هنا

[نبراس الولاية]

الا خذني للرادود الملا باسم الكربلائي
اصدرا سراب

الا خذني من الحزنِ حميم سال من جفني

انوح لكربه الحسن كنوحك يا ابا الحسن
حلفت ببحرك المسجور في روحي وفي بدني
انينك ايها المثكول اضمناني واوقدني
فقربني الى جدثي ومن دنياي باعدني

فمن سقمي ومن همي رماني ملهبا سمي

ظلمت فايما سقم به الايام تلتهبُ !!
اصاب بنيك اي اذى عليك وحورب النسبُ !!
فهم بالسجن والتشريد او بالسيف قد طلبوا
وما ذنب الكرام سوى بانك للكرام ابو ؟؟

ولا انبي عن الغيب بل الاثار والكتب

ابا الحسنين ان يداً براسك ادمت السورَ
فذلك سم صارمها لاحشاء الزكي سرى
كان نقيع سم اب لمقتل ابنه ادخرَ
فواه حزناه من قدر بال الذاريات جرى !!

به كربِ سقى ندبي فعاش الحزن في قلبي

[نبراس الولاية]

أهواك للرادود الملا باسم الكربلائي

والله من حقي بذكراك اصرخ اهواك اهواك
دهري كلما جار انخاك يالحسن واشعر بحماك
تعبر حدود الايام
تشفي روحي من الالام

عيني قبل لساني تحجي عن حبيب بلا كتمان
مو قلت سئلوني عنك بيك فضحتني الاجفان
سيدي وهالدنيا لمن سدت بوجهي البيبان
وين اروح لغير بابك من قلتها مو غلطان
وبمقالي ما اغالي لا ابالي لو انلام

عقلي بيمينك ملكته قلبي بيسارك مأسور
بالرخا وبالشدة يمك يالولائك حصن وسور
وانت يالكلك شهامة تحتمي بذرعاك صدور
وبجبينك يا امامي من الظلام يلوذ النور
انت سيرة كلها غيره للبصيرة نورك دام

شنهو يمنعني احبك والمثل خالفته الراي
كلمن بعيد على عيني عالقلب مبعد يهواي
لا وحق الماتدركه بالبصر شوفة عيناي
ما اشوفك بس احسك توقف بكل شدة وياي
ما تركتني وادركتني وملكتني وقلبي هام

هالحروف الابجدية صرت اقلبها بكل صوب
ياوصف يحمل بلاغه يصلح لوصف المحبوب
مشرق بأفق المحبة يا شمس وبليه غروب
قلبي شمع وانت تدري من الطبيعي الشمع يذوب
سر خصالك من كمالك يالحلالك هالإلهام

شلون اعبر عن محبتك بالمعاني العقل يحير
من اللغات احساسي اكبر واغرق بموج التفكير
مرة بأدوار المحبة للكلام الدور يصير
مرة لا بس بسكوتي والسكوت افضل تعبير

[نبراس الولاية]

صلاة الأصفياء للرادود الملا باسم الكربلائي

يا بضعة المختارِ يا بضعة المختار
انتي سنا الانوارِ يا بضعة المختار

إلهي جئت يحملني رجائي وقد امضيت في ولهي ندائي
بمحمومٍ من النجوى وقلبٍ معارجهُ صلاةُ الاصفياءِ
بما بين القنوتِ شذى حناني ترتلهُ الحناجرُ بالدعاءِ
باقدس ايةٍ تدعى ووجهٍ يضيءُ لنا ويزهرُ بالسماءِ
كنزٌ من الاسرار

بمهجةِ خافقٍ جبلت طفولة معنىً فيهِ فاطمة نزيلة
هي الزهراءُ وجهكَ في البرايا هي الزهراء يا ربي الوسيلة
مددتُ يدي لكَ اللهمَ ارجو ثباتَ محبةٍ بدمي اصيلة
بها بأريجها بصدى دعاها ندا الملكوتِ يرسلُ جبريلا
ترتيلةُ الاسحار

كيانُ الكونِ حيدرُ والرسولُ ومحورُ ذاكَ فاطمةُ البتولُ
وما معراجُ احمد وهو سرٌ عظيمٌ ليسَ تدركهُ العقولُ
سوى رمزٌ لفاطمةٍ مبينٍ وآياتُ القضاءِ لها تؤولُ
رضا الرحمن ما رضيت فماذا اذا لهجَ الكتابُ بها اقولُ
تسبيحةُ الاقدار

بمولدِ فاطمٍ ازدهر الوجودُ ودوى في سماءِ العرشِ النشيدُ
وبهجةُ احمدٍ وهو المسمى رسولَ الوحي ليسَ لها حدودُ
بمولدها تطوفُ به دهور وعنصرها الوجودُ بها جديدُ
هنا بالمنتهى وسما المعالي لمولد فاطمِ الزهراء عيدُ
يا حجةَ الاطهار

هي الزهراء خالقةُ الثريا واغلى الكون في حسن محيا
وان بكل حرفٍ من دعاها صلاةُ الانقطاعِ لها نبيا
وان العشقَ في النجوى مذابٌ لوصلِ الله تتلوهُ شهيا
ولما جسدت آيات حب البتول لربها كانت عليا
محبوبةَ الجبار

[نبراس الولاية]

نهر من شوق للرادود الملا باسم الكربلائي

من يجري نهر من شوق في صدري
ما ادري يالرضا بعقلي ما ادري

قلب المحب مثل الشمع من يذكر المحبوب
يعلق وسط شوق ودمع كلما يحن يذوب
من يستمع ما يستمع ما ادري عن القلوب
بس الي في قلبي انت
كلمن يحب ليمن كبر ومن الصغر حبيت
آيالرضا ورب البشر بمحبتك انصبيت
مثل الحبر فوق السطر يا أغلى وأجمل بيت
في صدري دونته
سميتك عيوني والشاهد جنوني
لو أقدر أغمض العين وأتصبر
ما أقدر من يمر طيفك ما أقدر

ساعات إذا حلمي المستوى وتراجعت الأزمان
يتسطلن بقلبي الهوى ويدعبل الوجدان
واتبع خيوط الضوا تاخذني لك ولهان
يالآمنت بسمك
ساعات اشوفك من تمر تارك بني العباس
اوقف على باب القصر وقفة ابو نواس
انشد لك ابيات الشعر محني القلب والراس
ودموعي مبتسمه
يالصرت اله شاعر وبغيره ما شاعر
لا تقلي شتقول الناس عن عقلي
مو شغلي اليرضى ما يرضى مو شغلي

اتأمل اسمك يالرضا واتدبر الاسرار
اوسع من حدود الفضا تحتك جرت الانهار
وحروفك ترد القضا وتغير الاقدار
وتبدد الضنة
الله الضرب بيك المثل يالجوهر المكنون
يا آية اخلاص العمل يا دعوة اليدعون
مهما انقطع حبل الامل بيك الامل مضمون
يا ضامن الجنة
رائع يبن موسى والروعة ملموسه
يا حبي انا الينلام مو قلبي
مو ذنبي هو يسجد لك مو ذنبي

آيالرضا بقلبي شتظن متمشكل بأشواق
مو مشكلة عاشق يحن أكثر من العشاق
لو ما صدى سنينك يرن في مسمع المشتاق
ما استخدمت أذني
لو حبك يجيب العنا راح الألم وياك
لو أنجرح مية سنة أنساني ما أنساك
أكتب لك بدمي آنه والله العظيم أهواك
ذبحني بس خذني
لو تكثر جروحي نظره ترد روحي
قربني ثلاث حروف ذوبني
يعجبني يا علي اسمك يعجبني

[نبراس الولاية]

حور واملاك للرادود الملا باسم الكربلائي

حور واملاك التنادي..يامحمد ياامين
زوج النورين فاطم واامير المؤمنين

هذي اسرار السماء العجز ت كل العقول
نزلت الحور ويا الاملاك وتنادي بالرسول
يامحمد ياللي بسمك تزدهي كل الفصول
هالبتول الطاهرة لحيدر وحيدر للبتول
هالبيان اللي تقرر من اله العالمين
ماكفو الزهراء الزكية ..غير امام المتقين

يامحمد يانبي الله ورسوله ورحمته
اعلن الكون احتفاله بالوصي وزوجته
تلاقت انوار النبوة والامامة بزفته
فاطمة الوصلة العظيمة وبيها تكمل فرحته
بضعتك شمس الهداية..حيدر النور المبين
استبشر الكون بضياهم ..ياعظيم المرسلين

مهر فاطم درع حيدر ياغرابة هالمهر
لكن حيدر كنز سعره فاق اصناف الدرر
عطفه يحوي هالسماوات وكرم جفه بحر
وقلبه جنه لليحبه وسيفه شعله من سقر
ررفت بفرحة العوالم ..مسحت الا لام السنين
تبارك الفاطم بحيدر..للوصي بأم الحسين

شهر ذي الحجة يتشرف يحوي هاي المكرمة
بحضن افراح الامير ويا الاميرة فاطمة
تنتشي بيه الولاية وتبتشر ارض وسما
ترتسم عالكون الا لاف الثغور الباسمة
فرحة ماينحت صداها ..لشهر ذو الحجة تحن
منها ذريتك ياطه..والائمة الطاهرين

بالسما معقود عرس المرتضى بدار الخلود
بيه رب العرش كاتب عقده وااملا ك الشهود
عالارض تجري المراسيم وترف عين الحسود
بس وجوه المؤمنين بحفله تتفتح ورود
حيدر الكاشف كربتك..هو مصحف كل يمين
صهرك وزوج الوديعه..ويفتخر عالاخرين

[نبراس الولاية]

مرايا للرادود الملا باسم الكربلائي

رسمك صورت بسمك كبرت
هالاعياد يالسجاد بسمك كبرت

طيفك يرسم فوق جفوني شوق المحتار يالحبيب
حسنك آية بليل ظنوني لوجهك انوار ما تغيب
على وعدي يالسجاد جاد قلبي بافراحه
قمر عشقي عالميعاد عاد يضحك مصباحه
بسمة ترتسم نغمة على النجم
هالميلاد يالسجاد بسمك كبرت

رمشك ضحكة سيف وعينك مفتوحة باب للسماء
وجهك نور ونار وقلبك للحب محراب والدعاء
يمن ترسم هالافراح راح ليلي وآهاته
تجلي دري والمصباح باح سحره وآياته
قبلة والنبض صلى هالفرض
عالميعاد يالسجاد بسمك كبرت

عيني لو حل خطوة جدمك ترسم احلام بالدموع
شمعي زفرة عاشق تنسج خيط الالام بالضلوع
صور وجهك يالاوهام هام بيها دلالي
مرايا وتعكس الاحلام لام ليلك آمالي
سرك قدرته امرك غايته
للامجاد يالسجاد بسمك كبرت

مربع عمري بفرحة نورك ينثر قداح وياسمين
سحر اشواقي وماي جفوفك يخلق ارواح من حنين
صفى قلبي للآهات هات كاسك واسقيني
بعذب قربك واللثمات مات قلبي صبري احييني
تدري انتظر جمري يستعر
لا ما هاد يالسجاد بسمك كبرت

عنك انشد صبر سنيني عمري بلياك ما اريد
شاحب عودي وذبلت روحي وتحييها وياك من جديد
بزغ فجرك بالالطاف طاف سحرك واسراره
مثل حسنك محد شاف شاف قلبي من ناره
قلبي لك عهد حبي للابد
يظل يزداد يالسجاد بسمك كبرت

[نبراس الولاية]

صورة جمالك للرادود الملا باسم الكربلائي

بين الجفن والعين صورة جمالك
محفوره عالضلعين آية جلالك
شلتك نبض بين الوريد تدريني ما غيرك اريد

يغالي وكل خيالي والشعور وياك
اضمك وعلى رسمك لهفتي بطرواك
حياتي وامنياتي فرحتي بملقاك
افكر من ادور بالنبض القاك
واكثر شوقي يكبر واتسامر بمعناك
نامت على خد الغرام شامة عشق تضوي هيام
وعلى الوجن شطين شوقي ودلالك

اسافر بالمشاعر والعشق جنحان
واجيلك معتني لك وانت بالشريان
من اسمك ثغري ضمك ضمة الولهان
احبك وعلى حبك هايم وسهران
ضامي كل غرامي حبك دوا العطشان
انت النبع وانت الوجود حبك يظل سر الخلود
مثلك اجيبه منين محد مثالك

زماني لو رماني عاندت دنياي
اقصدك وانه عبدك بس الك منواي
اطلبك وعلى دربك سيدي عناي
منك القى منَّك شيمتك وفّاي
تسرح روحي تفرح فرحة شجر بالماي
وشما يراويني الزمان يحسين الاقيك الامان
والرحمة بالكونين اول خصالك

ياشمسي ولمن امسي عيني بيك تشوف
نهاري بيه اداري قلبي الملهوف
وآمل يمك انزل واعتنيك زحوف
جروحي تبقى روحي بالحنين تطوف
وانت يالعشقته كل يوم اشوفه طيوف
بنار الهجر شمعة واذوب عن حبك ابدا ما اتوب
مشتاق الك يحسين واطلب وصالك

[نبراس الولاية]

ياطبيب للرادود جعفر القشعمي

ياطبيب اكشف على هذا الغريب
ياطبيب يمكن اذى جسمه يطيب
من يقول الطب قدر يتبنى كل حاله
ياما ناس تعالجت بالموت واماله
والي عينك تنظره لا تسأل شماله
عن عذابه وعلاته تتكلم اغلاله
هذا امه فاطمه بشنهو تقدر تخدمه
هذا امه فاطمه بشنهو تقدر تخدمه
ياطبيب بالكاظم بعينك صويب
ماتجيب شليشفي جرحه ماتجيب
ياطبيب اكشف على هذا الغريب
ياطبيب يمكن اذى جسمه يطيب
كل جرح من البشر لو حالته صعبه
شوفت اهله تبلسمه لو تمتثل قربه
ياطبيب بيا دوه تتعالج الغربه
وبالله شنهو وصفتك
للمنجرح قلبه
هذا كم طعنه حتمل
وماكو برجوعه امل
وهذا كم طعنه حتمل
وماكو برجوعه امل
ياطبيب من الوضع راسك يشيب
بالنحيب لف المواضع بالنحيب
ياطبيب اكشف على هذا الغريب
ياطبيب يمكن اذى جسمه يطيب
حلل المنظر للهيبه لو صوره
موسى بن جعفر اذا ماتعرف جدوره
شيعته من كم سنه مشتاقه لظهوره
وتالي هالشوق التقى بالجثه مؤثوره
حدى اعلام الفراح
واسفلوا اولها بتراح
ياطبيب اتخيل الموقف رهيب
من قريب المسأله منين من قريب
ياطبيب اكشف على هذا الغريب
ياطبيب يمكن اذى جسمه يطيب
قل لي بدين المسيح هل شفته يترجم
عندكم يجوز النبي
بهالحاله يتالم
شلون اذا تدري بعد هذا اعز واعظم
هذا من طبه اخذ عيسى ابن مريم
هذا لطب مصدره وانت عجزك نعذره
هذا لطب مصدره وانت عجزك نعذره
ياطبيب الله الكفيل الله الحسيب
والنجيب رايح ولا يعود النجيب
ياطبيب اكشف على هذا الغريب
ياطبيب يمكن اذى جسمه يطيب
ياطبيب افصح قلب يشهد على صبره
وبملفه افتح جرح ثاني لو تذكره
هذا جده يشابهه ومثله على الغبره
ظل ثلاثة ايام ولا واحد حفر قبره
تدري لكن على الجسم ماصعد
فوقه شمر
تدري لكن على الجسم ماصعد
فوقه شمر

[نبراس الولاية]

بيحة بحرانية للرادود جعفر القشعمي
يابني يابني فرقآك شيبني .. يابني بعدك هذا الدهر ذبني
منهو إله مديته ياخويه قبالي ؟!
من شوفت جروحه تعب دلالي ..
بعده شباب إش حال أمه تالي
كل والده عليها ولدها غالي
قال حسين هِلي العين هذا علي الأكبر وقع
حين طاح مملي جراح ناديته لكن ماسمع
دمعي ,, دمعي مدرار بمصابة
تفري ضلعي نيران لغيابه ..

يابني يابني فرقآك شيبني .. يابني بعدك هذا الدهر ذبني
قالت عساني الموت ولاخلاني ..
هذا ابن اخويه وقلبه ماينساني
ليش اللي وده بعمره ماوداني ؟!
مذبوح وتذبحني عليه احزاني
مر وشموع ويه دموع حرقوها للعمره انطفى
يابلواي صيحي وياي آه ياشبيه المصطفى
ويلي ,, ويلي ع فراق ما أقدر ..
ظلمه ليلي بلياك يا الأكبر ..

يابني يابني فرقآك شيبني .. يابني بعدك هذا الدهر ذبني
بوهي بمكانة الأكبر إنته تدري
أكبر من دموعي وثباتي وصبري
مدّه على طوله لاتحيّر فكري
والله على بالي ورده دمها يجري ..
خل نريه ونداويه يمكن يرِد من الأجل
لون لورود صعبة تعود لو مرة خاطرها ذبل
قلبي ,, قلبي لمصاب فطرني
آه ياربي أرجوك صبرني ..

يابني يابني فرقآك شيبني .. يابني بعدك هذا الدهر ذبني
زينب هوّت فوق ابن اخوها تنحب
تتزود وخدها على خده مترب
لانها اسكتت وجروحه ظلت تشخب
قالت عجل حركها ماتت زينب
صاح بآه واويلاه ياصبر متواجد بعد ؟!
أترجاك وين ألقاك !! جرح اختي لو جرح الولد ..
بلوى ,, بلوى .. الأحبآب لو طاحوآ ..
شنهو تسوى دنيآي لو رآحوآ ..

يابني يابني فرقآك شيبني .. يابني بعدك هذا الدهر ذبني
جاسم طلع بدموعه يسرج خيله ..
وحسين يقله إش ناوي تفري العيله ..
جاوبه لازم رمله تواسي ليلى ..
حق الشباب على الشباب اوفي له,,
الاكبر راح لكن صاح هذي الشهادة بذمتي ..
وانه اشلون ماترضون اوفي ياعمي وعمتي ؟.!
خلني ,, خلني جمرات في دمي
لاتردني هاليوم ياعمي ..
يابني يابني فرقآك شيبني .. يابني بعدك هذا الدهر ذبني

[نبراس الولاية]

شلون أصبر على الآه للرادود الحاج باسم الكربلائي
شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

تعنّى يم علي السجاد .. أبو حمزة الثمالي اليوم
يـﮕله سيدي الوادم .. بِدَت تحـﭽـي و عليك تلوم
شكثر تنحب يبو الباقر .. يـﮕولون النحب مذموم
يريدونك تكف دمعك .. تعيش بلا كدر و هموم

و عن دمعتك يـﮕلون .. لمن تسحها
هالدمعة للأموات .. تلـﭽم جرحها

خايف تصير .. جرح الحبيب
لتظن يطيب .. جرح الحبيب .. و اترك نحيبي
.................................................. ..........*

شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يجاوب حُجة الباري .. و يصب دمع المحاجر دم
يـﮕله يا أبو حمزة .. الوادم حـﮕها ما تعلم
أنا القابض على الجمرة .. و يظللني سحاب الهم
أطَشر بالصبر حزني .. و ردود الحزن يلتم

و الوَجرت بحشاي .. نار المصيبة
شحال اليصد و يشوف .. مصرع حبيبه

يسعر لهيب .. جرح الحبيب
لتظن يطيب .. جرح الحبيب .. و اترك نحيبي
.................................................. ..........*

شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يبو الحمزة البعض يفـﮕد .. عزيزه يظل عليه بنوح
و يظل طول الوكت ينحب .. و لا يملك زمام الروح
و هذا آنة الشِفت أهلي .. ضحايا بين ايدية تروح
بين الـﮕطعوا ﭼفوفه .. و بين اللي وﮔـع مذبوح

حـﮕـه اليريد يلوم .. و يبدي الملامة
ماحاضر و لا شاف .. جثة إمامه

دامي و عجيب .. جرح الحبيب
لتظن يطيب .. جرح الحبيب .. و اترك نحيبي
.................................................. ..........*

شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يلوموني يبو حمزة .. و لا علينفجع معتب
فَرِد يوسف فـﮕد يعـﮕوب .. و ظل طول العمر ينحب
و أنا شـﭽم يوسف ﮔـبالي .. أشوفه على الثرى امترَب
رجع يوسف و أنا الما عاد .. حبيبي و بالدما تخضب

يوسف عَدِل ماطاح .. جسمه و تعفر
و ﮔـبالي جسم حسين .. طاح و توذر

خلف نحيب .. جرح الحبيب
لتظن يطيب .. جرح الحبيب .. و اترك نحيبي
.................................................. ..........*

شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يبو حمزة العتب مذموم .. على اللي فـﮕد ضي عيناه
يلوموني البعض حـﮕهم .. محد شايف الشفناه
ماشافوا طفل ضامي .. عوض ما تطفى نار حشاه
تصيبه بمنحره النبلة .. و يتروى بنجيع دماه

و لا شاهدوا عريس .. و موذرينه
و تتحنى من دماه .. راحة يمينه

بالدم خضيب .. جرح الحبيب
لتظن يطيب .. جرح الحبيب .. و اترك نحيبي
.................................................. ..........*

شلون أصبر على الآه.. و أترك نحيبي
بيدي دفنت بالـﮕـاع .. جثة حبيبي
لتظن يطيب .. جرح الحبيب .. و أترك نحيبي

يبو حمزة الزلم تطلع .. تقاتل تعرض المنحر
لـﭽن شنهو الجعل هالـﮕوم .. تشن غارتها عالخِدَر
عـﮕب ذبح الزِلِم بالطف .. علينا صالت العسكر
الأرامل و اليتامى بخوف .. هَجَت و الخيم تسعر

مرفوعة ليش الروس .. فوﮒ العواسل
ليش بيسر للشام .. تمشي الأرامل

و اللي يجيب .. جرح الحبيب
لتظن يطيب .. جرح الحبيب .. و اترك نحيبي