هنا

[نبراس الولاية]

هاي اطفالي تنظر جودك هاي اطفالي للرادود الملاباسم الكربلائي

هاي اطفالي تنظر جودك هاي اطفالي

زينب صاحت ياوالينة .. هاك الجود وگوم اروينه
ماظن بضمانه تخلينه .. ياعباس وانته الوالي

هاي اطفالي تنظر جودك هاي اطفالي

اطفال ولوعها ضماها .. مشبوحة لجودك عيناها
يمته تگوم وتطفي حشاها .. وتخمد جمرة دلالي

هاي اطفالي تنظر جودك هاي اطفالي

انه اختك ياكافل ضعني .. منظر اطفالك روعني
بلسان ضماها تحشمني .. كسرت گلبي ومردت حالي

هاي اطفالي تنظر جودك هاي اطفالي

تروت من جمرة مدمعها .. والمدمع خوية شينفعها
چم طفلة تصيح وتسمعها .. جودك يابعد اختك خالي

هاي اطفالي تنظر جودك هاي اطفالي

اطفال ورضع عطشانة .. عبدالله ياشر بلسانه
وسكينة الظلت تلفانة .. هاي الحالة تشل عيالي

هاي اطفالي تنظر جودك هاي اطفالي

جاب الماي ورد لعياله .. ولجوده تعاين اطفاله
ينظرهم محد يدناله .. ماشربوا ابدا للتالي

[نبراس الولاية]

عباس ما تقعد تحاجيني

عباس ما تقعد تحاجيني و آنه انعمت عيني
من سهم البعينك الماذيني و آنه انعمت عيني
**
عباس ما جنت أظن يرموني بعدك يفجعوني
لاجنت أظن تتقيد امتوني خويه و يضربوني
عباس باجر من يمشوني للشام يردوني
بالدرب منهو اليدليني
**
عباس سهم العين جتالك و انمرد دلالك
و بضربة العامود آجالك حققت آمالك
و الليل لو جلجل عله اعيالك شيصبر أطفالك
عباس وحدي لا تخليني
**
ما أدري قلبي ينحب الفركاك لو من سياط اعداك
عباس و انته اتغسلت بدماك و اختك بقت تنعاك
عباس جنت امخدره بحماك و الخذر راح اوياك
ياريت وياكم امقطعيني
**
عباس قلب اختك تشب ناره امن الدهر و أخطاره
عباس هذي الخيل اجت غاره اعله الخذر و أستاره
عباس لختك ما بقت جاره بالحرم محتاره
عباس ما تقعد تحاميني
**
عالهضم شيصبر يتاماكم عباس بعداكم
عباس جيف البال ينساكم و القلب يسلاكم
عباس يصعب عليّ فرقاكم خلوني وياكم
دهري غصب عنك يمشيني

[نبراس الولاية]

وعدك وينه وعدك وينه للرادود الملاباسم الكربلائي

وعدك وينه وعدك وينه صاحت زينب، وعدك وينه
يا عباس انته المسؤول عن هذا الموقف شتگول
وعدك وينه وعدك وينه صاحت زينب، وعدك وينه
* * *
يا عباس أنـــــت الكافــــلنه وانـــــت الضيغم والصنديد
جيت اشرحــــلك حال عيالك عـــــــطشانه وللماي تريد
اطفالك ما تگـــــــدر تصرخ صــــــــارت توميـلك بالايد
وهذا الشاطي اگـبال خيامك لا لتگول الشاطي ابعـــــيد
لتخليــــــــــنه، لتخليــــــــنه بهذا المـوقف لتخليــــــــنه
تتراجف مـنك هالجــــــــيش صابر عـن هالموقف ليش
وعدك ويــــنه، وعدك وينه صاحت زينب، وعدك وينه
* * *
كلسا طفــــــــله اتمر اگبالي توگف يـمي وتحچي اوياي
ما أفهم مــــنها اشما تحچي ولا أسمع بــس چلمة ماي
منهو ايصــــبر هاي الطفله حاچيني وباصــــرني براي
تگعد لو تطــــــــلع للشاطي ابكيفك ظلت يـــــــمك هاي
يا والينه، يــــــــا واليــــــنه بيدك جودك يــــــــا والينه
أنت العارف والحســــــــاس ظلت يـــمك يا عــــــــباس
وعدك ويــــنه، وعدك وينه صاحت زينب، وعدك وينه
* * *
ما أشرحلك حال الخــــــــدّر اشـــــرح بس حال الأطفال
طفلين من اطفالك وگفـــــوا يحــــــــچون ابمدمع همال
واحد ينشد مــن الثانــــــــي شـــــتگول أنت بهذا الحال
يطلع عمنه المــــاي ايجيبه لو نبــــــــگه ابجمر الدلال
يعلم بينه، يعــــــــلم بيـــــنه شاف الحـــــاله ويعلم بينه
خل نطلع يم عمنه نـــــروح ونگله ابمــــــدمع مسفوح
وعدك ويــــنه، وعدك وينه صاحت زينب، وعدك وينه
* * *
خل اترك حالــة اطفالـــــــك واشرحـــلك حال الرضعان
كلسا اسمع واحد يصـــــرخ وأمه تحاچـــــــــيه بأحزان
هاك ارضع من دمعة عـيني وحتى المدمــع هم خلصان
ظلت يم عــمك يولــــــــيدي بس هوّه اليروي العطشان
شبحت عـينه، شبحت عينه حتى اليرضع شبـحت عينه
ما عنده لســـــــان ايحاچيك بلسان الدمعه ايــــــــناديك
وعدك ويــــنه، وعدك وينه صاحت زينب، وعدك وينه
* * *
يا عباس وإلمــــــــن تصـبر من صبرك شنـهو المريود
بيدك هذا الجود الخــــــــالي ابلا ماي اشينـــفع هالجود
هذا الشاطي اگبالك يجـــري والمثلك ميريــــــــد اشهود
ريتك سالم ترجــع الــــــــنه ولخيامك بالـــــــماي اتعود
واترويــــنه، واترويــــــــنه ترجع سالم واتـــــــــروينه
راح انظــــــــل ابهــا الآمال واتذكر كل صوت الگـــــال
وعدك ويــــنه، وعدك وينه صاحت زينب، وعدك وينه
* * *
شال السيف وهاج وأغضب والرايه اترف اعله الرأس
صارت ضجّه ابباب اخـيامه وحده اتحذره من الأرجاس
وحده اتحب اچفوفه اتگـــله لا تتأخر يــــــــا عـــــباس
وحده تصيح ارجع يا عـمي لا توليك أشرار النـــــــاس
لوظلـــــــينه، لو ظلــــــــينه بهاي الحاله لو ظلـــــــينه
بس دمعــــــات العين تسيح كلسا يسمع طفله تصــــيح
وعدك ويــــنه، وعدك وينه صاحت زينب، وعدك وينه
* * *
بزودك مــن توصل للشاطي يا عباس اذكرنه اهــــــناك
بس ما تـترس جودك ارجع لخيامك والماي آويــــــــاك
اطفال وخــــــــدر تنتــــظرك ما تگدر تحمل فرگـــــــاك
اسرع للأطفال ابجــــــــودك واسگيها الماي ابيـــــمناك
رد اعــلينه، رد اعــــــــلينه جيب الماي ورد اعـــــلينه
يا عـــــــباس وشنهو الماي ما نطلب أكثر من هــــــاي
وعدك ويــــنه، وعدك وينه صاحت زينب، وعدك وينه

[نبراس الولاية]

شجاعة العباس (عليه السلام) للرادود الملاباسم الكربلائي

حي عباس رمحه الجثث زرگـــــــــــــها بيض وسمر سم الرمح زرگــــــها
* * *
يلذع بالرمح مرهب يذب اســــــــــــموم وبسيفه يصب الگدر والمحـــــــتوم
هز الرمح من أرمگ جبيله الگـــــــــوم من هزته اعجود املوحه طگــــــها
* * *
طگ اعجود رمحه وهاج بيه الـــــباس عباس ونعم من گال حي عــــــباس
ماس وچسب چاس من الوغه ونوماس غانم والمغانم عــــزمه طوگــــــــها
* * *
فاعي ولو نفر منه امحرب ميــــــــفوت واللي فات لتظن ما يلوحه المـــوت
ملچ الموت رافگ مرهف المنعــــــــوت وأرواح الزلم برهــيفه عــــــــلگها
* * *
عكوبس وبرهيـــفه اتعــــــــلگت أرواح گدر روح كل مجبل وروح الــــراح
صياح ويخرس حــــــــومته لــــو صاح حگها لو تظل املجلــجه حگــــــــها
* * *
من صاح أبو جهه لسانــها اتلجــــــــلج صول على الجيمه وغــــدت تتموج
صاح الله أكـبر والحــــــــرب يرتــــــــج صيحه ابصيحة الكرار واشـــــــگها
* * *
أعله بـــــــــــن ود كبًّر الكرار بالخندگ لا چن شوف حامي امخدرات الحگ
بسبعين ألف عــــــــمر بكربـله امطوگ وايذچِّر أعداء ابـــــيوم خنــــــــدگها
* * *
حي عباس لاح بصهـــــــوة الأدهــــــــم غضب وأعــله الملاحم أرعد ودمدم
خله الغاضريه تموج مــــــــن الــــــــدم خنياب وطفح والمـــوج غــــــــرّگها
* * *
هذا اليوم جيثوم الحــــــــرب يومــــــــه طوّجها وفنه وشــلع الملــــــــزومه
خلاها شــتت واختــــــــلّت الحومــــــــه شراذيب انفرت والمــــوت لا حگها
* * *
عالصوّال صــــــــال وعــــاف كل شارد حيث الموت لنّه حصــــــــة المــارد
زم بيده المــزاده وللنهــــــــر رايــــــــد وحافر مهره للجيمان يسحگــــــــها
* * *
عگب ما ملك مـــاي المشرعه الصنديد مله الراوية وسدّر للخـيام يريــــــــد
لن تتنطره الگوم ابهــــــــنادي ومـــــيد وأبحد الشريعة اتحــوم سبّگــــــــها
* * *
كل همه يــــرد بالمــــــــاي لخــــــــيامه واشباح المنايه اتلــــــــوح جــدّامه
چالهزبر رعــــــــد وابچــــفه صمصامه وصيحاته رعيد الموت رافگـــــــها

* * *

بالذابل غزاها وذبل عــــــود الحــــــــيل فناها وذل عجيدتها ونشبها الـــويل
ليل أصبح ضحاها من عـــــــجاج الخيل وبليل الچتام انحـــجب درنگــــــــها
* * *
انحدر شبه العگاب اللي يشــــگ الريح طوح بالنفوس أعـله الحتف تطويح
غضب وايرجّف المسكون مـــن ايصيح ورگاب الاعــــادي دمــــــــوم دفّكها

[نبراس الولاية]

قصيدة الاربعين للسيدهاشم الستري البحراني

قم جدد الحزن في العشرين من صفر
ففيه ردت رؤوس الآل للحفر

آل النبي التي حلت دماؤهم
في دين قوم جميع الكفر منه بري

يا مؤمنون احزنوا فالنار شاعلة
ترمى على عـروة الإيمان بالشرر

ضجوا لسفرتهم وابكوا لرجعتهم
لا طبتِ من رجعةٍ كانت ومن سفر

تذكروا مبتدأ أيــام رجعتهم
وأعقبوا سوء ما لاقوا بذا الخبر

فسلهم هل رجعتم للجسوم وقد
تركتموها مزار الذئب والنسر

وسلهم عن رؤوس الآل هـل نشفت
دماؤها أم لها التقطير كالمطر

وسل أراس حـسـيـنٌ غاب رونقه
أم نوره مخجلٌ للشمسٍ والقمر

وسل عن اللؤلؤ المنظوم في فمه
لعله بعد قرع غير منتشر

وسلهم عن جبين كان منتجعاً
من الرسول بتقبيل الرسول حري

واستحكِ عن شعرات في كريمته
فديت طلعة ذاك الشيب في الشعر

هل الطرواة في الوجه الوجيه له
أم غيرتها ليالي السود بالغير

وقد رووا أنه لما يزيد قضى
مآرباً من بني المختار بالضرر

دعا يزيد علي أبن الحسين إلى
مقامه في علوٍ أي مفتخر

وقال معتذراً يا أبن الحسين لقد
كان الذي كان أمراً صار في القدر

أبوك قاومني في الملك مفتخراً
يقول أني بتقديمٍ عليك حري

وكان يعلم أني لا أطيع له
لا أترك الملك لو خلدت في سقر

والآن إذ كان ما قد كان وازدهرت
لآل سفيان دور الفتح والظفر

أن كنت تهوى ديار الشام تسكنها
فانزل بها مستقراً غير محتقر

وأن أردت رجوعاً للمدينة سـر
مؤيداً سالماً من بعد مزدجر

وخذ المال ما تختاره ديةً
عن الحسين وعن أخوانك الغرر

فعند ذاك بكى السجاد منتحباً
وقال لازلتُ في ذل وفي ضرر

لقد قتلت أبي ظلماً على ظمأً
وأخوتي وبني عمي ومفتخري

والآن تطعمني في الحال من دمهم
فيالك الويل لا بوركت من بشر

لقد صنعت بنا ما شئت من نكدٍ
فاعطنا رخصة من هذه الحجر

لعل أمضي بأهلي والحريم إلى
ديار طيبة نقضي العمر بالكدر

ومطلبي منك أن مر لي برأس أبي
ورؤؤس قومي أهديها إلى الحفر

ومر بأن يسلكوا بي في الطريق على
سمت الطفوف لأقضي بالبكا وطري

فقال إنا وهبالك الرؤوس فسر
بها لما شئت أن تدفن وأن تذر

هناك نادى بنعمان وقال له
أنت الأمير على تسييرهم فسر

واستخرج السيد السجاد نسوته
من بلدة الشام بالإكرام والسرر

ورأس والده كانت بضاعته
من شامهم ورؤوس العزوة الغــرر

لهفي على النسوة الحزنا محملةً
على النياق تشيع النعي في السفر

يا واردي كربلا من بعد رحلتهم
عنها إلى بقع التهتيك والشهر

يا زائري بقعة أطفالهم ذبحت
فيها خذوا تربها كحلاً إلى البصر

والهفتا لبنات الطهر حين رنت
إلى مصارع قتلاهن والحفر

رمين بالنفس من فوق النياق على
تلك القبور بصوت هائل ذعر

فتلك تدعوا حسيناً وهي لأطمةً
منها الخدود ودمع العين كالمطر

وتلك تصرخ واجداه وأبتاه
وتلك تصرخ وايتماه في الصغر

فلو تروا أم كلثوم مناشدةً
ولهىً وتلثم ترب الطف كالعطر

يا دفني الراس عند الجثة احتفظوا
بالله لا تنثروا ترباً على قمر

لا تدفنوا الرأس إلا عند مرقده
فأنه روضة الفردوس والزهر

لا تغسلوا الدم من اطراف لحيته
خلوا عليها خضاب الشيب والكبر

لا تخرجوا أسهماً في جسمه نشبت
خوفاً يفور دمٌ يطفو على البشر

رشوا على قبره ماءً فصاحبه
معطش بللوا أحشاه بالقطر

لا تدفنوا الطفل إلا عند والده
.فانه لا يطيق اليتم في الصغر

لا تدفنوا عنهم العباس مبتعداً
فالرأس عن جسمه حتى اليدين بري

لا تحسبوا كربلا قفراء موحشةً
أضحت تفوق رياض الخلد بالزهر

يا راجعين السبايا قاصدين إلى
ارض المينة ذاك المربع الخضر

خذوا لكم من دم الأحباب تحفتكم
.وخاطبوا الجد هذي تحفة السفر

يا أم كلثوم قدي الجيب صارخةً
على أخيك وفوق المرقد أعتفري

قولوا لعابده ان لا يفارقه
فكربلا منزل الأحزان والضجر

يا كربلا أي جسم في ثراك ثوى
لو تعلمين لنلت العرش في القدر

لآلئ كعبة الهادي لهم صدف
لديك ما بين مكسور ومنفطر

شككتِ من نقط المرجان من دمـهم
قلائداً نورها يعلو على الدرر

ضممتِ أشباح أنوار فواعجباً
عن ساحة الأرض فوق العرش لم تصر

وطتكِ أقدامهم فأرتاح من شرف
ثراك يعطي حياة الجن والبشر

زاروكِ يوماً فأمسى زائروك لهم
شأن تفوق من حاج ومعتمر

يا مؤمنون أكثروا للحزن وانتحبوا
عليهم مدة الآصال والسحر

حطوا عزاه وقولوا رأس سيدنا
قد رد في العشرين من صفر

وابكوه يرنو شطوط الماء ومهجته
في حرة لم يطقها طاقة البشر

وابكوه يلثم أطفالاً ويرشفها
مودعاً ودموع العين كالمطر

وابكوه إذ صار مأوى النبل جثتــه
وصدره مركز الخطية السمر

وابكوه أذبل وجه الأرض من دمه
وخرَّ عن متن برج السرج كالقمر

وابكوه والشمر جاثٍ فوق منكبه
يخز رأساً سما عن كل مفتخر

قد مكن السيف في نحرٍ يهبرهُ
والسبط يفحص رجلاً حال محتضر

يصيح في شمر أواه واعطشا
هل شربة التقيها آخر العمر

وابكوه والذابل الخطى محتملاً
رأس الجلال ورأس المجد والخطر

وافدوا نتيجة واطي العرش تحطمه
الجياد لم يبق عضو غير منكسر

لا يفجع الدهر إلا من يحس به
ملجاً مرجى لدفع الضيم والضرر

كل الثمار على الأشجار باقيةً
وليس يقطع إلا طيب الثمر

كل الكواكب في الأفلاك آمنةً
والكسف والخسف حظ الشمس والقمر

يا عترة المصطفى المختار يا عددي
ومن بدولتهم عزي ومفتخري

أنتم أولوا الفضل إذ جئتم على قدرٍ
كما أتى ربه موسى على قدر

يا سادتي أرتجيكم دائماً لأبي
والأم والأهل أمناً من لظى سقر

[نبراس الولاية]

بذو لفقارك ياعلي للرادود الملاباسم الكربلائي

بذو لفقارك ياعلي :: تحمي جارك ياعلي
شيعة حسين الغريب بكربلا :: بساحة الموت اصبحوا انصار اله
ضحوا الاعمار ياعقد الولى :: وهذي من شيعتك اول قافلة
بانتظارك ياعلي :: تحمي جارك ياعلي
بذولفقارك ياعلي :: تحمي جارك ياعلي
هذي اول صفوة ضحوا بالطفوف :: منها وتفتحت ابواب الحتوف
ريت حاضر ياعلي بعينك تشوف :: جسومهم صارت مساجد للسيوف
وبجوارك ياعلي :: تحمي جارك ياعلي
بذولفقارك ياعلي :: تحمي جارك ياعلي
من بعد انصار ابو اليمة الغريب :: علي الاكبر طاح مذبوح وسليب
وجاسم بدم النحر چفه خضيب :: وگمر هاشم عالنهر جسمه تريب
وبذيمارك ياعلي :: تحمي جارك ياعلي
بذولفقارك ياعلي :: تحمي جارك ياعلي
وظل ابو السجاد وحده بلا حماة :: انگطع راسه وانرفع فوق القناة
وشيعته توارثت منه هالصفات :: روسنا تگطعت بسيوف الطغاة
وبمزارك ياعلي :: تحمي جارك ياعلي
بذولفقارك ياعلي :: تحمي جارك ياعلي
عشنا فترة ظلم ماالها نظير :: بين مجرم بين مجرم ارهابي واجير
شلون زمرة لا ديانة ولا ضمير :: واللي يذبح عشرة يتسمى امير
بكل مسارك ياعلي :: تحمي جارك ياعلي
بذولفقارك ياعلي :: تحمي جارك ياعلي
ياعلي دينك الاسلام السمح :: ودينهم تفجير وارهاب وذبح
هالمثل معروف النا ومتضح :: نطفة المشبوهة لاتظن تنصلح
وبوقارك ياعلي :: تحمي جارك ياعلي
بذولفقارك ياعلي :: تحمي جارك ياعلي
انته دينك ياعلي دين الثواب :: ودينهم دين السلب والاغتصاب
بشر ظاهرهم وبالباطن ذئاب :: بفتوة التكفير حرفوا بالكتاب
وبشعارك ياعلي :: تحمي جارك ياعلي
بذولفقارك ياعلي :: تحمي جارك ياعلي
فاجعة جسر الائمة وهالجسر :: يشهد عليهم باعمال الغدر
بعد ماالنا عذر بيه نعتذر :: ياعلي بزودك عليهم ننتصر
بانتصارك ياعلي :: تحمي جارك ياعلي
بذولفقارك ياعلي :: تحمي جارك ياعلي
بيك نتمسك يبن عم الرسول :: ولا بد لهذا الوضع نوجد حلول
هانت ولا بد تفض والكل تگول :: ياعراق الخير خل صبرك يطول
باختيارك ياعلي :: تحمي جارك ياعلي
بذولفقارك ياعلي :: تحمي جارك ياعلي

[نبراس الولاية]

قاموس التضحية للرادود قحطان البديري

من والدك راعي الهمم هاي الشجاعة
وبكربلا سيفك رسم هاي الشجاعة
تزهي على مر الدهر رايتنا بيده
عباس ابن فارس مضر رايتنا بيده
من والدك راعي الهمم هاي الشجاعة

****

وحدك جسدت بالطف أجمل معنى للإيثار
من خطيت اله قاموس تزهي حروفه نور ونار
وأنت المثلت حيدر من طر سيفك الكفار
اسمك ع النهر منقوش من دم منحر الأشرار
مو عجبه من اتعرفك هاي الشجاعة
و بالطف تثبت موقفك هاي الشجاعة
صفين تشهد للقمر رايتنا بيده
عباس ابن فارس مضر رايتنا بيده
من والدك راعي الهمم هاي الشجاعة
****
تعنيت وأوصلت للماي وحاكيته برجى وبهداي
تقله لا تظن تقدر وتمنعني لوصول أعداي
مليت الكف رغم عنك وأحرمك أنا من اشفاي
لان أطفالي محرومة وتنادي عمنا وين الماي
مالك الماي وممتنع هاي الشجاعة
وتقله أنت المنفجع هاي الشجاعة
تبقى سند تبقى فخر رايتنا بيده
عباس ابن فارس مضر رايتنا بيده
من والدك راعي الهمم هاي الشجاعة
****
هالموقف يا بو فاضل ابد ما يزول عن البال
يظل ثابت مع الأزمان ينطي دروس للأجيال
و أنت لكول شهم تبقى راية ومحور الإبطال
هام أمك رفعته بزود يا نعم الفعل وأقوال
حافظ على نهج السور هاي الشجاعة
راعي الملاحم والعبر هاي الشجاعة
وباسمك نقر النظر رايتنا بيده
عباس ابن فارس مضر رايتنا بيده
من والدك راعي الهمم هاي الشجاعة

[نبراس الولاية]

شلون أصبر على الآه

شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

تعنّى يم علي السجاد .. أبو حمزة الثمالي اليوم
يـﮕله سيدي الوادم .. بِدَت تحـﭽـي و عليك تلوم
شكثر تنحب يبو الباقر .. يـﮕولون النحب مذموم
يريدونك تكف دمعك .. تعيش بلا كدر و هموم

و عن دمعتك يـﮕلون .. لمن تسحها
هالدمعة للأموات .. تلـﭽم جرحها

خايف تصير .. جرح الحبيب
لتظن يطيب .. جرح الحبيب .. و اترك نحيبي

***********

شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يجاوب حُجة الباري .. و يصب دمع المحاجر دم
يـﮕله يا أبو حمزة .. الوادم حـﮕها ما تعلم
أنا القابض على الجمرة .. و يظللني سحاب الهم
أطَشر بالصبر حزني .. و ردود الحزن يلتم

و الوَجرت بحشاي .. نار المصيبة
شحال اليصد و يشوف .. مصرع حبيبه

يسعر لهيب .. جرح الحبيب
لتظن يطيب .. جرح الحبيب .. و اترك نحيبي

***********

شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يبو الحمزة البعض يفـﮕد .. عزيزه يظل عليه بنوح
و يظل طول الوكت ينحب .. و لا يملك زمام الروح
و هذا آنة الشِفت أهلي .. ضحايا بين ايدية تروح
بين الـﮕطعوا ﭼفوفه .. و بين اللي وﮔـع مذبوح

حـﮕـه اليريد يلوم .. و يبدي الملامة
ماحاضر و لا شاف .. جثة إمامه

دامي و عجيب .. جرح الحبيب
لتظن يطيب .. جرح الحبيب .. و اترك نحيبي

***********

شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يلوموني يبو حمزة .. و لا علينفجع معتب
فَرِد يوسف فـﮕد يعـﮕوب .. و ظل طول العمر ينحب
و أنا شـﭽم يوسف ﮔـبالي .. أشوفه على الثرى امترَب
رجع يوسف و أنا الما عاد .. حبيبي و بالدما تخضب

يوسف عَدِل ماطاح .. جسمه و تعفر
و ﮔـبالي جسم حسين .. طاح و توذر

خلف نحيب .. جرح الحبيب
لتظن يطيب .. جرح الحبيب .. و اترك نحيبي

***********

شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يبو حمزة العتب مذموم .. على اللي فـﮕد ضي عيناه
يلوموني البعض حـﮕهم .. محد شايف الشفناه
ماشافوا طفل ضامي .. عوض ما تطفى نار حشاه
تصيبه بمنحره النبلة .. و يتروى بنجيع دماه

و لا شاهدوا عريس .. و موذرينه
و تتحنى من دماه .. راحة يمينه

بالدم خضيب .. جرح الحبيب
لتظن يطيب .. جرح الحبيب .. و اترك نحيبي

***********

شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يبو حمزة الزلم تطلع .. تقاتل تعرض المنحر
لـﭽن شنهو الجعل هالـﮕوم .. تشن غارتها عالخِدَر
عـﮕب ذبح الزِلِم بالطف .. علينا صالت العسكر
الأرامل و اليتامى بخوف .. هَجَت و الخيم تسعر

مرفوعة ليش الروس .. فوﮒ العواسل
ليش بيسر للشام .. تمشي الأرامل

و اللي يجيب .. جرح الحبيب
لتظن يطيب .. جرح الحبيب .. و اترك نحيبي

[نبراس الولاية]

ما قرأت هذه القصيدةعلى أحد إلا زاد عشقه للأمير(ع)


قبل أن تبرأ روحي تيم الروح علي
قبل أن يبدئ خلقي همت عشقاً بعلي
قبل أن تبدى سنيني بعت عمري لعلي
وبسوح الدر لمـا بايـــع الدر علي
طفت بين الخلق أدعو أنا مولى لعلي
وسمعت الكون يشدو خذ عهودي ياعلي
كل ذرات وجودي سـوف تبلى يا علي
ثم شاء الله خلــقي من سـنا نور علي
ومع الصلصال والما خــامـر الجسم علي
ذاب في أمشاج لحمي حــب مولاي علي
في مساريب عروقي سال عشقي يا علي
في كريـات دمائي خُط حبـي يا علي
رئتـي ما مر فيها نفــس دون علي
كل اعضائي صارت طـوع أمر لعلي
كلما دق فؤادي قــال نبضي يا علي
كلما رفت لهاتـي قـال ثغري يا علي
كلما سالت دواتـي كـتب الحبر علي
كلماأظلم دربي صـــاح دربي ياعلي
كلما كلما اغفت ورودي ضج روضي يا علي
وبأرحام الزواكي كنت أشدو يا علي
لبن الأثداء فيه كم جرى حب علي
حجر أمي ومهادي فيهما دفؤ علي
كلما أرعت تنادي يا امامي يا علي
علمتني يا صغيري لا تدع حب علي
فذكاء حين غابت ردها عشق علي
صدرها الكعبة شقت واشارت يا علي
ها هنا قلبي فخذه لك عبداً يا علي
يا صغيري ليس يدرى سر مولاك علي
إن طه -وهو طه-كان يدعو ياعلي
يا محبيه تنادوا يا علي... يا علي
***********
حبك الاسير عندي كيف أشقى ياعلي
ليس حبي فيك بدعا هو دين ياعلي
لك كنه لا يضاهى أويدانى ياعلي
فلكم جلاك طه للبرايا ياعلي
صوته للحشر يسري انت مني ياعلي
وأنا منك ومنا كان ديني ياعلي
كل ما أعطيت يبقى لك إرثاً ياعلي
فأنا المنذر والهادي على إثري علي
وأنا قلعة علم بابها العالي علي
ليس لي في الناس خل أو أخ الا علي
أنت مني مثل هارون لموسى ياعلي
أنت صهري وحبيبي ووصيي ياعلي
أنت من يوفي ديوني وعداتي ياعلي
أنت في الشدات درعي وحسامي ياعلي
أنت في الدارين من يعلي لوائي ياعلي
أنت للنار وللخلد قسيم ياعلي
وعلى الحوض ستسقي عاشقينا ياعلي
عندها الكل سيدري من يكن مني علي
في مدى الحشر سأدعو أنت نفسي ياعلي
وبإثري الخلق تدعو ياعلي...ياعلي
*********
بين محرابيك مد للعطايا يا علي
هذه الكعبة طافت ثم صلت ياعلي
سجدت لله شكراً فسجدنا ياعلي
نحن نأتي البيت لكن قبلة البيت علي
قبلة تقصد أخرى والبرايا ياعلي
هبل قد صاح فيها يمموا شطر علي
واخشعوا كالغار صلى بين طه وعلي
واسمعوا جبريل نادى أنت وردي ياعلي
إن تولى الناس شتى أنت حسبي ياعلي
أنت قرآن صلاتي في نزولي ياعلي
وبيوم الدار صوتي ومجيبي ياعلي
سادس تحت كساكم كنت وحدي باعلي
حينما لامست جنحي طار قلبي ياعلي
قبل أن اخلق أدري كنت نوراًياعلي
قبل أن باهلت أدري انت طه ياعلي
سيدي، الخاتم لبى في يميني ياعلي
ركع الجود ونادى ركع المولى علي
وبك الرحمن باهى قائلاً هذا علي
بعت رضواني بعمر واشترى مني علي
فإذا الأملاك حيرى من عطاك ياعلي
كلما جاءتك عوناً ونصيراً ياعلي
تكفها الأرواح نزعاً وهي تحصي ياعلي
كل عزريل ولكن ما ونت يمنى علي
لم تدع للعرب سيفاً أو كميا ياعلي
أعجيب أن أنادي لا فتى إلا علي
*********
يا بحور المدح سيلي إن في المرفا علي
يا شفاه الحرف بوحي ان من يملي علي
جاء سلماناً علي كلم الأفعى علي
كيف تبديك القوافي وهي نشوى ياعلي
لا تقاس الشمس وصفاً شل وصفي ياعلي
فلو البحر مداد لم يسع باء علي
إن تشأ لله ذكراً قل حبيبي ياعلي
أو تشأ للخلد وسماً قل أنا مولىً لعلي
أو تشأ للذنب محواً صح إمامي ياعلي
وإذا اشتدت هموم قل أغثني ياعلي
في احتضاري وبقبري سوف أدعو ياعلي
وبحشري وبنشري سألبي ياعلي
وإذا الأملاك جاءت قلت مولاي علي
كيف أخشى من نكير وهو يدري من علي
كيف أخشى من صراط يا صراطي ياعلي
أين ميزاني وغيري أثقل الوزن علي
راجح ميزان عبد قلبه يهوى علي
كيف أظمى خبروني وعلى الحوض علي
ياحباة النار عودوا أنا ماضٍ لعلي
سجروا النار لغيري أنا من حزب علي
لن تذوق النار لحمي أحرق الذنب علي
لو كشفتم عن ضلوعي لرأيتم ياعلي
نحتت في القلب كي لا يبتغي إلا علي
فاسألوا ربي وطه فلقد خطّا علي
في فؤادي فتغنى ياعلي...ياعلي

ياعلي لا عذب الله فؤادا أنت فيه
ياعلي حاشا غدا ان تدنو النار إليه
ثبت الله فؤادي في هواك ياعلي
نعمة انت من الله علينا ياعلي
انا إن طوقني الهم سأدعو ياعلي
حين تشتد خطوبي سأنادي ياعلي

سلام الله عليك يا أمير المؤمنين

[نبراس الولاية]

يا شيعتي للرادود الملاباسم الكربلائي

ياشيعتي رغم عداي وگت العطش ذكروني - كلما تشربون الماي وگت العطش ذكروني

ياشيعتي وگت الشرب ذكروني دلالي ظامي - عدواني من ماي العذب حرموني حرمو ايتامي
أنا الذبيح ابلا ذنب سلبوني والجسم دامي -دمع الحزن والأشجان يا شيعه لا تنسوني
أنا الغريب العطشان وگت العطش ذكروني

يا شيعتي نار العطش بين احشاي تلهب وتسري - گلبي انخمش فكري اندهش من دنياي وليدري يدري
فوگ الترب خدي انفرش خيل اعداي هشمت صدري - يا شيعتي ابجرد الخيل عگب الچتل سحگوني
جمر العطش هد الحيل وگت العطش ذكروني

شيعتي ولو يوم انفگد منكم شاب عنكم تأخر - ذكروني من شفت الولد جسمه انصاب و بالدم تعفر
غابت الروح من الجسد لمن غاب عن عيني الاكبر - لفراگ الاكبر ما لوم ونخمد نور عيوني
انا الوحيد المظلوم وگت العطش ذكروني

اليفگد عضيدة وبي غدر هضم البين جور الفجيعه - خل يذكر امصاب الگمر والچفين ظلت گطيعه

بين العدا وسهم الغدر صاب العين يم الشريعه - حيلي انهدم عالعباس خابت عليه اظنوني
بفيض المدامع يا ناس وگت العطش ذكروني

لو شفتو عريس انفجع والاحزان زيدت همه - ذكروه ابجاسم من وگع عالتربان والحنه دمه
تالي العرس نحره انگطع والعدوان وذرة جسمه - ابدال العرس دمه يسيح ومصابه غير لوني
چني سمعت صوته يصيح وگت العطش ذكروني

شيعتي ولو منكم طفل گلبه يذوب وينگطع نحره - يذكر رضيعي المنقتل ابلايه ذنوب وبگلبه جمره
عبد الله نحره منفصل وعلى المصيوب نسچب العبرة - ابعيني شفت طفلي انصاب ياشيعه لا تلوموني
چبدي إنفجع گلبي ذاب وگت العطش ذكروني

لو شفتو عيله محيره والايام جارة عليها - اتذكرو عيالي اميسره بدرب الشام وغدرو بيها

والحرم مدمعها جره على الايتام وميسريها - وتنادي زينب بدموع منهو اليشد ظعوني
جاوبها راسي المگطوع وگت العطش ذكروني