هنا

[عَـبّـآسًـ آلَمِرنٌكيّ]

يمة ذوله اهل القصر ما لعبوني
يمة من شافوني اجيت تنادسوا واستغربوني
يمه ماسموني بسمي
وكالو هذا ابن الفقير وشتموني
وكالو هذا ابن الصريفه وعيروني
يمة جا هو الفقير اشسوه من نجله ابعمرهم ؟
يمه جا هيه الصريفه شماخذه وخايف قصرهم
يمه كالو لاتمر منا بعد بالك تشم ريحة وردنه
وكالو بجدمك الحافي نخاف يترب عكَدنه
يمه عدهم كلشي عدهم واحنه بس الماكو عدنة ..
يمه لعابات عدهم مدري شنهي , وانه لعاباتي طين
يمه حته ثيابهم مستغربتني يعاتبن ثوبي الحزين
يمه جا ليش احنه فقره وليش اهلهم زناكَيل
يمــــــه دين الفقره متعب خل نبدله بغير ديــــــن..

[جرح قديم ينزف]

جميل جدا".. روعة
شكرا" اخي الغالي
الموضوع شعر شعبي
ينقل الى القسم المناسب
اعتذر منك اخي الكريم

[sawsanmahmoud]

جميل ... شكرا لك

[julia]

اني رغم العوز ماعايش ذليل
والكرم بجفوفي موش الطاسه
وبكرامه النخل عايش عل نزيز
والكصب بلماي دنك راسه
انت موعالي ولو حت لو عليت
الكزاز اتعده عد الماسه
للاسف ميت لكيتك ياصديج
واليموت المات منه احساسه
واحنه علمنه اللصبر يصبر اشلون
والونكص بيده يجمل كاسه
وعمره ماسوه زلم تدري العكال
العكال اتنومس ابلباسه
يلي تطعن بل ظهر هاي الاصول
اني اشم الخاين من انفاسه

[عَـبّـآسًـ آلَمِرنٌكيّ]

شكرا حبيبي الغالي ثامر

[عَـبّـآسًـ آلَمِرنٌكيّ]

شكرا الج اخت سوسن

[عَـبّـآسًـ آلَمِرنٌكيّ]

كلمات رائعه ورد جميل اختي الغاليه سرى