هنا

[Ammar]

عمار حباب ماتشوفلي وحدة وياك ب20 ورقه

هههههههههههههههه غير لو تعرفين المواصفات تكولين انطيك عشرين ورقة بس ارحمها وذبها

شو صارت سوك مريدي

ابو عبد الله خلينا نشوف رزقنا رجاءا وعمولتك مال العقد موجودة

وعيني سامر لا تتكاسر ترة سيارتك لا مالك ولا حائز لا تقفص على البنية ترة ميصير

[Ammar]

مواصفات السيارة
النوع مازدا حجم 323 المحرك 1600
الموديل 1991

اللون سابقا فيلي حاليا كل صفحة بيها لون يعني حتى اللي يباوع ما يصير عنده ملل من ورا لون واحد
كَير عادي والكلج ينرادلة مو دوسة ينرادلة دفرة حتى ينزل
الجام مو كهربائي
الستيرن كما يقال او عجلة القيادة مو باور يعني ينرادلها حيل كل ما تريد تغير الاتجاه
البطانة الداخلية للسقف لايوجد
تبريد لايوجد
ضوء داخلي لايوجد عاطل واحيانا من اطلع بالليل اخذ وياي لايت على الشحن علمود السيطرات
لايت امامي عبالك فانوس مال نفط
غطاء المحرك الصبغ مالته جارد كما هو واضح بالصورة والصفحات للسيارة كانها لوحة زيتية غير مكتملة من كثر الاحتكاك بغير سيارات يعني مشكل احمر وازركَ بس بالتاكيد همة السبب مو اني
الباب للراكب الامامي احيانا هواي تشكل ما تنفتح بسبب ضربة من احد السيارات
البطانة الخلفية لمقعد السائق ايضا مفقودة
الدرايف شفت يطكطك احيانا حتى تتونس بمكان المسجل والراديو
بس بصراحة واعتقد سامر مجربها ما تصرف بانزين ولا تعطل نهائيا عمرها عمر الرئيس العربي من يجلب بالكرسي
ها نسيت اكوللكم ريحة الصندوق كلها سمج لان استخدمها للحمل يوميا من العلوة للمحل مرات احمل بيها اكثر من 400 كيلو وهي من تمشي سرعة تكول (***) مسعورة تنطلق ولا يهمها
وعلى عكس سامر اعرف الحائز واندل المالك
ورجاءا بدون احراج لحد يدزلي رسالة خاصة او واسطة ترة ما بيع

[Samer]

هههههههههههههههههههههه رهيبة .. صدك جذب .. شتبيع وين تلكي مثلها هههههههههه

اني هم بيها كل المواصفات اللي ذكرتها .. و اصلا اتعس بهواي .. و الطكاطيك بس يعجبك تسمعها .. و احلى شي اكو صوت مميز اسمع من اريد الوف جنه عبوة و طكت ما ادري شنو .. اعتقد إله علاقة باللوي المكسور ..whatever ههه

هنيالك تعرف الحائز و المالك .. اني ولد كللي الحائز تكدر توصله بالفيس بوك ..بس المالك ارهابي و شنقوه يمكن خخخخخخ

[fairy touch]

ههههههههههههههههههههههههه هههههههههههههههههههههه
ههههههههههههههههههههههههه ههههههههههههههههههههههه
ههههههههههههههههههههههههه ههههههههههههههههههههههههه
ههههههههههههههههههههههههه ههههههههههههههههههههههههه ه
يمكن الجوارين رح يكعدون هلكد ماضحكت ....
عمار وسامر اعتقد لازم تراسلون شركة مازدا وتدزون تقاريركم مشفوعة بالصور اعتقد يبدلون سياراتكم بأحدث موديل و يعرضون القديمة بنص اوربا حتى يثبتون سياراتهم حازت على المرتبة الاولى بالنضال ....خخخخ

[ايفيان]

شنو هاي سباق تنافسي مميت ع السيارات المجرقعة
وشوكت الله يرحمهن برأيكم اشو جاي تذكرون محاسنهن من هسة

[سيبل77]

ياجماعه هاي سيارتي اتحدئ احد عنده مثلها ههههه

[مواطن عراقي]

اي واحد يريد يبيع سيارته
اسويله عليها مزاد بالمنتدى

[7am33d]

وهاي صورة سيارة ابني.هاهاهاهاها

[علي سالم]

وفاءاً بوعدي الك ابو عبدالله الغالي وان شاء الله ترجعلنة بالسلامة وتنور المنتدى بوجودك
اليوم حصلت صورة للسيارة اب احسن حالاتهة(هستوهة مغسوله )هع واتذكرت اب هالموضوع ههههه
هذه سيارتي ومواصفاتهة بس راح احجيلكم عليهة اول حتى لا تشوفوهة وتفزون هههههههههههههه

السيارة ميتسيوبيشي موديل 1992 يعني اكو بنات جايات للدنيا بنفس السنة اتزوجن وخلفن ههههههههههه
الوالد اشتراهة سنة 2006 (وطلع دهنهة)ومن راد يجدد ما انباعت لأن رقمها انبار شمرهة على أفادّي واخذ 2011 عااااااا
طبعاً هي جانت سيارة جديدة وكل شي شغال اب وكتهة بس حالياً قدمت الهة فايل وراح اوديهة ال دار العجزة هههههههههه
وطبعاً هي قليل اكو من هذه النوعية بهذا الموديل ( كامل مواصفات ألله يجرم )هههههههههههه
والآن اترككم مع الطلة البهية هع
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

.
.
.


تحياتي

[Ammar]

السرطان ماكو واحد ابو كرين في العاصمة بغداد ما تعرفت عليه من وراها ههههههههههههههههههههههه كان عدنا وحدة مثلها وتروح على رجليها مثل ما يكَولون ترجع بكرين ولا مرة راحت ورجعت وحدها اخر شي عمي راح بيها لسامراء على اساس يبيعها بالطريق عطلت زهكَ منها وذبها بالجزرة الوسطية مال طريق سامراء بغداد وحلف اللي يروح يجيبها ميطب للبيت بعد