درر العراق

نبراس الولاية · 22/October/2011

أفلح من طبر للرادود الملاباسم الكربلائي

واللهِ أفلح من طبر

أنت القرآنُ ومعناه - وعلى جُرحِكَ صلى الله
وتعالى جِبريلُ نِداه - اللهُ أكبر

عُشاقُك نحنُ أتيناك - لتَصُبَ دِمانا بدِماك
قَلبٌ ولِسانٌ لباك - وهتفنا حيدر

خُدامُكَ قُلنا لبَيك - نحنُ عَبيدُكَ بينَ يديك
نحنُ عيال الله عليكَ - في الفزعِ الأكبر

جَئناكَ نُواسي المختار - وقَسيمَ الجنةِ والنار
ونُواسي الطالبَ بالثار - ونُواسي شُبر

جئناكَ نُواسي الزهراء - لترانا مشروع فِداء
بِدُموعٍ حرا ودِماء - تجري للمحشر

حُبُك يجري في الشِريان - في كُلِ زمانٍ ومكان
جُرحُك صوتٌ والقُرآن - صار لهُ منبر

أجيالٌ تأتي وتروح - وصروحٌ تهوي وصروح
وضريحكُ يا مأوى الروح - صرحٌ لن يُقهر

يا شِبل النافِخِ في الصور - يا بيتَ اللهِ المعمور
حولكَ خلقُ اللهِ تدور - ويدورُ الكوثر

نبراس الولاية · 22/October/2011

السلطان الجريح للرادود الملاباسم الكربلائي

أبا الحسن يا علي أبن موسى الرضا أبا الحسن يا علي أبن موسى الرضا

بمحراب جرحك صلى فمي تبارك جرحك من ملهمي
لأشرب منه رحيق الولاء و أروي غليل الزمان الضمي
فأنت أبن موسى وأنت الرضا كريم حوى المجد من أكرم
وإنك سور بناه الإله به شرعة المصطفى تحتمي

لسلطان مجدك ذل الزمان وذلت له هامة الأنجمي
بصبرك زلزلت عرش الضلال وجرعته غصة العلقمي
كما راح قبل بوادي الطفوف حسين يزلزله بدمي
و أسمك بلسم جرح القلوب تبارك أسمك من بسلم

تألق فأنت نشيد السماء على بابك المنتهى ترتمي
و أنت المنار و أي الشموس لقرآن وجهك لا تنتمي
فيا كوكب العقل إن مادجى تلألأت في أفقه المظلم
و يا عروة الله ماخاب من تمسك في نهجك الأقوم

يظل ضريحك مؤى الطريد إذا فر من دهره الأشئم
تشد البرايه إليه الرحال من مستجير و مسترحم
ويهفو له البيت والمروتان وتسعى له مقلتى زمزم
ويا قبة تزدهي كل يوم بها جبهة الكوكب الأعظم

أبا الحسن يا علي أبن موسى الرضا أبا الحسن يا علي أبن موسى الرضا

نبراس الولاية · 22/October/2011

كلهم أولادي للرادود الملاباسم الكربلائي

هالنوح يا زهرة على من هو تنوحين – نوحچ على المسموم لو نوحچ على حسين

حنّت ونادت والدمع عالخد بادي
إن تسألوني يا خلق كلهم اولادي
لچن مصاب حسين ظل ماضي بفادي
كل العزا والنوح والصيحة على حسين

أبچي على أولادي فِنوا بالسيف والسم
وأبچي على أبوهم قتيلٍ لإبن ملجم
وإنجان بالله تسألوني يا هو الأعظم
كل المصايب هونتها مصيبة حسين

دهري رماني بالرزايا بكل غالي
شتت أولادي عن يميني وعن شمالي
ما شوف ساعة فارغ من النوح بالي
و أعظم لو نعى الناعي على حسين

أبچي على أولادي ذبايح يوم عاشور
وآنا نِصَبت العزا ليهم وسط القبور
ونسيت ضلعي إلي بصير لباب مكسور
كل العزا والنوح والصيحة على حسين

مصابي نحلني وهيج أحزاني عليّه
ورّث عليّه مصاب يوم الغاضريه
راسه مشوا به وجثته ظلت رميّه
ظلت ثلاثة بالعرى من غير تچفين

لا تحسبوني للرضا في طوس ما جيت
و لا إلى بغداد ما رحت وتعنيت
كلهم عليهم نوَحِت والجيب شگيت
و أعظم عليّه لو ذكرت مصيبة حسين

نبراس الولاية · 22/October/2011

سواد الليل للرادود الملاباسم الكربلائي

حرم عندي - وحگ جدي
سواد الليل إمهلوني

طلع من خيمته المظلوم طلع للحومة ينظرها - مثل موج البحر هاجت جحافلها و عساكرها
وادم لا شرف لا دين باعت كل ضمايرها - طلع رايد أمر توديع من عدها ويذكرها
وگف غاضب - بده يخاطب
يمن للبيعة جبتوني

وگف بين الجمع يخطب إجت إلمن جحافلكم - يا شيعة بني سفيان أريد أحچي و أسايلكم
انتوا إلي بعثتوني طلبتوني برسايلكم - شنهو إلغير الأوضاع شنهو إلجرى شبدلكم
الكتب تشهد - صفت مسند
تگول إنتوا طلبتوني

نادى يا إبن ربعي ويا حجار إبن أبجور - يا قيس إبن الأشعث هاي رسايلكم و هاك أنظر
كتبتوا نبايعك يا حسين و أطلب يا أمر تأمر - و لو ما تحضر بهالحال من بعدك يمسنه الضر
العهد وينه - و مضامينه
خصم تالي جعلتوني

يا شيعة بني سفيان ليش مجردة الأشفار - جدي المصطفى و أمي الزهرة والدي الكرار
ما أريد بسبب دمي تدخلون لسعير النار - إذا ما چان عدكم دين عيشوا بالدهر أحرار
إجيت أعزل - و أريد أسأل
طلب عدكم تطلبوني

ﮔـالوا نعلم بجدك الهادي و فاطمة أمك - لچ بغضاً لبوك نريد نسفك بالحرب دمك
و نخيرك بين ثنين لو تخضع لإبن عمك - لو تنزل لميدانك وتعرض للحتف جسمك
شجاوبكم - شعاتبكم
عرفتوني و خذلتوني

إدفعوا نقمة الديان و إجتنبوا ذنب چتلي - إنطوني من الأرض مأمن أروح بضعني و بأهلي
لو أرجع لأرض يثرب وعنكم ينتقل رحلي - هالسبعين ألف ما أريد تدخل سقر من اجلي
خذلتوني - إتركوني
أعود لطيبة بضعوني

إذا ما حصلت الرخصة منكم يا بني سفيان - إمهلوني سواد الليل أودع الأهل و الرضعان
و باچر كل كتايبكم خل تجتمع بالميدان - مطلاع الفجر فاصل بين الكفر و الإيمان
سفك دمي - لون حتمي
أودع العيلة خلوني

نبراس الولاية · 22/October/2011

هضموني هضموني للرادود الملا باسم الكربلائي

هضموني هضموني .. يا بويه هضموني
سكنه العزيزه و سلوتك .. يا بويه هضموني

يابويه شحـﭽـي لك اشصار بحالي .. من ودعتني بويه
لا محنه و اثنين و تمر ببالي .. يالدللتني بويه
حال اليتيمة الضلت بلا والي .. ياليتمتني بويه

يتموني يتموني .. من زغري يتموني
ليش انحرم من شوفتك .. يا بويه هضموني

هضموني هضموني .. يا بويه هضموني
سكنه العزيزه و سلوتك .. يا بويه هضموني

لمن رجع خيل المهر صديته .. بالدماء مخضب بويه
بويه و مثل طير الـﮕطا اتلـﮕيته .. الطم و انحب بويه
خبرني طاحن يا كتر ناديته .. ﭽـبد المصوب بويه

صابوني صابوني .. بالـﭽـبد صابوني
يوم اللي صابو ﭽـبدتك .. يا بويه هضموني

هضموني هضموني .. يا بويه هضموني
سكنه العزيزه و سلوتك .. يا بويه هضموني

آنا ادري ما تـﮕدر يابن حامي الجار .. تسمع عتابي بويه
ريتك ﭽـنت و تعاين بحالي شصار .. يكلف مصابي بويه
من شبت بوسط الخيم بويه النار .. حرﮔـت ثيابي بويه

ضربوني ضربوني .. يا بويه ضربوني
لو عاعتنيت بجثتك .. يا بويه هضموني

هضموني هضموني .. يا بويه هضموني
سكنه العزيزه و سلوتك .. يا بويه هضموني

يا والدي و ﭽـم لوعة لك هدم الحيل .. مرت عليه بويه
خوف و مصيبة و هضم يا بويه و لين .. بالغاضريه بويه
جينا احمل سياط العدا و بين الخيل .. و اسـﮕف بيديه بويه

بنتوني بنتوني .. و الأثر بنتوني
ريتك تعاين طفلتك .. يا بويه هضموني

هضموني هضموني .. يا بويه هضموني
سكنه العزيزه و سلوتك .. يا بويه هضموني

اصعب مصيبة الهيجت آلامي .. و الـﮕلب مفجوع بويه
راسك ياخيمة عزتي جدامي .. عالرمح مرفوع بويه
ﮔـبل لعيوني انتحب ﮔـلبي الدامي .. دم يبـﭽـي و دموع بويه

ذبحوني ذبحوني .. ﭽـم ذبحه ذبحوني
ناس اللي حزو رﮔـبتك .. يا بويه هضموني

هضموني هضموني .. يا بويه هضموني
سكنه العزيزه و سلوتك .. يا بويه هضموني

موقف اللي شيب دليلي هو الراس .. و شلون اوصفه بويه
بنت النبي و تتصدق عليه الناس .. يا ألف وسفه بويه
نحت و صحت ﭽـا وينه عني العباس .. صاحب الكلفه بويه

شتموني شتموني .. يا عمي شتموني
ما اظن تقبل غيرتك .. يا بويه هضموني

هضموني هضموني .. يا بويه هضموني
سكنه العزيزه و سلوتك .. يا بويه هضموني

مجلس يزيد الصوبك لسهامه .. خابت الضنه بويه
خذوني عند اهل الغدر خدامه .. طلبوني منه بويه
يالراسك بوسط الطشت جدامه .. ﮔـمت اصدنه بويه

بعيوني بعيوني .. من شفته بعيوني
بالعصا يضرب شفتك .. يا بويه هضموني

هضموني هضموني .. يا بويه هضموني
سكنه العزيزه و سلوتك .. يا بويه هضموني
ونسألكم الدعاء من القلب بتعجيل الفرج وبراءة الذمة

نبراس الولاية · 22/October/2011

صلى عليك للرادود الملاباسم الكربلائي

صلى عليك مليك السماء - جسم صريعٌ بالعرى مقطعُ الأعضاء
سليب حسين غريب يا حسين

مو آية وحدة بهذه نزلت آيات بيها الكتاب يصرح
شما بالسمى وبالأرض من مخلوقات بإسم الإله تسبح
معناها يشعر عالم الموجودات باليحزن وباليفرح
وبهالشعور عليك ناحت كل ذات وادي الطفوف يوضح
بكى عليك ضميُر الجماد - ثم إرتدى ثوب الحداد - يا مبكي الأطواد
عجيب حسين غريب يا حسين

أول صواب الحجر لمن صابك ذاك الجبين تهشم
هذا الحجر ظل ينحب على مصابك وأصبح جبينك مأتم
سهم المثلث سجد يم أعتابك أدى التحية وسلم
ومن صاب چبدك ظل يحن لصوابك ألمك وهو تألم
ناحت عليك رؤوسُ النبال - وبكتك صاليةُ القتال - من محجر هطال
حبيب حسين غريب يا حسين

لمن طحت وإستقبلت وجه الله بدم الجروح إلترعف
تعناك شمر الخنى وسيفه بيمناه لگطع النحر متلهف
وعالنحر من وسط السيف وخلاه سيف الشمر ظل يرجف
هالسيف ظل يبچي على نحرك ودماه وعلى الجراح إلتنزف
بكت عليك عيون السيوف - وترابُ بادية الطفوف - في خطبك المعروف
تريب حسين غريب يا حسين

عن جثتك يا حسين راسك فصلوه وجسمك صريع مترب
تراب الأرض يبچي على حالك خلوه بموجة دماك تخضب
والشمس من شافت وريدك گطعوه بالحزن ظلت تلهب
راسك براس الرمح لمن شالوه حتى الرمح ظل ينحب
شابت عليك رؤوس الرماح - وبكتك بارقة الصفاح - يا من إلى الأرواح
حبيب حسين غريب يا حسين

والدك يوم الحشر هو الميزان وبچفه حوض الكوثر
شلون إنته إبنه تموت بالطف عطشان چبدك ذبل وتفطر
نهر الفرات اليوم منك خجلان ومن چبدتك يتعذر
خلوك يمه بلا غسل لا أچفان مغسل بدم المنحر
ناحت عليك ضفاف الفرات - دمعٌ وموج جاريات - وأنت بالفلوات
خضيب حسين غريب يا حسين

نبراس الولاية · 26/October/2011

أولادرملة للرادود نزار القطري