وحك فركاك ماضل كل صبر بلروح
ابنفس شايب عشت والضحكه منسبه
اون ون الثكاله الفاكدات اولاد
وجر حسرة يتيمه اومشت فصليه
صفنتي ابطول نوم اهل الكهف مرتين
بحيث اتراب اشوفن من افز بيه
اوحالي اعليك حال ام تهز بلكاروك
فارغ والدمع ماكطع جاريه
ابطعم العوز طعم افراك شخصك صار
عد شيخ اومضيفه ايواد ممليه
ولامر اعلبالي ابحضن غيري اتنام
ولاحسبت حبك ندم تاليه
يكزبر جلدي كله ويعرك امنشتاك
ويرف جرحي لمن ينجاب طاريه
وحلف جرح كلبي ابراية العباس
اذا شاف الشماته ايهود اشويه
ابمحطة ريل هجرك صحت بيك ابصوت
اوجان اصياحي بيك ابيت ابوذيه
رد مع اقتباس
