لو جنتو يمي تكلي ولك شوجنه
ذاك انته وعدك سراب يلوح شوجنه
حته اللكيته بجنته هدمت شوجنه
لا قدمتله طعام ولا سكيته ورد
حته اليصل ليك كتله لا تصلني ورد
احنه التعبنه وزرعنالك بارضنه ورد
للغير صار الورد ها ولك شوجنه
عيلي يدنيه اعله حالي راح اصبرعلي
و انتضر بعد شيصير منج علي
واتحده كل الصعاب وراسي بيهن علي
عيفيني اني وخيالي اكضي حياتي سمر
ما جان ولفي اعله بالي وعله بالي سمر
اسمع اباذني لحن اغنية عيني سمر
واسمع اوتار الكلب تعزف علي يا علي
ليش التعزه او توده ايصير الك مارد
يسعى بتعذيب حالك للكلب مارد
ابجي الشبابي الكضيته عليك مارد
اسطور الموده انطوت واله الليالي محن
حنيت الك بالوفه كلبك القاسي محن
ياما عليك اتعبت واجرعت لجلك محن
يمعود اذكر تره غير الوصل مارد
للعلم منقول
مع تحياتي
رد مع اقتباس
