تغني وين اخذك وين انهزم بيك شو وحدك رحت ماخذت بس گلبي ! 260
ولك كلبي أنترس من عندك آهات !! وصنف الدم تغير صاار ( B ضيم ) !!259
تعال وكرب اذنك خل اكلك شي ما ارهم بدونك __ ترهم بدوني258
لايجي كولوله... ماظل بيه حيل خلَّصِت دمعي... وبچيت سنيني چان يطلب... وآنه اكله بعيني هاي بعيني هاي... وحط اصبعه بعيني !!!257
ادري أبكلبك اني ومااحاجيك سواجي اكلوبنه واني ادري بيها شايل فد براءه وضحكه واحساس احس لطفال تتحسر عليها !!256
كالولي .. وتناثرت روحي على دربك عشك كالولي عنك تجي واحتار گلبي شيدك ؟؟!!!255
صــــح انـــــت بعـــــــــيد مــــو يمــــي بــــس عايــــش اوياي بوسط روحــــــي مـــرات احســــك نبـــــض بــــل كلــــب ومـــرات نفــس تنزل وتصعـــد ابـــروحي254
ها اجيت .. هو بعدك عايش انت .. وين هالفتره جنت .. الفاتحه شكد قاري لجلك .. والله حسبالي متت .؟؟؟253
بصحراء اعيش وياك والله احلى جنه خل نشرد اني وياك ونعوف اهلنة252
اريد وياك اگعد گعده احباب وما اگدر بعد اصبر واتاني اقرالك شعر بي لهفه فراگ واغنيلك فرح كل الاغاني وافرشلك عيوني وبيهن تنام واغطيك بعطف حبي وحناني251
شحجيت وياه كلي وجذبك مصدكه حلفان الجرح لو طعنه لو سجين وحلفان الحبيب وداعت الفركه كلبك جان فارغ هسة لا بي خير جنت تحلم تحب بس هسة تستنكه يمر طيفك وافز بس الكه غيري وياك ويسئلوني واكلهم كلشي ما الكه250
لئن غيري خـذاك بزفته وراح صفه حته الحلال بعيني باطل249
الفرح محد يعرفه شكم قفل بي... ابتله بلوه الصبر من صار مفتاح...248
تدري اني بغيابك مثل كومة اوراق بعثرهة الزمن محد رضة ايلمهة تعال بداعة الحب النزف يوم الوان المعاني وانته تعرفهة لتخليني وحدي تدري بية شلون ضعت اني بغيابك وانتة تسمعهة ولو عندي اقتراح واني افكر بيه اذا ما بيك جية الروح هم خذهة بعد ما ريد الحياة وبيها ما موجود هذاك الجان شجرة عمري زارعهة247
يشتمني الحزن لو روحي اضمها بطيف فلاح ويشم عطاب بالمحصــــــــــــــول احب ابجي بستر بس المصيبه شلــون أنه همومي غجر والدمع دك طبــــــول تره الضحكه الغميجه تريد راحــــة بال ميجودر ضحك بشفايف المذلـــــــــول أنه شايل وجه ميلوك للبطـــــــــــــران ويكعد للثكاله فصال عرض وطـــــــــول246
بعيوني متت.....لوو........عمر نوح اتعيش245
عشـرتنـه وخبزهـه انعجـن بيـها الطيــب عشــت مره علمـودك ليـش تنـطـيـهه244
زايد علعشك ماعندي حيلة وياك واحجيها وصدك لورايد احجيها وانتة تحايلت واني ادري بس ماكول ماتعبر علية بس اني اعديها243
ردت مره ابتسم وي بسمة الناس ادور شفتي لكن ماشفتهه تذكرت ورحت يم بابك ازحوف قبل ساعات بشفافك عفتهه242
تعال ولشوكت وألمن حبيبي أنگول... من دونك بعد ماتسوه هالكـــلمـــه...241
تصـورتك رخيص ... اطلعت مجاااااني240
بيه تقوة ملك ماشاف الاثم مرة بحياته طلك جناحة لجل يمشي على دربج239
ﻻتضحك فرح كدام اﻻحزان..... طاري الضحك يكسر گلب الدموع..... وابد ﻻتكول بابا ويمك ايتام ..... تصير الكلمه سيف ايحز بالضلوع..... حس بجرح غيرك واقره العيون..... الجرح ساكت نعم بس صوته مسموع.238
ﻻتضحك فرح كدام اﻻحزان..... طاري الضحك يكسر گلب الدموع..... وابد ﻻتكول بابا ويمك ايتام ..... تصير الكلمه سيف ايحز بالضلوع..... حس بجرح غيرك واقره العيون..... الجرح ساكت نعم بس صوته مسموع.237
اعرفنك حــــلو بس لا تضل مغرور تره المغرور صــــــــدك محد يحبه مثل طبع العلج كل واحد اليشريه بس تخلص حلاته صــــــدك يذبه.236
يمتى الكاك...؟ انه محير الدرب بجفاك.. شايب من ارد للبيت. .... وطفل من اركض لملكاك ..!! يمتى الكاك ..235
مو كلمن ضحكلك يعني معجب بيك ولا كلمن يزعلك يعني ميحبك اكو ضحكه غدر يعرفهه بس الذيب ! واكو دمعه فرح تبجيهه من كلبك !234
أنا احب غيرك شبيه انجنيت منو يستاهل ياخذ مكانك اتخلى عن روحي إذا عنك اتخليت بالدنيا ما عندي بس الله.. وحنانك شبيه انجنيت !!!233
ما شايل حواجب شايل سيوف من حقك كلت هل من مبارز .. !!232
افرح ولو بالحلم يالما صحالك كيف هوه شيشوف الجفن غير الدمع والطيف231
لا تمرّ بداخلي .. مثل ( الغريبِ ) ! و انت صآحب دار و عيونك وطن ♡230
لجل نسيان حبك كلشي سويت فقدت الذاكره وبعدك حبيبي229
دوريني.... بلكي تلكيني رسالة بين كتبج بلكي ذكرى..فوك حايط..بيها اسمي وصدفة حايطكم يذكرج دوري بصندوك عرسج .,,بالهدايا,, بلكي الله وباقي عطري227
هيه دمعه..! اشلون دمعه. مثل دمعات الحصار نزلت بواهس خناجر چنهه تطلب خدي ثار..!!!!226
أأأاذكر امي قبل لو جعنه ناكل وكت تكعد تسولف طعم نشبع سوالف قبل مو الا نشبع لحم نتونس بصفها امس ازغااار بس نفتهم ويم امي احنه زلم كلشي وي امي حلووو صدكني حتى الفقر الماي كلش حلو الزاد كلش حلوو لو جااان خبز وتمر صوت امي كشخة تعب ومن تحجي نسمع عطر اذكر امي قبل ماتعرف تكض قلم لا تقره لا تكتب جان التهجي صعب ونروووح للمدرسه , ناخذ حجيها كتب , ...225
شعاتب منك وانه وركه بخريفك طاح؟؟ تهز عمري وتطيح سنين من عندي.. ظلمه ؟؟وخيط اسود؟؟ وابره عد عميان؟؟ وعفتني بنصهم ارجف بزرفي و . . حدي. ياسكف البنيته من الشمس لشتاي؟؟ بعز تموز اجيتك شفتك امندي.. الك بضلوعي شهكة نص جسر مكطوع؟؟ خمس سنين محد فوكه متعدي!!224
ماتهمني تروح لو تبقة تحبني ثنينهن اني اعتبرتك عدي ميت . ماتهمني اي اشتتوقع تذلني لاحبيبي خل اكلك اني منك ايسيت عادي لو عني مشيت الدنية ماتوكــف عليك لــو رحت غيرك لكيت223
انه اشتاكيتلك والشوك رايد حيــــــل مثل حاجة النجمه تضوك حضن الليل انه بتموز جنت استبرد بليـــــــــــاك بهذا الجو تعال منين اجيب الحيــــــل222
صح انه فقير وانته حيوان بس بعض البشر يحسبنه واحد.221
مثل اجيوش اميه انهدن الحسرات .. حشمت اخو زينب خاطر يردهن..220
تف ع العشره الماشورت بيج والف نعله ع الكلب الماعرف يختار219
ضلم بيه الوكت من خله عمري يطول وانه الكلــــت بعــدك عمــري ماريــده218
يا سولة غدر .. ووشالت الشوگگ... يابارد عشگ.. بس بالطعن حار... على دگتگ شسولف ما يصدكون... ما سامع بدگتگ ... حته بسمار... اطلبك كلب مات بحسرة الشوگ... واحلامه برگبتك ضلان صغار...217
كلشي گلي ولاتسولفلي بوداع هذا موسم شوگ... مو موسم ضياع كبل ما تمشي بطريق المايرجعك هاك روحي.. وطشها بيدك وين ما عند الله كاع216
خطـار الحزن يوميـة بالبيت ولا مره الفرح مر بيـة خطار .. عزيمه للفرح فد مرة سويت تيـه بـاب بيتي وراح للجـار ..215
لاتعاشر البذات والماله تالي مثل اليلم بالماي يرد جفه خالي .214
ضميتك لصدري .... ضمت موت وشبكتك ال روحي ال مارضت تنطيك جفل كلبي من طاري ال فراك وتبتعد عني .. اشلون اخليك لو تصح بيدي .. المك وازغرك والفك كرية دم حمرا...بكلبي وروحي تناجيك يل حبك .. هوا واتنفسه بهداي ومن ماي ال بعيني اغذيك213
لساني كبال حلو الطول .. لك لك واحذرك لا تكول النوب .. لك لك لغيرك ما يصير الكلب .. لك لك لان انتة شراكة وياي بية212
فراغك ما ترسته محسب انت تعود يل بطاريك احومر من يمر صيته من ذاك الخذاك تردلي جايب كون شرط كل الهوى حتى البقه بريته211
من يمر بيّه حنين الصوت اعاتب ولو يمرني الطيف يلكـَـــاني هله ويلكـَــاني غايب مانه من كـَــد لهِْفتي لشوفك شمع بسكوت ذايب دكَ عليّه الباب كـَــلبي . كــَـبل ما جاوب يجاوب وابتسم لي الدنيه تحله واحس كل الناس يحبّيب حبايب وتدري.. من تكبر على اشفافك بَسِمْتك يكبر ابكـَــلبي الهوى.. ومجبور اعاتب210
شرني بحبل ودَّك خل انكط اهموم شَمّسني اعله وجهك ، ، كافي بيه غيوم حركني بصفنتك راح اعجبك حيل خَدّرني اعله نارك بيه واهس هيل209
گلبي مايحب فرگاك بس ألدنيا خوانة..... . وچذاب إليگول أنساك ألمثلك صعب نسيانه....208
ذا جامك مضلل كَلي شنهي تشوووووف .... انزل شوف شعبك عايش بيـــــا حااااااال..207
على طاري البرد ،،، كلبي رجفلك شوك206
مرتاح لكن فرگتك .. كل لحظه تسلب راحتي.. يمشن بدونك لشوكت ؟.. صلفات رجلي وساعتي.. ...205
نشتآق إلى اشخآص . . ۈنبتعدِ عَن آشخآص ! ۈنگسبِ آشخآص ۈنخسرِ آشخآص ! هگذآ هيِ حيآتنآ !204
وين راااايـــح ؟؟ رجفــة العــاااااشكـَ شمــــاااال .. ذبـــــح المفــاااارك حــلاااااال .. رووووح بس انــه ارد احلفــــك .. يمتــه مــا ترمش تعــــــااااااال ....203
قـالوا الفراق غـداً لا شك قـلت لهـم بـل مـوت نـفـسـي مـن قـبـل الـفـراق غــداً.202
رأيـت بهـا بدراً على الأرض ماشـيـاً ولــم أر بـدراً قـط يـمشـي عـلــى الأرض.201
أحـبك حُـبـين حـب الـهــوى وحــبــاً لأنــك أهـل لـذاكــا200
إذا مــا رأت عـيـني جـمـالـك مـقبــلاً و حـقـك يـا روحـي سـكـرت بـلا شـــرب.199
لا تحـارب بنـاظريك فـــؤادي فــضــعـيــفــان يــغـلــبــان قـويـــا.198
إذا شئت أن تلقى المحاسن كلها ففي وجـه مـن تـهـوى جـمـيـع الـمـحـاســن.197
نقل فؤادك حيث شئت من الهـــوى ما الــحـب إلا لـلـحـبـيـــب الأول.196
و لولا الهوى ما ذلّ في الأرض عاشــق ولـكـن عـزيـز الـعـاشـقـيـن ذلـيــل.195
و إني لأهوى النوم في غير حينــه لـــعـل لـقـاء فـي الـمـنـام يـكــون.194
عيناكِ نازلتا القلوب فكلهــا إمـا جـريـح أو مـصـاب الـمـقـتـلِ.193
فياليت هذا الحب يعشق مرة فيعلم ما يلقى المحب من الهجر .192
لو كان قلبي معي ما اخترت غيركم و لا رضيت سواكم في الهوى بدلا ً .191
خَليلَيَ فيما عشتما هل رأيتما قتيلا بكى من حب قاتله قبلي .190
لقد دب الهوى لك في فؤادي دبيب دم الحياة إلى عروقي .189
و ما عجبي موت المحبين في الهوى و لكن بقاء العاشقين عجيب .188
أنت النعيم لقلبي و العذاب له فما أمرّك في قلبي و أحلاك .187
يهواك ما عشت القلب فإن أمت يتبع صداي صداك في الأقبر .186
أغرك مني أن حبك قاتلي و أنك مهما تأمري القلب يفعل .185
وما كنت ممن يدخل العشق قلبه و لكن من يبصر جفونك يعشق .184
مشتاق لعيونك عليك الله تعال خلي احط بوساتي فوك رموشهن هاي امانه بجفك وذمة حبيب خاف واحد غيري ينوي ينشوهن بتعب فلاح ازرعت والدنيا كيض بيا بخت عالتالي غيري يحوشهن183
مو غريبه تبيعيني وتنسى المحبه انت مو اول حبيب الينكر وينسى حبيبه ياما ياما من قبلك حبايب تنسى تنسى وتلوم وتعاتب والزمن قصته عجيبه مو غريبه مو غريبه تبيعني وترضى البعيد وتنكر العشره الطويله وتبتعد كنت اعرف انت تنساني وتعوف من بديت تسلم امرك للظروف ما الومك يوم وازعل عالمضى والسنين مسافره وكلشي انكضى بس الوم الروح لو حنت عليك ياللي بايعني ابد ما اشتريك ياما ياما من قبلك حبايب تنسى تنسى وتلوم وتعاتب والزمن الزمن قصته عجيبه مو غريبه182
أنا بهجرك شحيح ألماي يا فيض وحرام أگضي ألعمر وياك بلغيض جربت اليالي ألسود والبيض وصبرت ألصبر بلشتة وبلگيض يا فيض ويهل طيفك يمر بليقضى والنوم ويهم حبك أمر من كل الهموم أنا أدري بك وفي وما ياخذك لوم مثل طبع الگمر ما تاخذة غيوم يا فيض تعال انطش زعلنة وية رياح ونمشي ثنينة راحة شبگت راح ضگنة الحزن خل أنضوگ الافراح ونبشر اعيونة ليل ألدمع راح يــــــــــــــ فيض ـــــــــــــا181
أگول أهات وگلبي حزين أگول أهات لا تنطرين يعز علي فراگچ يعز علية يعز علية وداعچ يعز علي أني اشوفچ ترحلين مكتوب علي أنساچ حكم الزمن اقوة وادري أنا بلياچ لا أحب ولا أهوة شبيدي يا عمري عليچ عز الزمن يجمعني فيچ هذي مكاتيب السنين صدگيني لو بيدي ما أتركچ لحضة بس الزمن ضدي كل واحد وحضة180
انه اكثر حزن من حزنك عليك نيشاني التفت بس دك على متوني لو شفتك تهل ادموع علوجنات انـــــــــــه بلا شعور ابجيلك عيوني178
لاتلوم الكـلـب مـن يـزعـل عليك لأن روحي وروحك اشتركن ســــوه ومستحيل انساك يااغـلـه حبيب لأن انــه اتنـفســك وي الـهـــــــــ ـــــوه177
نـخـيـت اللـه ورسـولـه وكـل اهـل بيتـه يموتني كبـل كــــــــل شـخص حــبيته176
أسمحلك تدوس جروحي من تضوج ومن تضحك بعد شتسوي اسمحلك اشوف اهلك جنت ولخاطرك كل يوم ولأن كلبي يحبك صرت احب اهلك175
مايجيني النوم مادامك بعيــــــــــد او ويه غيرك ابد ما يحله الكــلام بسمتك مدرستي وعيونك نشيـــد وروحي لمن شافتك صاحت قيام174
يل وأحلام ونوارس غافيات جابن طيوفك لساحل عيني كون يمك هسه وبحضنك ابات ومن انام بشعرك تغطيني173
دلاني الدرب بس ما وصل وياي على نص المسافة وكام يتعذر ترجيتة وكلتلة ارجوك هانت هاي كلب وجهه علية وكال ما اكدر ما غزر دمع عيني اليصب عليك ... ولك شوكي وحنيني وياك ما غزر اسجلهن اعذارك وامسح السهلات ومن كثر الكتابة قبط الدفتر172
مدري شجابني وكلت اتصل بيك اجه الليل وجنت وحدي وذكرتك عرفتك من ردت تحجيلي موضوع حجيته وغلبت حروفك حسرتك وعرفتك من حجيت بطاري الوداع عرفتك يمكن تطول سفرتك قفلت احﻼمي والخط بعده مفتوح وكلتلي وياك أي كتلك سمعتك171
انت باجر والخلك كلهه امس انت رب الصوت والوادم همس وعيني مشدودة عله دربك ليل الليتانون مو ليلة عرس ويااااااااااك اخذني روحي ما بيهه صبح وياااااك اخذني .. راسي يبجي عله الرمح ويااااااااااك اخذني .. لا يشدني مغازل عيونك واعبدك وانفضح170
روحي مشتهيه بجي ادور مكان حتى لاتمر ناس ويسكتونها اتريد ويه الدمعه يوكع جف تراب حتى عيني اطيح من عيونها عيني مشهوره بغيابك هسه حيل للفواتح كامو ايطلبونه169
ماريدك تجي ويصير جناز وتقره الفاتحه يم كبري وتروح اريدن من أموت تموت وياي مو انت كلت احنا بفرد روح؟168
حس الكلب يوكف من تكلمه وراح انطيك كلبي وانت كلمه بعد ما اكدر اسكت هي كلمه احبك حتى لو تزعل عليه167
ضمني على صدرك .. وأبعدني عن الناس شوف الغزل والحب.. والنشوة والإحساس والله يا عمـــري نسكر بدون الكاس ضمني على صدرك .. بردان دفيني وأنت على كيفيك موتني أو أحييني من دون كل البشر .. تعجبني يا عيني ضمني على صدرك .. ضمني ضعف صبري ضمني على صدرك .. وخل أيدك في شعري لأتنفس أنفاسك .. وأحرقها في صدري كل نقطة في جسمي تملكها يا عمري165
يصح صاحب فديته الماي والعين ويصح صاحب ابد مايسوه قطره ويصح صاحب كلامه عسل بلسان بس يااسف كلبه حقد نيران كبره بس انته نهر وتروي الأشجار وتظل الكاع منك دوم خضره164
عالحب كتلك البي تضحية يعيش خذت رايي وسمعته وبية ضحيت وشفت حفل افتتاح جروحي للناس وشفتك من بعيد بروحي گصيت طرت جن دمعة وبجنحينها رموش وعلى شجرة ضحكتك سكته حطيت خيل ظنوني طلعت خيل عرجاء وانا مراهن عليها تفوز ظنيت من شفتك اطش سنيني واللة لأن بيهن حلا حسبالي جكليت غشيم وگلت ماساوي اليلمون عزت نفسي ما خلتني لميت انا بلا وعي من اطيتك الروح وعقل ماجان عندي وهسة فزيت163
شتاكلك والليل وحشة ودمعتي التنزل ثكيلة وصوتها من اطيح عالي وحتى محد يدري بيها اركض اتلكاها بيدي لمن تمر علبالي انت وينك ؟ وانه نص موعد بدونك مدري ياهو يسد مكانك وحشة فراكك جبيرة162
ماتنعد دموعج لوطحت يوم ياهو الكال رمل الصحرة معدود حدر رجليج توجد جنة الله جا شنهي اعله راسج يمه موجود؟161
دك بابي الفرح من فرحتي انجنيت كلي لا تكيف غلط دكيته160
أشهد أن لا امرأة .. تجتاحني في لحظات العشق , كالزلزال ... تحرقني .. تغرقني .. تشعلني .. تطفئني .. تكسرني نصفين كالهلال .. أشهد أن لا امرأة .. تحتل نفسي أطول احتلال .. وأجمل احتلال... تزرعني .. ورداً دمشقياً .. ونعناعاً .. وبرتقال .. احاسيس ساهريه ...159
على طولك اشعلني وصيح بيه الصوت انه بطرك النفس بين الحيا والموت وسير نبض دمي لشهكة الزردوم حب تالي العمر علته من البسكوت يا شايل حلاوة خوف الحديثات ومحمل سحر ضحكة بنات بيوت يا مايع ترافه اتهيب من احويك خاف اصعب عليك وخاف بيدي توت هلكد ما حلو راج الثمر بالعود وحمر على شفافك كبل وكته التوت يمعود دخيلك والكلب شيصير من تكطع بتوته منين اجيب بتوت158
لكم تمنيت .. ان اراك وامتع ناظري بسحر وجنتيك.. الاصيل. ...وارسم على شفتي منك ابتسامة عشق..بعد طول غياب...كانه دهر طويل..؟؟ ....واردد على صفحات الهوى.. .اني احببتك بقسوة الاعصار ورقة الندى واكبر من حبك لم يعد هناك مايهمني وكل شيء لدي صار ليس بمستحيل.. .انتي امراة مازالت تشعل الف وهج في سمائي... .ويبزغ من عينيها كل يوم ضوء قمرا كحيل .... مساءاتي الحانيه ....ملئى بعطرمنك ليس فوق جماله جمال مثيل ....... وامطار رحيقك جميعها عندما تنساب احس كانني ولدت من الف جيل وجيل... ...فاثرت على شفتيك ان اصلب وان اثمل كل يوم بعيناك ولم يعد يهمني بعدها ان عدت منك عشرون مرة من هواك ...قتيل157
وصل فن الشماتـــه من يحلفون ... وحك الفـــاركـــك وبـــلا سبـــب راح156
ليش اجيتي وفززيتي اجروح جانت غافيه وليش ترضين اعله غيمي يمر سماج الصافيه ليش فززتي الهوه وجبتي الحنين وبكلب ميت ندهتي العافيه لي نفختي ارماد روحي وجمريتي اشواك جانت طافيه155
موش صوجي صوج كلبي الحابكم لان طيب مـــايعـرف العــــابــــكم تخونون بي وتجذبون ماخنه بالله تحلفـون من هسه اكلكم بناره الله ذابكـــم موش صوجي صوج كلبي الحابكم154
o شائت الصدفة وتلاكينه بدرب هو رايح وانه جاي كلبي شك صدري وطفر وافتر وراي وكام يدفعني اعله دربه يكلي فدوة والله اخر مره هاي153
مايجيني النوم مادامك بعيــــــــــد او ويه غيرك ابد ما يحله الكــلام بسمتك مدرستي وعيونك نشيـــد وروحي لمن شافتك صاحت قيام152
تاه احسابنه شنحسب عليمن تشـــرح وتعتب دنيا وضاع بيهه الـــزين واتساوة الكشر واللب ناس وعايشه ابوجهين حيرة شتكره وشتحب151
مو كافي الزعل خل نرجع احباب وخلي الشوك يرسم دربه بينه يغالي العمر بعدك صعب خضناه وصفت روحي بعد هجرك حزينه اريدك دوم الي مو يوم وتروح واريدك مرة بس تسمع حجينه انا العاشك وانا الولهان بهواك صرت شبه البحر ما بي سفينه تعال الروح تصرخ بسمك هواي تعال الكاع رجفت من بجينه اذا ما جيت صدك كلبي ميعيش وصل للموت من شوكه وحنينه بغالي العمر خلص وانته زعﻼن ولك حتى الكبر بين علينه150
حيــــل مرتاحين جــــــي عفناكم جنه متعذبين مـــــن ذكــــــراكـم دمعي ما ينزل بعد راح انطيك الــوعد هسه رمشت عين وانه انساكــم حيــــل مرتاحين جــــــي عفناكم149
ما اكلك احبك جي صريح وياك وانت البيه عايش تعرف البيه اذا اكلك احبك انحسب جذاب لان مو مره احبك لا تسعميه148
ثنين يستاهلن بوسط العين يباتن اثنين بوسط روحي جرن دجلة ام الخير والغالي الفرات وصرت اني شط العرب وبيه اني التقن147
ها ياليل أشلون راح أنساها مني راحت باقي بس ذكراها أنتهت قصة حياتي وبدت قصة مماتي وهسه وحدي وهي ياهو وياها .؟ ها ياليل أشلون راح أنساهــــا146
لايجي كلوله ماظـــــــل بيه حيل خلصت دمعي وبجيت سنينــــي جان يطلب وانه اكله ابعيني هاي ابعيني هاي وحط اصبعه بعيني145
آه منك من جمالك حتى دمعك جاذبيه......144
اخ من الحزن لو عاشرك يوم ؛؛ يضل وياك لاخر نفس ميخون143
خليني على بالگ من تشوف النار ﻻن هيج على شوفك محترك قلبي142
يوميه الحزن يندهني نص الليل يكلي اكعد ولك مشتاك لدموعك141
احسبني مطر خليني اروّي شفآك تعال بطيف مرّه وجلّب بعيني أحسبني خمر والليل بعده طويل وأشربني وأذا ما اسكرك اجفيني140
يمتى الكاك ...؟ انه محير الدرب بجفاك. ..!! شايب من ارد للبيت. وطفل من اركض لملكاك139
تعــال لخاطـــــــر الله الليل كلفــه يبو سوالــــــف صدگ وضنون ترفه بس منه العمر ضــــال وانه وياك اعله فد حال اببـواچينه وضحكـنه نعيش زفـــــه شوكت ترهم واشوفك يمي غافي ؟ واگلك مـــن تفز نــــوم العوافـــــي هيچ من الله وتصير ؟ اليه ومـــوش للغير گلب تايه اجيتك وانتـــــه عفــــــه تعال لخاطـــــــــــر الله الليل كلفه138
حلم يوم الأشوفك وأرجع وياك وحلم بدروبي مرة من ألاكيك وحلم طيفك يمر كل يوم علبال نكعد سوه وروحي تحاجيك ردت لحظه أشوفك حتى أرتاح... وصارت لحظه صعبه من أماشيك ردت بس مره تذكر من جنت وياك ماتذكرني ليش شبيك مابيك مالومك لأن فعلا انا الغلطان عين انطيت الك ماردت أجافيك تذكر من كلت جرحي أبد ماطاب جنت انطيك دمعي وبيها أداويك137
تره العنده ضمير ينام مرتـــاح على جمر الجكاره يكول دافي136
بست ايده الحزن بس عوفني ارجوك كتله اشبيك واكف يمي شاخص كال اشلون اعوفك واحنه صحبان تريد الناس عني اتكول ناقص135
والله احنـــه خطية شعب العراق ماشفنه الفرح لاراحــــــت البال ورانه الموت يركـــض وين منروح خير من الله عده هواية اشكــال ساعة ارهاب ساعة يذبح الناس والنوبه اجانه بشكل زلـــــــــزال ياربي رحمتك ارحــــــــم الناس تعبو حيل كلش شعب الابطــال134
بابك ما أدكه وإنتهى الموضـــــوع وكلبي على البعد كتلك قنعتـــــه وإذا مره لكيت البــــــــاب مشلوع يعني الشوك الك هزني وشلعته133
كـــــون مــاتنفـــــــع ؟ تـريــــــــــد أتضـــرنــــي ليــــش ؟ كــــافــــي عـــاد وعـــــــــــوف روحـــــــي أبحـــالهــــــه خيمـــــــه عــــن الشمـــــس كــــــــاتـــــب عالتـــــــــراب ليـــــش بجـــــدامــــــــك تجــــــــز أحبــــــــالهـــــــــــ ه ؟132
رسمت الناس جنه وكل شبر عيد ورغم بيه جرح ماخله دكتـــــــــور انه محتاج محد كــــــــون محتاج واهل خير الصرايف واهل القصــور حته الخانــــــــــي داعيله بلخير يوفقه الله بكثر دمعات عاشـــــور131
هـــــواي بــــيـة حـــزن.. ..عنــدي اعــلـه كـــده ربــع وشـلـون بــيهم طــــــبع وكـــــت الفـــرح انــــســـي وانــذكـر وكـت الــد مـــع...130
اجه انسان غيرك قمة احساس شفاف ورقيق وكلبـــــي راداه !!! واذا اكتب قصيده يعلق بـــذوق بكلب ، ولسان من يصيحلي الله129
شفتك كاعد بنص كلبي مرتاح دخلت اشلون كلي وهوه مسدود شي واحد قنعني اشلون طبيت يمكن هو ماكو وأنت موجود128
شمالك يابعد الروح جف حبرك وياي منك ردت بس بيت لاتكتب اهواي يله خلي نشوف ياهوه الي يكتبلنه بيت دارمي127
جانت عايزه وجملهه الفراك،،،،،،، فوك إهموم كلبي ساكن بعيد♥ أعظ إصبع ندم كلساع بجفاك،،،،،،، تخيل لوعفتني شيبقى بالأيد126
مر غفله عليه وشوف.....!!! تجي تلكاني منتظرك.....!!! شغلت خمس ست ساعات.....!! اشبكك والله مااخرك....؟؟125
على خدود الرصيف الخطوة دمعه عين غرك يوم المشت وجه الشـــــــــــوارع اخط بكل ركن رايــــــــــــــح بعد ماعود وبس لحظة التفت اقراهه راجـــــــــــع124
طلعي ياشمس الفقير المطر سير ع اليتامه ويايتيم الضهره سالم حته من تمطر يكًف.... ولاتكًليلي المطر خير ....؟؟؟ احنه ندري خير للعنده سكًف ..123
صحيح انه فقير و مـــــاعرفت البـوكَ جمعت افلوسي من لم القواطـــــي ابنفس ذني الجفوف اللمن امن الكاع هنه الصعــــدنك عالكراســــــــــــــي122
مــو بالـــــي ولا اعرفها شلونها بس وصفوها وكلبي حب عيونها وستحيت اسال عليها شايفات الحنه اديهـــا عاشگه واهــــل العشك يردونها مــو بالـــــي ولا اعرفها شلونها121
عندي اصغـر جــــرح مينام الـــه ايـنوح اذا مـــــاابجي يعنــــي الدنيا يخبصهة اغمض عينـــــي كـوه بلكي اكول اينام وتجي انته اعله ابالي اعيوني تكرصهة طعـم النوم شفته ؟ لاوــــحق عينــاك شلون ابعيني اشوفـــه وانته البنصـهة والـــة بحـالـــة وحدة اكـدر انة انسـاك لازم عينــــي هاية ينشلـــــع فــصهة120
صعب دونك اعيش وغيرك اختــــــــار. لان بس انت وحدك تفهم الــــــــروح. وصعب انساك وانسى سنيني وياك. من بعدك اعيش العمر مجــــــــــروح. وصعب تصبح محبتك بس بالعيـــون. لان كلش احبك حبي مفـــــــــضوح .... يا أجمل نغم غنيته بالكــــــــــــــون. ويا أعذب لحن وتعزفك الــــــــــــروح. ويا أجمل قصيدة واحلى كلــــــمات. يا لوجهك كمر وعيونك نجـــــــــــوم. يا نور الشمس الما غابت بيـــــــوم. ويظل وجهك ينور رغم الغيــــــــــوم119
يل عيونك ربيع و بيهه احس بنار وجمالك صيف لكن ابد مابي حَّر يل معرفت طبعك حيرتني وياك شتاء يذب حراره وصيفك يمَّطر118
ملك أنا لو تصبحين حبيبتي .. أغزو الشموس مراكبا وخيولا.. لا تخجلي مني فهذه فرصتي.. لأكون بين العاشقين رسولا ..117
مــــو كُلمــن قريـــب العيـــن تفــرح بيـــه ولا كلمـــــن بعيـــــــد العيـــــــن تنســـــاه بعــض النـاس يمـك بــس تحســـه بعيــــد وبعـض الناس تبعــــد مـن تريــد رضـــاه واكـــو بيـــهـم غصــــب يبتعــــد مجبـــور وتحـــب قربـــــه رغـم مـا عايـــش ويــاه116
صدك هالليله اخر ليله وياك وصدك باجر لغيري كلبك يصير الله شلون يقسم رزقي للغير ويبرد كلب غيري وكلبي يفور انه الربيت رسمك كحل بالعين وانه الوصلت خدك لون الزهور وتالي التعب كله راح للغير وعبر كلشي البنيته ونام عالسور اكثر من حناني شكلك انطيك وقنعتي وعفتي كلبي بحال مكسور كافي يا دمع عوف الخدود وكوم على العافك عليش تصير ناعور عبره ما جذب من المثل اليكول اسمك بالحصاد ومنجلك مكسور.115
شاهد ابعينك شوف هاك ارد اراويـــك جرحك شعلني ابنار بس تكرب اجويك114
تدرين اشوكت من عندج انجوز لمن نلكة مثلج وبــصــفــاتــج نعرفج نازكة من لفة الــشــال من شمرة جفوفج من عـبـاتج عليج ام الحسن بس انتي بالبيت؟ ...لو عندج بعد وحدة بحلاتج؟ اذا عندج خوات الباب اقفـلي عمي انموت من تطلع خواتج112
لگـينه گـماطنـه همـوم وعذابات وبعد ماتـــدري لوتدري شلگـينه لگـينـــه دموعنـــه تهـــز الكواريك وسمعنه جروحنه يلولن علينه111
ما تجي بأحلامي اكللهم مريض لو أكلهم صوجي اسهر ما انام عيب اذا اكلهم لكالة ابن الحلال بعينهم اطلع واصير ابن الحرام110
يالحبك طفل غافي بحضن كاروك حمل كل البراءة بغمضة عيونه كلي شلون اعوفك وانته هم تنعاف وعشكك صار ليلى واني مجنونه اريدن كلشي بيك وكلشي ماريد لان شخصك ابد ما اسوه من دونه109
ولتكلي أنتظر راس الشهر وتعود ياراس البقه وماشاب من شهره ميت وبنعش بيه أنته مامريت يمته أتمرعليه بفرحة الزهره108
إللٌي إمضيٌع ذهـــــــــب!! بسوكَ الذهبْ يلكَـــــــاهْ وإللي مفاركْ محــــــــبْ ... يمكن سنهْ وينســـــــاهْ بس إل مضيٌع وطــــــــنْ وين الوطن يلكَــــــــــــــاه ؟ ؟ ؟107
كـون أحـطـنج وراج وشــوفـي شـمسـوي كَـفـاج106
ودي ابوكن جسمي وابعد..! ودي افك باب السنين السودة واشرد ودي لاجن شدوا برجلي جرس يشهد عليه وبس اشيلن خطوتي الحراس تكعد105
خـاف گالولك حچي عوفه ويجيـك البيـه سولف ماحچالك بالصحيـح العنـده نيـة سوء اشم دورت گفـاه ايطيـح من عيني گبل لامنه اطيـح انـه موذاك اليچلب بلذيـال اليصـير تراب اصير بوجهه ريـح104
اسولــــــف ضيم كلبــــي للحياطيـــن لان هالناس بيـــــــــة مـــــــا يحسون وياهن عالاقــــــــل من احجــي مرتاح ضــــــامن بيـــــة باجر مــــــــا يعيرون افطور اترست من ضيمــــــي الاحجي وهنــــــة بلا كلب لا عدهـــــــن عيون ومني وبية ناس وعدهـــــــم احساس عله حالــي من اسولف بس يضحكـون103
شعر شعبي بغيابــــــــــك اني ظليت وعليه عـــين الشماته ماغفت لحضه ماجذبو خـــــــــبر من اسمعو انت مشيت نشروو على فـــــــراكك 100 الف ومضضه102
بعد ما اوصل واجيك.... خاين وما اشتريك ... ابد مافكرت بيه ... جايني وتحجي عليه ... واني ما احجي عليك ... شلون انسه جروحك اني ... والغدر منك اجاني ... اني راح انسه واعوفك ... ولاتظن ارجع واشوفك ... وانسه كل تفكيري بيك ... هواي شفت جروح منك ... خل اروح ابتعد عنك ... مو حرام يضييع تعبي ... وياك يلي انكرت حبي ... انته بعت اليشتريك ...101
ومن هذا الالم صحـت انـه احـاه وبجفـي لزمـت اضلوعـي مـرات وكلت ياروحي كلبـج شنهـو اذاه ومـن خوفـي رحـت يـم الاطـبـاء كـالـو بالجـراحـه كلـبـك اشـفــاه كلت سوي التريده وانا ما اخاف اذا كلبـي ابمقصكـم يطـلـع ادواه سوالي الجراحـه وطلـع مذهـول كلبك بيه حجي وما عرف معنـاه لكيت اعله الكلب مكتوبه كلمات ابـــد والله مـــا نـنـسـه حسـيـنـاه100
ابد والله ما ننسه حسيناه هذا بكل زمن تحصيل حاصل هاي الغانمه بكل الحسابات يلما وصخ ابهامك تنازل من طاحت الرايه من ايد عباس بحظرته اليوم تنشال بهلاهل و رأسك من تعله فوك الارماح ظل راس الزمن لليوم نازل بالطف استقام الدين بحسين لو لا الطف بقى الميزان مايل99
اشما اكتب فرح كلمة اعله ورقة يضيع واكتب يا حسين ويصرخ المطلع وتاخذني الظنون شراع للأحزان ويهزني العطش والجود والمصرع ذبحوك وبقيت شعاع للأحرار ودفنوك بظلام وجثتك تسطع من يطلع كمر جن رايتك بالكون ومن تطلع شمس جن كبتك تطلع اختارتك طريق اركاب اليحبوك راووهه الذبح بس ما رضت تخضع وحتى تعوف حبك حاربتهه سيوف وهيَّ بغير حبك لا تظن تقنع وطبرة هامتك وجفوف أبو الأمجاد ناقوس الرفض باذن الظلم يقرع بس عندي طلب يا ابن داحي الباب العراق بشاربك يا طيّب المرضع98
تگلــّـي .. إن شــــاء الله.. باچـــر أمــر بيـــــــك و خلــــــك ميـّـــت أنطــــــرك بيــــــن الأحيـــاء و متمــــــرني و أگــولــــن حقــّــــــه معــــــذور گـــال .. إن شاء الله ..يجـــوز الله مـــا شــاء ؟؟؟؟97
قريت اسباب هجرك يمتة ليه تعـــود .. جاوبني الهجر ؟ ضل اقره ما يرجــــع !!96
انه انطيتك عيوني ونورت دنياك وانته تكلي روح شبية احب اعمه95
عفتني ورحت كتلك الله وياااك ما أبيع الكرامه وانطق ارجعلي94
شيلو الليل خل الناس ترتاح كلوب الي تحب صارت مجازر93
اهز كاروك بختي وي الهوى الهاب دلول يلبخت ماتكعد وياي92
لازم تحط حد لهجرك وياي مامعقوله اضل كل عمري اتاني91
شباقي عدكم؟؟ صوت لو احساس مني بين ناري وشوكي دافن اني حبكم شباقي كلولي بعد هم اني اهمكم؟؟ هم بعدهة ارسومي موجودة بنظركم؟؟ لو شهكتي العاندت كلشي واجتكم؟؟... شباقي فهموني البعد خيم ظلامة واني شاعر كاتب الونة بكلامة بروحة ضمكم90
منج ما شفت احله ترفه والخجل غافي على اطراف الجفن كحله من النوم لو فزيتي ما جن كاعده من النوم جنج رايحه لحفله89
مثل حال اليتيم الروح بجفاك تصرخ وأنته منهه أتشيل الأذنوب ومثل يعگوب صارت قصتي وياك عن نزف المدامع يوم ماأتوب رمش العين لو ماشاف ملگاك يهددني أبدمع كل لحظة أغروب88
ابيتنه بلبل طفل بس بي جرح رغم الجرح ايغني فيروز الصبح حطو قفل بشفايفه ... ورشو على جروحه ملح بس هوه مابطل غنه من شاف جلاده يلح فاض الصبر بالجلاد اتبطل غنه.. لو تنجرح؟ اتبطل غنه.. لو تنفضح؟ اتبطل غنه .. لوتنذبح؟ ساعتهه بلبلنه ضحك وغناله آخر اغنيه الله..صوته اشكد حلو لمن يغني المنذبح87
الدنيا هاي الدنيا جن مرجاحه بيها ناس التبجي والمرتاحــه ماتصعد الخالـي جيبة لويخضر ابراسه شيبة خيرهـا بس الغنــي اي لاحـه الدنيا هاي الدنيا جن مرجاحه86
من كثر مـــــا بيج لهفة و عافيـــة ولـــــــذة و حمـاس مــــا أشوفج يمي وحـدة صرت اشوفج يمي ناس!!85
حـــــاير امنين ابــدي مااعرف شكول علـه الناس اتعصبت فعـــل وفـــــكر خــل اسولف عـن كبل حلــوة الحياة نـــذكر الله بكـــل وكـــت ليل وفــجر مــــــانفوت اي فــرض وقت الصــلاة ابيـــــوت الله تنتـرس ميضــــل شـبر اخــــــوة جنه ابيت واحــــد عايشين سنـــي شيعي دوم ابــــد ما تنـذكر مــــوش خــوفاً من فلان اولا فـــلان رحمة جــــــانت بالكلب عـدنه شكثر مــــــا نفرق الله يجمعنه ورســـــول وبو حسين انصيح تــــــــاج ونفتـخر وفجـــــأ طفو بيتنه واصبــــح ظـــلام ومـــانعـــرف العلة ويـــن بيا كـتــــر صرنه نسمع بس صراخ احنة ونحيب ثاري دخلــــو بيتنه احـــــفاد الشمر ذبحــــــو الاطفــــال واغتصبو نسـاء لله نسمعهم يـــذبحــــــــــونه نــذر خــــربو خـــــوتـنه اولاد الـحـــــــرام صـــــار واحــــد ينعت الثانــي بكــفر84
سألت يمته الفرج؟ كالولي اصبر بعد .. حد مايجيك الفرج ولكيته باب الفرج بس عالي كلش علي .. كالولي اصبر لعد حد مايجيك الدرج83
كافي ابقى طيب كلب كلما ادوس الخجل انداس بالمستحه خايف اصاحب نبي وخايف ارد للصدك والكاهه هم مصلحه82
اسولف عن جمالك وحچي للناس يكَلولي چـــذب حـچيك خــــرافه اكوللهم شنو مـاعدكم عـــــــيون تعاين بيك رقتك ولتــــــــــــرافه حقيقه النـاس شافتك بلــــعيون وجـودك سوه بلـــــكون انعطافه وذا اسمك لمح عالفيس فد يوم نسويلك شلع كلنه اضـــــــــافه81
ماتنجاس .. من كد الترافه البيك تذبل حته من تنجاس !! ماتنباس من كد الانوثه البيك تذبل حته من تنباس !! ماتنقاس .. اذا كلك حديقه من الجدم للراس !! صعبه كدار طولك ينحسب باشبار انته كدار طولك بالورد ينقاس !!80
تعال بداعتي ومر عل القلب خطار وبسجين عينك شكك جروحي انا الجنت اجيك بضحكه من بعيد اجتك طرك نفسي ودمعه مفضوحه لك العالم تذبح الدمعه بضريح امام وانه بحضرتك دمعاتي مفضوحه79
تمشه ويه غيري وشفتك من ابعيد.. كلت خليني أسئله وما كلت غلطان.. كتلك هذا ياهو الجاي يحجي وياك.. و وين مخلي أيده و وين واكف جان.. أفترض عندك عذر والعذر مقبول.. زين شماله وجهك كام ينطي ألوان..78
تلكه واحــــــــد ماكره حــــــد الممات وتلكه واحد مــــــايحب بس روحــــــه تختلف هــــــــاي البشر ماحاجه اكول وهــــــــــل قضيه بلاشرح مشروحــه شوف حبل المشنقه ومن عنده قيس هــــوه نفسه الشايل المرجوحـــــــه م77
اعـذرنـي جنـت شكـد صلـف بلياك لـو جفـي بـرد ويـن انطـي وجهـي ليا زلـف !!؟ هو اني فـوك من 12 ماعنـدي بـس طيفـك عـرف .76
قلبك من فتت ما ناوي اسكن بي ردت بس الحنان الجنت بي اسمع باقي على السمع لو ادري هيج يصير بعدني ما فتت وانت صحت اطلع...75
أسألك ليش أيمانك ضعيف اليــــــــوم والشيطان داخل فكـــــــــــــــــرك معشعش يصيح الله أكـــبــــــــر وانته يبن الناس ع الانتر نيت ويه اصحــــــــــــــــابك تحشش ولك أنته چبير وفاهم ومفـــــــــــروض على درب العباده عيـــــــــــــــــــونك تفتش درب ربك نجاة وراحـــــــــــه واستقرار عوف الفيس بوك وبالــــــــــــــــــدرب كمش مسلم أنته اسألك لو يهــــودي الدين جاوب لا تضل محتــــــــــــــــــــــ ـار وتهمش شنو تنشر صـــــور بيهه الستر مفگود وشنو تنشر مقاطــــــــــــــــع للحيه تخدش هتفــــــــــــــونك بأذنك والغناء يصيح ولك هاي الأغانـــــــــــــــــــ ي بدينك تفلش يسالوك اعله مطرب تحچي بالتفصيل يسالوك اعله دينك تطلـــــــــــــــــع مكدش انته هـــــــواي جاي تأذي ابو السجاد وعلى جروحه ملــــــــــــح بفعالك ترشرش مسلم أنته كون اسلامـــــــك يخليك تركض للصــــــــــــــــــلاه مرتاح ومنشنش چا أنته شجاك اويه الربع خــــــــدران وتحچي اويه البنات وبالك موشــــــــــــوش ميفيدك تســــــولف وي بنات الناس اليفيدك للصــــــــــــــــلاه سجادتك تفرش باچر من تمـــــــــــوت وللگبر تنشال صدگ بس صـــــــــــــــــلاتك تنفعك كلش صــــــــار الفيس ربك ألعن الشيطان وانهض للصــــــــــــــلاه عالفيس لا تلطش عـــــوف المنتدى والفيس والأصحاب گلهم خل نصلي ونرجــــــــــــــــع ندردش74
ليش رحت بلا ولف خليتنة.. والله بعدك وحشة صاير بيتنة. انتة مو تدري نحبك سنين تانينة عله دربك. ليش رحت بلا ولف خليتنة.. ................................ والله من فركاك ماخلينة باب.. وترس راسي الشيب مايعرف شباب انتة مو موعد حبيبي انطيتنة .. ليش رحت بلا ولف خليتنة..73
شـتـظـن مــــــن راح أعـــوفــك راح امـــوت مـــايـــاخــذ الـــــــــــروح الأ الــــخـلـقــهــه ولاتـــفـــكـر لـحـظـــه بـــعـدك راح اجـيــــك روحــي جــبـــال صـــــــــدك مــــا أذلـــهــه خــلـصــت بـيـه عـشــره الـــجـانـت ويـــاك وحــسـره أبـكـلـبـي مـيـــت مـن أجــرهـه تـــــــــريـــــــد أشــــوفــنــــك هــلـجــــروح بـاقـيـه مــن سـنـيـن تـارك بـس أثـرهـــه72
زفلي طولك . خل اطش روحي.. واصابيعي هلاهل..فوكَ خصرك71
مرني نسمت هوء بارد .. بليلة صيف مرني ضيف مرني اشمك موحقيقة مرني اكلك اني طيف اهناك ماكو اي قيود اهناك نتعده الحدود ابلا جواز البوسة لا عل ركبه سيف70
اذا عندك كلب يتحمل بعااد انا كلبي ورق يتشكك بسرعه واذا عندك دمع تحمل بعد بالعين انا دمعي خلص متكلي شيرجعه واذا عندك زرع وورودك انت اتفوح انا زرعي بملح متكلي شيطلعه واذا دنياك حلوه وتزهي بالافراح انا بكلبي الحزن عااشور شيقلعه واذا عندك خلك تسمع تواالي الليل انا طوري الحزن موالي متسمعه اريدك تكرب الباقي بعد معدود جم ليله ودقاايق وعمري اتودعه69
شنو خلصان الورق مكتوب ما دزيت لو ناسي الكتاابه وضااع عنواني مو انته الاعرفك ذااك ابو الاحزاان جنت من اضيعك انته تلكااني شاركت بهمومك من جنت مهموم وحملت احزاان كلبك فوك احزااني ما جنه انتفاارك يااعز النااس لو خااف الوكت خلاك تنسااني صدكني كلامي ويااك ما مقصود احسبه محبه وهجرك أذااني ولو تدري شكثر خجلان يالمحبوب لان عيب الرساله اطلبها بلسااني.68
اذا كل الحجي مااغزر ويااك شخليلك ملح فوك السوالف؟!!67
رغم عفتك بعدني اتخيلك ويااي واسولفلك على جروح الوكت بيه واحضنك حيل احضنك وانته ماموجود والمك يااعسل وتذووب بيديه واكله لكلبي رااح .... رااح فلان وعلى هالحاله اظل ويااك يوميه لابيه اعوفك من صدك وانسااك ولا بيه ااتااني وانتظر جيه اصبر روحي بعدك والعمر خلصاان جرح يلجم جرح ونكول مكظيه66
مو طبعي الجذب لو كلت احبك مووت لان حبي الك مااصار من نظره ومو طبعي الجذب لو كلت ميت بيك لان من دونك احس مخنوك بالعبره ومو طبعي الجذب لو كلت ماانسااك لان صوره خياالك بالكلب جمره ومو طبعي الجذب لو كلت هاايم بيك لان حبك عذااب وناار مستعره ومو طبعي الجذب لو ماانام الليل لان صبحي بالليالي ينحسب سهره ومو طبعي الجذب انته الوحيد اهوااك65
اذا ابوك علمك على رفع الخشوم فديت ابويه علمني على كسرهاا.64
جهنم بأمر ربك تحرك الكفاار انته بأمر يااهو تحرك كليبي؟!!63
انه جروحي ويااك معاارك وانتصاارات ياا جرح التشوفه اتكوول قاائد!!!.62
بتخطيط الكلب متعجب الدكتور يكول شكد تحبه الجرح كلبك؟!!61
مو شرط التحبه تلتقي وياااه الله اشكد احبه وعمري مااشفته.60
العن كل محبه اتنزل الرااس كراامه بلا عشك صدكوني احسن.59
حبيبي الدنيا ماترهم بليااك وروحي ويااك راحت من عفتني وبعد كل العذااب الشفته ويااك وشكد انته بمحبتك عذبتني اضل للموت احبك اني واهوااك لان انته بمحبتك جننتني شلون كدرت تمشي وكلبك انطاك وبيوم الساافرت ما ودعتني من كالوا رحت كلت الله ويااك كلتها بكلبي واثااريك اسمعتني لان بكلب واحد عشناا روحين واخذته ويااك يوم الفااركتني58
باجر تعشك ويهوااك غير انساان واذا كلك يحبك مثلي لتصدكه صح تلكه اليحبك وانه اظن الكيت بس كدما هويتك والله ماتلكه اكثر من امك وابوك انه اهوااك واظن بااين عليه بسااعه الملكه خلص هسه انتهينه وعمري صاار كتااب خليه على رفك والمهم طبكه ظل اسمك نبض فاضحني صبح وليل يدك بكلبي سيف وتجرح الدكه57
شنو اخباار هجرك ما نويت اتعود؟ تعاال انه وغياابك صرنه صحباان.56
خذت عبرة ودرس من اليخونون ما لومك ي باسم من كلت دنيا55
...اخذ طبع اﻻرض ﻻ تدك باب الغيم... صح عالي المطر بس هوه ينزلك .54
بالك لا تضن اطباعي مثل الغير اني ابطبعي نهر يروي البساتين لو كتلك احبك يعني للموت مو حب هالوكت ما يستمر يومين.53
ارسم صورتك صدكني من اشتاق وصافن على الصوره تحجي اتمنه اذا اشتاك الصوتك اشلون كلي صوتك هم اكدر ارسمنه ولنفرض لو رسمنه الرسم معقول بس ما معقول من اشتاكلك اسمعنه .52
تره كلمت احبك صارت إعلان تره كتبوهه حتى على البطاطين51
لقد تم الفشل ماأگدر أنساك .ولك صعبه وعلي مادبرتهه .50
اكله لكلبي اسكت ليش زعلان يكلي اسكت ولك محد يحبني.49
ياهو الكال حمره كل الكلــــــــــوب أني أعـــــــرف ناس سوده أكلوبهم48
تعال وشوف حالي بدونك اشلون مثل حفنه رمل تنثرها الريااح عاايش وسط غربه ومالي عنوان تعب صوتي ومتت من كثر الصيااح تعال وشوف حالي وحال العيون من تعمى وتعاشر ضيم الاشبااح.47
معقوله جذب كل ذيج الاشوااك وكل ذاك الحنين بداخلك ماات معقوله جنت تتسله بالروح؟؟؟ وجذب ذاك الغزل واحلى العبارت وحب كل هالسنين وياي تمثيل ؟؟ ودور العااشك الهز السماواات ومزيف جان من الالف لليااء غرامك والمشااعر والرواايات رووح براحتك روح الله ويااك بس تتهني بعد اليوم ... هيهاات.46
يا بلسم جروحي وسلوة غنااي يا غبشة الدنياا وكل فرحتي بسبب فركااك بين شيب بالراس وبااك الوكت من شفتي ضحكتي واكول انسااك بلكي وباجر ارتااح واشوف بوجنتي اترسمك دمعتي جنت شمعه حيااتي التطرد الليل وغيرك ابد ماا يصلح شمعتي منك مو بعد ما شبعت الروح ولا ضااكت ندى شفافك وردتي45
اخلي الجسد صامت من اناام الليل لان دكه فراكك تااخذ الرووح!!!44
صاار سنين صاابر والكلب موجوع اضحك بالجذب وبروحي احزااني واكول تهون لازم كل مصيبه اتهون اشو عد المصاايب ثبت عنوااني عشت عمري غريب وبس اداوي جروح ولا اذكر بشر بيوم دااوااني شسولفلك شكلك ع الجرى بدنيااي يخلص كل الحجي وما تخلص اشجااني انا العايش حلم واليقضه حركه وويل من يوم الولاده القهر خااوااني.43
اخلص الليل كاعد ويه الجروح نسولف عنك وعن المضى وفاات وتجرنه السوالف والسهر والنوح من نذكر عشكنه لمن وكته ماات نبجي بسكته حتى النجم ميشوف لان كد النجم صارولي شماات.42
احبك وابد لتصدك انسااك انته بذكريااتي احلى لحظه وشتكول الكلب ينبض بليااك وانته بكلبي صااير احلى نبضه.41
اتحده البعد يجبرني يوم انسااك وعمت عين الصدف غيرك تراويني رغم بعد المساافه وانت ترس العين والنااس الشفتهم ما ملو عيني شلت حبك حرز يحفظني من السووء واحلف كمت بسمك لليحلفوني.40
اريد ويااك اعيشن والله ما مرتااح ذابحني غياابك كلبي متورم تظن حلوه حيااتي وانت عني بعيد وتظن هااي الجروح ال بلكلب تلتم؟ تعال ويااك اخذني وخل نروح بعيد ونعيش الفرحه كاافي وخل نعوف الهم تعبنه الوكت والقدر بينه ايدووس مجروحين احنه والجرح يلجم محد بينه دااري وعذباانه الحاال كلشي يخون بينه لكن انه ويااك ابد منخوون حبنه وربك اليعلم.39
ماا غيرت الاسود بعده ويااي اغير كمت بس نوع القمااش ومن يوم الرحت ما شفت انا النوم واذا متثق تعال وحلف الفراش نمت بس مره وحده وبيها تعباان ومو بفراشي؟ اخبرك لا بالانعااش.38
معذور الغزل ماكدر يكتب بيك من شافك انصدم واتأذه بالصدمه حتى الابجديه انتفظت الكلماات وسوت انقلاب الكلمه ع البسمه ويا كلمه التشوفك تضم نفسها بساع تخجل من جمالك وتنتهي الكلمه ضاعت كل اساليب الحروف ويااك لان شايل حسن محد تره يفهمه.37
عليك الكعبه مرلي بهاي الايام لان يمكن اموت بعيد الاضحى.؟؟36
أريدآ حار كون وياي ملـكـــاك مثل ملكـه جهنـم لليكفرون .35
مو كلمن يدگلك صدره وفاي ولا كل أخ صدگ أخ ايتسمه أحيانا عدوك ينصح اوياك وبزادك أخوك ايخلي سمه.34
كدامك بشر مو صوره ع ألحيطان حاجيني من أكلك اني محتاجـك.33
اذا صاعد جبل باوع بعين الناس تره اليصعد جبل من يرتفع يصغر .32
يمــــــه علموني درس زرع البذور بذره تطلع من تطب سندانه وانتي صار سنين مدفونه بتراب يمته اشوفج طالعه ويانـــــه31
اشخبط ع الهوه واشتم كلام العين واقره بوجه عينك حجي الماكَلته .30
تعــــــــــــايدني الشماتة تدري شيكولون يالمتــــــــــــــــــان ي التحبة فراكك مبارك.29
راح اكتب كلمة احبك بهدوم العيد... حتى اكسر خشوم اليحجون عنك.28
ادليك بدرب يوديك للفردوس امك دنكلها وبوس رجليها27
يغالي الكلب من فركاك مر مر وشمالك ما تمرلي بيوم مر مر يفيد الناس يعدل الراس يشفي جروح تجي وتروح يشيل هموم يكظي اليوم بكل الاوقات اله نشتاك نسولف بيه ونكول عليه راحة بال حزن موال شربت الجاي فوك القهر مر مر ولو حنظل اجرعة بس كول اليه.26
وﻻ مر اعله بالك طيف تـــــــــذكاري؟ ايامي المضت ماهزتك فد يــــــــوم ؟ وﻻ هزك ضميرك تسمع اخبـــــــاري؟ بغيابك صرت شاعر منكسر مهضوم بيا شعر اﻻذكرك تشتعـــــــــــل ناري صرت كلي جمر واحﻼمي شبت نار واذا ما صدكت بس اسمع اشعاري25
سألت دروب حبك واظن عرفني يا دروب العشك محد سأل عني؟ ما مرجن حبيبي ولا ترك مكتوب؟ وعدني اليوم يم شجراتجن ذني كالن اي اجه هنانه كبل يومين لابس حلقه بيده وجفه متحني كتب مكتوب الك يم شجره الصفصاف صحت بصوت وين الشجره دلني لكيت اعله الجذع راسم كلب مكسور وكاتبلي انتهينه وعوفي ل وني همت للكاع وجروحي انحنت وياي بجيت وبجن كلهن يوم شافني ون صفصافهن والغرب لا بس ليل لانهن للكبر ..... يا ناس زتني ...24
اريد اشكي عذاب الروح وكونك عاد تسمعني واريدك بالوفى وياي ابد متخون توعدني انا شسويت غير الخير ليش الوكت ظالمني وليش الحظ عكس وياي وهم يريد النوب يلعبني وياك وعليك وبيك سؤال صغير جاوبني عيونك هم تسيل دموع لو فد يوم تذكرني؟؟؟؟23
فضيت الشراكه وياي شنهو الصار شنهو الحب لعب ورايد تبطلني وخل نفرض لعب ومحالل وموهوب بس ردلي شبابي الي تلف مني تشك بيه اخونك لا تلف وتدور قديمه اسوالفك كامت متعبرني احلف بالعشك غيرك ولا حبيت واذا مره نسيتك كون الله يصطرني.22
ردت كلمة (حلم) تتحقق وياك تعكسها وتذبها اعله الجرح ليش؟21
ردت اكلك اني احبك ... استحي اشلون اكول واني طبعي مو جريء ... بارد وكلش خجول خاف اكلك اني احبك ... وتكلي انته اشكد عجول خاف اضمها وتبقى حسره ... والحسره البكلبي تطول وهسه بعد العشره كلها ... انته تسمحلي اكول اني احبك والله احبك ... ومنك اترجى القبول وهسه بس محتاج ردك ... هيه مو هيج الاصول ؟؟؟20
علمنه الوكت نضحك عالهموم ويمر بينه الفرح دمعه مجانين .19
اكبر جرح ينقاس مايوصل اذراع لاكن جرح فركاك من الله للكاع .18
من باب المشاعر حيل ونـــــيت وعله واهس جروحك صيحت أه نطاك شلون قلبك ما تــــــأذيت علة ونة جروحي اتصيـــــــح الله .17
راســك لاتحطــه براســي فد يـوم عمــــر الجبــل مايتسـاوة بحجـــار اذا زعـطوط العــب ويــه الزعــاطيـط وظـــــــل بعيـد لا تــوصل للكبـــار.16
اذا طبع العشك صاير تواسيل ماريد العشك وامسح هواكم انه بقاموس حبكم حيل غلطان شجاني وجلبت واركض وراكم اذا انت حلو ومستصغر الناس انه الكمر كله بنص سماكم .15
كلي بيا ضلع بسمارك الجاي حتى اكتب عليه محجوز للغالي .14
لأجلك سعيي واجتهادي وخدمتي وياليت هذا كله فيك يثمرُ تبعت الذي يرضيك في كل حالة فإن كنت لم تبصره فالله يبصـرُ والله مامثلي محـب ومشـفق وسوف إذا جربت غيري تذكر فما شئت من أمر فسمعا وطاعة وما ثم إلا ما تحـب وتؤثر13
امشي وحيداً رغم آلاف البشر .! أمضي بعيداً مآحياً خلفي الأثر .. لا زآد لي في رحلتي أحيا به .! والنور سار مودعاً حتى القمر , والخوف يزرع شوكه في داخلي .. كيف المصير وما يخبئ لي القدر والنور غاب وخط سيري تآئه .! لا فرق عندي بين صبح أو سحر12
فزيت اعلى صوتك وانته ماجاي وتخيلتك ابطيفي اباحلى نومه انه بالطيف اشوفك والتهي اوياك اذا رمضان اجاني شلون اصومه11
غرامك ما نصفني بيوم ويميل ودليلي لا تظن ينساك ويميل الك موقع بنص القلب وايميل دبليو دبليو دوت احبك مو بيدية10
فد شغله بحضرتك دوختني هواي ما ادري حقيقه مدري جنت احلم شفتك بالورد تشتم هذاك اليوم معقوله الورد بالورد هم يشتم؟؟9
لا تلتفت يميناً او يساراً لتنتظر من يساندك فقط ارفع رأسك الى الاعلى فستجد من يرعاك وقل " يــــــا رب "8
أنت يا جنة حبي واشتياقي وجنوني أنت يا قبلة روحي وانطلاقي وشجوني أغداً تشرق أضواؤك في ليل عيوني آه من فرحة أحلامي ومن خوف ظنوني7
الساعه لازم توكف بيوم التروح ويه غيرك ما اريد اصرف وكت6
ازرعلك حنان بموسم اجروح وخضر واهس احلم بي الملكاك يتربات الشماته اشلون اوفيك لو امطر ملح ماغزر اوياك5
طبع بينه الخجل مـــو خوش تعلوم وهاي الـــدنــيـا محتاجه الـ كَباحة4
تدري بيوم اشوفك افرح اشلون؟؟؟ مثل عانس لكت عريس تحفه3
شجاني وصدكت موكلبي ملجـــوم عيني تشوف بس روحي الغشيمه الطعن بالوجه صاير هاي الايـــــــــام اليطعن بالظهر صـــــــــــــارت قديمه2
نسايم ليل هجرك منعس الهة يلشفافك روتني من عسلهة الايادي الفاركتني من عسلهة تضل تمسح دمع صبح اومسية1
بس المحترك يفهم حجي دخان؟؟ ويعرف احرورته ويفهم سبب علته مثل عاشك ابغربه ومر وكت لغروب يفرفح من يمر طاري الهوى ايموته انه ابخصر السنابل جم جرح ضميت وطعم شبكه المنجل من رحت ضكته
رد مع اقتباس
