صليت
بعت حجايتي والله اشتراها
شايف من ترتل اّية النوم
دللو يالولد والنوم اجاها
بخيت البينه لحك كض الفراش
الواكف نومته واكف كضاها
تجي صفناتهه تسولفلي مرات
رغم ما بالهه مشغول بيه
كلبها وراسهه نصبغن فرد لون
بيض اثنينهن صارن عليه
عدهه اعظم يمين تحلفه وتخاف
اذا كالت وحك هاي المسيه
أمي وي الزجية بيوم الحساب
تجي رجل ورجل وي الزجيه
تطلع فاطمة بجفوف عباس
وأمي هناك هم تطلع بديه
تجي هم بطبق بس يا طبق هاذ
طبق من طين كاع الناصريه
بدر لازم تستغفر تكوم
وعلى شط العرب تكتب وصيه
الأم اجمل في بلادي
بس وتترك الاشياء البقيه
رد مع اقتباس
المشاركة الأصلية كتبت بواسطة النقيب
