شوقـي للرادود الملاباسم الكربلائي
شوقي و حنين ايامي...قلبي لوصالك ظامي
حيدر علي حيدر علي..يا دنيتي و احلامي
*****
من بادي عهدي تعلقت روحي بجمال عيونك
قبل الرضاعة عاشقك انا و جنت مجنونك
عشت العمر بين المحبين و من يعادونك
شفت الحياة بلا ثمن يابالحسن من دونك
*****
جنت بجميع ادواري...نثري و جميل اشعاري
نورك جلي نورج جلي..في قدرتي و الهامي
*****
ليش انده بكل معضلة باسم الوصي وبذاتة
لني سمعت المصطفى ينادي علي بشداتة
ذكرك عبادة مو عبث معنى و الى غاياتة
ذكرت دوى ذكرك فرج تحوي العطر ورداتة
*****
اصرخ علي من اعثر...باسمك دليلي يستر
تحضر الي تحضر الي ..و تمحي جميع آلامي
*****
عالم حياتي يا علي بحبك الطاهر ورد
قلبي خضر باسمك يظل مهما العمر جاز الحد
اسمك شرف للألسنة حتى العرش بي ردد
انته الشهادة الثالثة البيها الوجود تشهد
*****
صوت المنارة ينادي...باسمك يا روح الهادي
انته الولي انته الولي ..وانته الوصي و الحامي
*****
ما اروى انا من وصالك يا علي شما يكثر
هل من مزيد اهتف وانادي كل مدد يا حيدر
يا شوقي يا هب النسيم الي جلالك يسحر
كل ما تمرني يا علي بنبضاتة قلبي كبر
*****
حبك سحر بعروقي...يا مطلبي و معشوقي
يالمعتلي يالمعتلي..قلبي و اساس اسلامي
*****
حبك يا حيدر جنتي فصل الربيع الساحر
بيه السعادة و الهنى و بيه المحب متفاخر
هذا ابد مو اي حشي لا ولا فكرة شاعر
تشهد تجارب شيعتك بالماضي و بالحاضر
*****
للشدة كل ما ردتك ... شفت الامل بمحبتك
وبساحلي وبساحلي..ينزل نداك الهامي
*****
رد مع اقتباس