هنا

[نبراس الولاية]

أحلى وأروع القصـائد واللطميات المكتوبه
في أفراح وأحزان آل البيت عليهم أفضل الصلاة وأزكى السلام
وأن شاء الله راح يكون متجدد
وأسألكم الدعاء

[نبراس الولاية]

عتابي للرادود لمتألق باسم الكربلائي
عتابي يا اخوتي ويا من عتابي
اذا كان الزمن رايد عذابي
شهر حزني جرحني بطلعت هلاله

صدى صوت المصاب الـ ضيع سنيني
ليل نهار يا زينب يناديني
يهيج كل جرح بيا ويبكيني
يذكرني بكفيل الـ كان يحميني
شهر الـ كِسر قلبي وزيد ونيني
على هلاله تصد بيا نظر عيني

اشوف شلون الـ هلال السباني
غريبة بحسرة الوالي دعاني
بقيت الوحدي ودموعي همالة

عتابي يا اخوتي ويا من عتابي
اذا كان الزمن رايد عذابي
شهر حزني جرحني بطلعت هلاله

لـ هلال الشهر تحسب الناس حساب
ما بين اليتاني عودة الغياب
بين الينتظر طارش من الاحباب
وانا شـ نتظر يا كف يدق الباب
اخوتي والبنين وكل هلي الاطياب
عافوني بمصاب الماكو مثله مصاب

آرامل ودعوا عندي ويتامى
على متوني الهضم تارك علامة
صحت يا حسرتي والحسرة قتالة


عتابي يا اخوتي ويا من عتابي
اذا كان الزمن رايد عذابي
شهر حزني جرحني بطلعت هلاله

شهر الـ عالهزل مشاني مشتوفة
وصوبني بجروح الشام والكوفة
عساني بلا نظر وهلاله ما اشوفه
بقيت بلا ولي ودموعي مذروفة
وآنا بت علي الـ بالهيبة معروفة
خيال الشمس تخجل لمن تطوفه

على الشاطي بسهم صوب دليلي
وطيح مهجتي بطيحت كفيلي
عقب ذاك الخدر لني بيا حاله


عتابي يا اخوتي ويا من عتابي
اذا كان الزمن رايد عذابي
شهر حزني جرحني بطلعت هلاله


هلال الـ حزن شفته ولا هلا ناديت
يا هلال المصايب عندي شخليت
اجيب ويا اخوتي والوحدي رديت
بين الذكريات وغربتي ظليت
اطشن كل ضوى عيوني بظلام البيت
ولا ليلة تمرني من البكي عنيت

واقول شلون ابطل من ونيني
سؤال على اخوتي يهيج حنيني
ولـ مفارق عزيز النوح يحلاله

عتابي يا اخوتي ويا من عتابي
اذا كان الزمن رايد عذابي
شهر حزني جرحني بطلعت هلاله

سنة مرت ع ــليا وانا مفجوعة
اذكر يا مصاب وانسى يا لوعه
صور مني الحزن بعيوني مطبوعة
واحاذر ما اون ونة مسموعة
واحس جفن العيون تجرحه دموعه
ولو دمعة مصابي دمعة مشروعة

قلب عندي الصبر اصبح صفاته
اخاف حسرتي تسر الشماتة
وانا القلب فقد يا ناس آماله

عتابي يا اخوتي ويا من عتابي
اذا كان الزمن رايد عذابي
شهر حزني جرحني بطلعت هلاله

شلي بشوفة هلال الـ بدد احلامي
كسر خاطر شعوري وهيج آلامي
عسى لا طال عمري وقصرن ايامي
هلالٍ ونار اشوفن قمت جدامي
خيل بلا رحم متعنية لخيامي
طفلة مسلبة وشبدة طفل ضامي

اكابر واشقف السوط باديا
وصية بذمتي وصعبة الوصية
اخوي حسين عندي ودع اطفاله

عتابي يا اخوتي ويا من عتابي
اذا كان الزمن رايد عذابي
شهر حزني جرحني بطلعت هلاله

[نبراس الولاية]

ألف الصلاة للرادود صالح الدارزي

ألف الصلاة على النبي أحمد وآله
قد البحر قد السماء وعرشه وأضلاله

فضل الصلاة على النبي تتحقق آمالك
والله يعد بيك البلاء ويتقبل أعمالك
أفضل ذكر به تنذكر لين الأجل جالك
نورك بيوم الآخرة وأفضل الأعمال

هذا أنيسك بالقبر يوم اليدفنونك
زادك وسترك مشربه قراء لعيونك
اتيقن إن بالحشر ما يخيب ضنونك
يوم اللي ما ينفع ولد ما ينفع أبنان

أحسن ذكر لين القبر .. أحكم أطفاله
إنك تصلي على النبي أحمد وآله


ألف الصلاة على النبي أحمد وآله
قد البحر قد السماء وعرشه وأضلاله

كل ما نصلي على النبي تكبر معانينا
ويرفعنا الله برحمته ويكرمنا بإيدينه
ويحرسنا من كيد العدا ويحفظنا بعينه
كهف وستر طول العمر لين العمر طال

هذي مجرة من العلي بأنوراه وهاجه
وهذي السراج اللي فقد في ليله سراجه
لو تقصد الله بهالذكر يقضي لك الحاجة
وهذي سلاحك والدرع لين الزمن مال

تنفتح أبواب السماء .. تسمك أحباله
كل ما تصلي على النبي أحمد وآله

ألف الصلاة على النبي أحمد وآله
قد البحر قد السماء وعرشه وأضلاله


كل ما تصلي عليهم يزول الضجر عنك
كلمن اله فنه وحب المصطفى فنك
حبه بحر كل ما غرفته العزز منك
هذا الوسيلة النافعة في أول و ثان

يمصلي صلي على النبي وصلي على العترة
صلي على علي وحسن وحسين والزهراء
هم رحمة الله الواسعة وكنوزه وسرّه
بيهم طيور الجنة تعزف أحلى موّال

لو يستوي تراب وحجر .. والله اسوا له
الما يصلي على النبي أحمد وآله

ألف الصلاة على النبي أحمد وآله
قد البحر قد السماء وعرشه وأضلاله


وإنت جنين بعالمك ما تدري بأيامك
ذكر النبي وعلى الإبن تنبت به أعضامك
وبين المشيمة والرحم تتخلص آلامك
وعند الولادة يسهل الله كل الأهوال

صلاتك عليهم أجل ما يحوي ميزانك
تاجك الشرف هامتك بالدنيا أوزانك
من تعبر حروف النبي تتلاشى أحزانك
ينشرح صدرك من تمر بآذانك الآل

اللي يواليهم صدق .. كل شئ يحلاله
بعد الصلاة على النبي أحمد وآله

ألف الصلاة على النبي أحمد وآله
قد البحر قد السماء وعرشه وأضلاله

[نبراس الولاية]

عالدنيا زينب أشرقت للرادود باسم الكربلائي

عالدنيا زينب أشرقت والعالم تنّور
مثل الشمس اتفرعت من فاطمة وحيدر
بإسم النبي المختار .. هالفرحة نحييها
للزهراء والكرار .. هالفرحة نحييها

ورد المحاسن فاح
ويردد الصداح
ليلتنا للمصباح
نحييها بالأفراح

ليلتنا ليلة عيد
وبنغمة التغريد
طير السعادة يريد
ينشر علينا جناح

زينب شمس وتنور
الها الحفل معمور
وهذا الاسم مذكور
من نشأة الأرواح

سماها رب الكون
بالزاء ياء ونون
والباء بيه يصون
قدسية الإصلاح

بهاي الولادة الطاهرة نعلن مسرتنا
فوق الوجوه الباسمة مرسومة فرحتنا

بكل محفل وكل دار .. هالفرحة نحييها
للزهراء والكرار .. هالفرحة نحييها

عالدنيا زينب أشرقت والعالم تنّور
مثل الشمس اتفرعت من فاطمة وحيدر
بإسم النبي المختار .. هالفرحة نحييها
للزهراء والكرار .. هالفرحة نحييها


زينب فخر ينعاد
وبكل زمن يزداد
واكتسبت الأمجاد
من ساعة الميلاد

ثالث شمس للدين
بعد الحسن وحسين
من عالم التكوين
مذكورة للإرشاد

تملك عقد منظوم
لوح القدس مرسوم
مولدها عيد اليوم
ما مثله بالأعياد

صدر المحب مشروح
عطر الهداية يفوح
زينب رفيف الروح
يحضرنا عـ الميعاد

أمة محمد بالفرح هاليلة مسروره
كوكب فرحنا بكل حفل أنواره منشوره

من مطلع الأنوار .. هالفرحة نحييها
للزهراء والكرار .. هالفرحة نحييها

عالدنيا زينب أشرقت والعالم تنّور
مثل الشمس اتفرعت من فاطمة وحيدر
بإسم النبي المختار .. هالفرحة نحييها
للزهراء والكرار .. هالفرحة نحييها

من دافع الإيمان
قلب المحب فرحان
ويردد بألحان
انشودة الوجدان

زينب اسم مكتوب
بصفحة مُهج وقلوب
هالمجلس المنصوب
أصبح أجل برهان

والدها داحي الباب
من خيرة الأطياب
به تعجز الكتاب
وأسراره بالقرآن

والزهراء أمها تلوح
بين العرش واللوح
سرها سفينة نوح
أبحرت عـ الطوفان

والدها حيدر بالفخر لاحت معانيّه
وأمها البتول الطاهرة الراضية المرضية


واحنا على هالآثار .. هالفرحة نحييها
للزهراء والكرار .. هالفرحة نحييها

عالدنيا زينب أشرقت والعالم تنّور
مثل الشمس اتفرعت من فاطمة وحيدر
بإسم النبي المختار .. هالفرحة نحييها
للزهراء والكرار .. هالفرحة نحييها


زينب أمل منشود
إلها فخر مشهود
كل الفضيلة تعود
للخالق المعبود

شرفها باري الناس
بالعفة والإحساس
إلها انرفع نبراس
بالغانمة وبالزود

إلها فضل معروف
بأشرف وصف موصوف
يوم الولادة نشوف
وياها المجد مولود

والليلة جبرائيل
فطرس وميكائيل
كل من حمل إكليل
ويهني بحر الجود

زينب واسمها من العرش متنزله حروفه
بضعة الزهراء فاطمة وبالعفة موصوفة

وبمجمل الأسرار .. هالفرحة نحييها
للزهراء والكرار .. هالفرحة نحييها

عالدنيا زينب أشرقت والعالم تنّور
مثل الشمس اتفرعت من فاطمة وحيدر
بإسم النبي المختار .. هالفرحة نحييها
للزهراء والكرار .. هالفرحة نحييها

زينب بأطهر ذات
سادة المخلوقات
بضعة علي وهيهات
تنسانا بالشدات

باب الحوايج هاي
ما خيبّت رجواي
لو حوربت دنياي
تحضرني بالكلفات

خل ندعي باري الكون
بجاه العقيلة يكون
يضل الشمل مأمول
ويحفظنا بالنكبات

ويعوّد الغياب
للأهل والأصحاب
ويجمع الأحباب
ويرجع البسمات

ارحمنا يا باري اللطف .. من لطفك الوافر
بجاه العقيلة بنت علي وهالمولد الطاهر

وبكل فرح لو صار .. هالفرحة نحييها
للزهراء والكرار .. هالفرحة نحييها

عالدنيا زينب أشرقت والعالم تنّور
مثل الشمس اتفرعت من فاطمة وحيدر
بإسم النبي المختار .. هالفرحة نحييها
للزهراء والكرار .. هالفرحة نحييها

وكم وكم مهموم
ومن الفرح محروم
يدعي بقلب مالوم
يوم الفرج يا يوم

كعبة صبر لو طال
يا مغير الأحوال
نتمنى صورة حال
والفرحة النا تدوم

بجاه العقيلة نريد
هالمحفل وهالعيد
يتنصب من جديد
يم مرقد المظلوم

تتجدد الأيام
ونحقق الأحلام
محلى الفرح لو دام
يا ربي يا قيوم

هالليلة طاووس الأمل بالحب نشر جنحه
هالليلة أملاك السماء تشاركنا بالفرحة

وبنفحة الأزهار .. هالفرحة نحييها
للزهراء والكرار .. هالفرحة نحييها

عالدنيا زينب أشرقت والعالم تنّور
مثل الشمس اتفرعت من فاطمة وحيدر
بإسم النبي المختار .. هالفرحة نحييها
للزهراء والكرار .. هالفرحة نحييها

[نبراس الولاية]

انت الحبيب العايش بدلالي للرادود باسم الكربلائي

انت الحبيب العايش بدلالي .. غيرك بهذا الكون ما يحلالي
غالي .. غالي .. غالي يا ابو السجاد حبك غالي .. غالي يا بو السجاد حبك غالي

يا ابو اليمة هويتك .. بوسط قلبي جنيتك .. يا فرحة امنياتي
حبيبي وما نسيتك .. بثمن غالي اشتريتك .. يا أغلى من حياتي
أدور واعتنيتك .. بوسط روحي لقيتك .. تطرز ذكرياتي

ماعوف حبك للأبد للتالي .. رغم اليعادوني ورغم عذالي
ماعوف حبك للأبد للتالي .. رغم اليعادوني ورغم عذالي

غالي .. غالي .. غالي يا ابو السجاد حبك غالي

انت الحبيب العايش بدلالي .. غيرك بهذا الكون ما يحلالي
غالي .. غالي .. غالي يا ابو السجاد حبك غالي .. غالي يا بو السجاد حبك غالي

العشق قالوا مراحل .. قلت أمشي وأواصل .. درب شوقي وغرامي
إجيت وقلبي شايل .. سحر كل الخمايل .. سحر حبي وهيامي
صريح وما أجامل .. رغم كل العواذل .. أحبك يا إمامي

حبيتك وصوت الأمل أوحى لي ... حبك يا روح الروح غير حالي
حبيتك وصوت الأمل أوحى لي ... حبك يا روح الروح غير حالي

غالي .. غالي .. غالي يا ابو السجاد حبك غالي

انت الحبيب العايش بدلالي .. غيرك بهذا الكون ما يحلالي
غالي .. غالي .. غالي يا ابو السجاد حبك غالي .. غالي يا بو السجاد حبك غالي

يا من حبك ضماني .. أبد ما إلك ثاني ... أبد والباري يشهد
بقلم شوق وحناني .. اكتبت صفحة أماني .. فرح قلبي تجسد
يا بو اليمة ولساني .. رفع أسمى التهاني .. لقلب جدك محمد

هاك استمع صوت المودة العالي .. ليل ونهار اسمك يعيش ببالي
هاك استمع صوت المودة العالي .. ليل ونهار اسمك يعيش ببالي

غالي .. غالي .. غالي يا ابو السجاد حبك غالي

انت الحبيب العايش بدلالي .. غيرك بهذا الكون ما يحلالي
غالي .. غالي .. غالي يا ابو السجاد حبك غالي .. غالي يا بو السجاد حبك غالي

بطريق العزة ساير .. واضل بإسمك أجاهر .. نجح كل من يودك
بدر مولدك زاهر .. نزل فطرس يفاخر .. مسح جنحه على مهدك
صعد لجناحه ناشر .. يزف هاي البشاير .. لبوك الوصي وجدك

نور على نور من العرش متوالي .. بروض الهداية ثبتت آصالي
نور على نور من العرش متوالي .. بروض الهداية ثبتت آصالي


غالي .. غالي .. غالي يا ابو السجاد حبك غالي

انت الحبيب العايش بدلالي .. غيرك بهذا الكون ما يحلالي
غالي .. غالي .. غالي يا ابو السجاد حبك غالي .. غالي يا بو السجاد حبك غالي

انطبع بالعرش رسمك.. لسان الأمة بإسمك .. غدا يردد نشيده
وحي القدرة يخدمك ... نزل هالليلة يمّك .. يهزّ المهد بيده
حضر جدك يشمك .. وأبوك لصدره ضمك .. يا نبراس العقيدة

هذي حقيقة واضحة ومن بالي ... وجهك بساق العرش نوره يلالي
هذي حقيقة واضحة ومن بالي ... وجهك بساق العرش نوره يلالي

غالي .. غالي .. غالي يا ابو السجاد حبك غالي

انت الحبيب العايش بدلالي .. غيرك بهذا الكون ما يحلالي
غالي .. غالي .. غالي يا ابو السجاد حبك غالي .. غالي يا بو السجاد حبك غالي

نزل طاووس إلنا .. يا بو اليمة وحملنا .. على جناح السعادة
لبرج شوقك وصلنا .. إلك ننصب حفلنا ... بفرح هاي الولادة
الأمل يجمع شملنا .. يـ من حبك أملنا .. لسان الفرح نادى

يا شمس عمري ويا بدر آمالي .. كل لحظة نورك صار يتراوالي
يا شمس عمري ويا بدر آمالي .. كل لحظة نورك صار يتراوالي

غالي .. غالي .. غالي يا ابو السجاد حبك غالي

انت الحبيب العايش بدلالي .. غيرك بهذا الكون ما يحلالي
غالي .. غالي .. غالي يا ابو السجاد حبك غالي .. غالي يا بو السجاد حبك غالي

زهت شمس المسرّة .. جمالك يزهي بدره .. سطع النا شعاعه
محافلنا مسهره .. حفل كل من يحضره .. ضمن صك الشفاعة
بدت من عندنا فكرة .. الـ يحبك ينطي عمره .. إلك يبدي الإطاعة

درب الهادية تصدقت أعمالي .. وبهال............ أختتم أقوالي
درب الهادية تصدقت أعمالي .. وبهال............ أختتم أقوالي

غالي .. غالي .. غالي يا ابو السجاد حبك غالي

انت الحبيب العايش بدلالي .. غيرك بهذا الكون ما يحلالي
غالي .. غالي .. غالي يا ابو السجاد حبك غالي .. غالي يا بو السجاد حبك غالي

[نبراس الولاية]

اسرنى شوقش وارفع الراية للرادود مرتضى البيضاني

أسرني شوقج وأرفع الرايه
أسرني شوقج وأرفع الرايه
ياأم أبوهـا وكوثر الآيه
...
ياطاهره .. وأطهر نسا العالم
من حوا ولحدّ ساعتج آيه
أسرني شوقج وأرفع الرايه
أسرني شوقج وأرفع الرايه
ياأم أبوهـا وكوثر الآيه
...
ياعالمه .. وعلمج بحر واسع
غدّا الروافد مانشف مايّه
أسرني شوقج وأرفع الرايه
أسرني شوقج وأرفع الرايه
ياأم أبوهـا وكوثر الآيه
...
ياكامله ومن ربنا تربيتج
منزل محمد ونعم الربايه
أسرني شوقج وأرفع الرايه
أسرني شوقج وأرفع الرايه
ياأم أبوهـا وكوثر الآيه
...
يابحث يصعب عل الي يدرسونه
مانوصلج شما زدنا القرايه
أسرني شوقج وأرفع الرايه
أسرني شوقج وأرفع الرايه
ياأم أبوهـا وكوثر الآيه
...
يامعجزه وثبتت براهينج
انت الدليل ومنتهى الغايه
أسرني شوقج وأرفع الرايه
أسرني شوقج وأرفع الرايه
ياأم أبوهـا وكوثر الآيه
...
من الباري نازل أمر تزويج
حيدر كفو وبيه الكفايه
أسرني شوقج وأرفع الرايه
أسرني شوقج وأرفع الرايه
ياأم أبوهـا وكوثر الآيه
...
نورج عظيم بعظم أهل بيتج
واثنعش نور تضوي الولايه
أسرني شوقج وأرفع الرايه
أسرني شوقج وأرفع الرايه
ياأم أبوهـا وكوثر الآيه
...
خادم ... وأروحن فدوه لعيونج
محتاج يوم المحشر وصايه
أسرني شوقج وأرفع الرايه
أسرني شوقج وأرفع الرايه
ياأم أبوهـا وكوثر الآيه

[نبراس الولاية]

يا الرايد الروح للرادودالملا باسم الكربلائي

يالرايد الروح روحي خليها ,, ماعندك اثمان حتى تشريها
وبلا ثمن للمجتبى روحي اهديها ,, وبلا ثمن للمجتبى روحي اهديها

صوت الامل صاح اسمعني ياصاح واسمع اقوالي
هذا انته شراي ياصاحب الراي افهم التالي
لو روحي تختار ماالها اسعار والسعر غالي
شما تدفع اموال ماتغير بحال فكري واعمالي
يامصدر هويد اسمع جوابي .. للعتره واليت كلهم احبابي
ولرابع اصحاب العبا روحي اهديها

اهوى الميامين هم البراهين لليواليهم
وبحبي معروف دلالي مشغوف وانفتن بيهم
لو روحي يردون وشما يطلبون عمري انطيهم
لو مهجتي انطيت لو عمري ضحيت مااجازيهم
حب الحسن بيه كعبة ظنوني .. شما يطلب انطيه وارخص عيوني
للي هدالي موهبه روحي اهديها

درب الحسن جيت وبسيرته مشيت وتبعت امره
واللي يعذلون جانوا يريدون اعكس المسرى
عرضوا الي كنوز وگالوا ولك جوز اترك العتره
شما تهوى ننطيك شتطلب نوافيك الواحد بعشره
انفضت وصحت صوت ماامل منهم .. لا والله للموت مااصد عنهم
لعترة الهادي الطيبه روحي اهديها

هسه اليكول عترة المرسول يالتواليهم
عاقد امل بيش وتمسكت ليش كتله تدريهم
هالوادم اصناف ولو ما هالاشراف منهو يهديهم
كعبتها اوثان وعلى الجهل جان يحدي حاديهم
بالعتره هالناس ربنا نجاهم .. والهم رفع راس مكرمه انطاهم
وانا اهتفت لاهل الابا روحي اهديها

كلهم ميامين وتعطر الدين بزهرة الوادي
عطر الحسن فاح اول بدر لاح لعترة الهادي
احسانه مشهود تشهدله بالجود حاضر وبادي
نسمع بداءات نظرة كرامات تغني وتنادي
نهج الحسن صار مصدر افراحنا .. ويخلد اثار تحيي ارواحنا
وانا ويه نسمات الصبا روحي اهديها

[نبراس الولاية]

حَبيبُ الباري للرادود الملاباسم الكربلائي

حَبيبُ الباري - أبوالأطهارِ
فَصَلى اللهُ عَلَيهِ وَعلى آلِه

إذا ثوب الليالي السود يگدرينكر الأقمار
إذا ليلك يصير انهار
إذا موج البحر يگـدر
ينكـر شـيمةالـبـحـار
إذا زرع الأرض يگدر
ينسى ضحكة الأمطار
إحنه للأبد والله ما نگدر
ننـسـى عـتـرة المختار
نـودهم مثل ود الشرف للأخيار
مـثل حب الليالي إلزهوة
هم الايمان هم القرأن
فَكَيفَ الكَوكَبُ يَنسى سِحرَجَمالِه
فَـصَـلى اللهُ عَــلَـيـهِ وَعـلـى آلـِـه
شعاع الباري جسد
أبـو العـترةمـحـمـد
جبينه ابكل عصر يسطع بالأنوار
ضوى العالم تجدد
ابشعاعه إلما تحدد
وجه سيد الرسل مطلع للأقمار
لـسـان الدنية ردد
بإسم هـادينه أحمد
كرم چفه صبح منبع للأنهار
رسول او گلبه معبد
ابلـسان الـحـب تعـبد
نبي او بارينه بيه ودع هالأسرار
سَنا الأضواءِ - أبو الزَهراءِ
كَمَوجِ البَحرِ تِعالَى كَفُ نَوالِه
فَصـَلى اللهُ عـَلَـيهِ وَعـلى آلـِه
زهت أشرف مناقب
لبو العترةالأطايب
رسول او للرسل خاتم بالأعراف
حمل أعظم مواهب
صنع بيها العجايب
كياني مثل أبو القاسم فلا شاف
بـلـغ أعـلى المـراتـب
شهاب او نوره ثاقب
نبي وأشرف نهج راسم للأشراف
أبو اچفوف المسارب
تصب مثل السحايب
بدر ما يشبه الوادم بالأوصاف
نَبِيُ اللهِ - عَظيمُ الجاهِ
كَنورِ الشَمسِ أضاءَت كُلُ خِصالِه
فَصَلى اللهُ عَلَيهِ وَعلى آلِه
الأوامر والنواهي
غدت بإسمه تباهي
مشينه ابنهجه والمسرة تبعنا
او نوره الإلهي
ابشعاع القدرة زاهي
جبينه ابزهوة الگمرة زهى اضواه
عظيم او مجهده راهي
إلمجد غيره يضاهي
طريقه ابنهيه وبأمره مشيناه
حمل كل الدواهي
ابفكر ما لحظة ساهي
ابضمايرنه لبوالزهرة عرفناه
هُوَ التَنزيلُ - هُوَ التَأويلُ
وَفيهِ الشِركُ تَلاشى طَيفُ خَيالِه
فَصَلى اللهُ عَلَيهِ وَعلى آلِه
أبو الصفوة الأماجد
لبس تاج العقايد
رسم إلنه ابجوانحنه قوانين
لبو الزهرة نعابد
علينه الباري شاهد
لبو القاسم نظل إحنه موالين
رغم أنف الحواسد
إذا من عدنه رايد
عمرنه ابكل
جوارحنه مضحين
رسول او دينه واحد
فلا غيره نوادد
ابلطف بارينه أصبحنه محبين
صَدى الإسلامِ - سَيَبقى سامي
وَأضفى اللهُ إلَيهِ نورَ جَلالِه
فَصَلى اللهُ عَلَيهِ وَعلى آلِه

نبي ابسره تعزز
صبح للعزة مركز
فضل رب
العرش ربه هو الله
الفكر عن وصفه يعجز
ابمكاسب حرة أنجز
تجاوز عن محن صعبةابسجاياه
جبل ما مرة يهتز
ابقوى الباري تركز
عزمنه من عزم گلبه أخذناه
رتب معروفة أحرز
عزيز ابحبه نعتز
حبيب او نلهج ابحبه اوعشگناه
رَسولُ المَولى - مَنارٌ أعلى
بِسِرِ اللهِ تَعالى سِرُ كَمالِه فَصَلى اللهُ عَلَيهِ وَعلى آلِه

[نبراس الولاية]

ما تنسي خيبر للرادود الملاباسم الكربلائي

ما تنسي خيبر - لا والله يا حيدر
لا والله يا حيدر - ما تنسي خيبر
يل طبعك أطباع الذهب يل معدنك جوهر

كل ما يمر بيك الزمن تغلى بعد أكثر
طبع الذهب يا با الحسن من تصهره النار

يكثر صفاءه ويرتفع وتزيد الأسعار
وإنت ادخلت نار الحرب يا حامي الجار

كل ما يهيجون اللهب تصمد يا كرار
يا أصفى كل معدن - يل قيمتك أثمن
يل قيمتك أثمن - يا أصفى كل معدن
كل شي سعر بيه او ثمن وإنت إلما تتسعر

كل ما يمر بيك الزمن تغلى بعد أكثر
ما تنسي خيبر
.........
گالوا علي الدر والذهب والوادم اتراب

ابهاي الذهب هوه إنمدح يا داحي الباب
كل درة تخضع للسعر تخضع للحساب

وإنت إلي ما ايحدك ثمن ما در الألباب
سعر العرش سعرك - وبهالقدر قدرك
وبهالقدر قدرك - سعر العرش سعرك
كل ما نطالع سيرتك يتوضح المصدر

كل ما يمر بيك الزمن تغلى بعد أكثر
ما تنسي خيبر
.........
إتبعنه موارد سيرتك وإليتبعك فاز

كل شي ابحياتك معجزة او مصدر للإعجاز
من مولدك حد مقتلك مجموعة ألغاز

بالكعبة نورك ينولد هذا أول إنجاز
من هذا برهناك - ربك رفع شانك
ربك رفع شانك - من هذا برهناك
كل ما كبر عمر الدهر مجد بعد يكبر

كل ما يمر بيك الزمن تغلى بعد أكثر
ما تنسي خيبر
.........
ابحجر الهادي إنشأت وابلطفه رباك

او مفتاح أبواب العلم يا المرتضى انطاك
كل باب ألف باب إنفتح وابعلمه أثراك

هوه المدينة للعلم او باب إلها خلاك
بابا العلم إنت - سور العدل صنته
سور العدل صنته - باب العلم إنت
إلوجهك سجد وجه الدهر وابعالمك فكر

كل ما يمر بيك الزمن تغلى بعد أكثر
ما تنسي خيبر
........
ابكل غزة چنت اويا النبي تصنع بطولات

وإندحرت ابسيفك هبل والعزة واللات
بالخندق او خيبر إلك ظهرت كرامات

ادحرت اليهود ابهمتك يا أوحد الذات
مرحب إلك يشهد - يا معجزة أحمد
يا معجزة أحمد - مرحب إلك يشهد
رغم اليهود إترفعت شانك فلا يزغر

كل ما يمر بيك الزمن تغلى بعد أكثر
ما تنسي خيبر

[نبراس الولاية]

جنة او نار للرادود الملا باسم الكربلائي

حبك صار - جنة او نار - بگلوب العشاگ
أغلى ملاك - جنة هواك - يل نارك أشواگ
حور العين ابحبك هامت وش ترجى امن الناس - يل أعذب من نهر الكوثر حبك يا عباس

اجمعت ضدين وأكثر - گلب الفردوس الأخضر - الجنة ابحبك تتنور
يل بدرك ما غاب - عن أفق الأحباب
يمن معناك يسحر - گلبي ابنارك من يسعر - مثل الند اعلى المجمر
كل ما بالحب ذاب - يتفاوح أطياب
جمر الشوگ - للمعشوگ - يخمد لا هيهات
واعلى الروح - طيبه ايفوح - وأنظم هالآيات
إنا أعطيناك الكوثر تسگي اورود إلياس - يل أعذب من نهر الكوثر حبك يا عباس

هي عباس دير آنام دلميري تاهي - جبروزي بيجاهو كوچبوچ هوتاهي
كرمو منكم هاري سهمي سركو جباتاهي - ميكو جبي قربان مولا الله جاتاهي

توميري جان هيتو توميري دنكي دركنهيميري سينيكي راهتها
توجبيهي قربان - ميسارا جاها
علي كبيار هيتو توتو جان كتوكراهي نهي تو جانت بوراهي
إبن كرار - هي ميري سردا
إيزامي آسوما قدسي رونقهي - جنتك أرضو شا قدسي روشنهي
أرها جتمن در بيتيري منتني آتاهي - ميتوجبي قربان مولا الله جاتاهي

إله الكون يشهد - كل ما إسمك يتردد - روحي الگلبك تتودد
والخاطر عيناك - تتغنى ابذكراك
هجير الشوگ يشتد - مثل الظامي إليتنهد - بيه الجمر إلما يخمد
ما أحمل فرگاك - يا عباس أهواك
أقسم بيك - گلبي اعليك - من لهفاته ايذوب
إنت اظماي - وإنت الماي - يا ألطف محبوب
روحي الولهانة شما تظمئ جودك تنطي الكاس - يل أعذب من نهر الكوثر حبك يا عباس

كرينزري جادو تومي ملنيكي تمناهي توجي دل سيلقاناهي
جنت تيربيا - سيلبكي تردا
توراهوكا سنگم ميري ساسوكي خوشبوهي ميري آكوكا سرماهي
زهرا كي آرما - سربل كي مهمان
جبدركي آتاهو خوشهوداتاهو - جبميدور جاتاهو مگبراتاهو
هربا ميري دلكوتيري ياد آتيهى - ميتوجبي قربان مولا الله جنتاهي

بريد الروح يسأل - عنك دوم او يتأمل - زاجل حبك يتنقل
ما بين الأرواح - ناشر أغلى اجناح
إلك لو طيف يقبل - وسط اعيوني يتنزل - چان ابشوفك أتكحل
كحلة هالأفراح - بيها الهم ينزاح
هالأنظار - مثل الدار - يتملكها الطيف
دارك هاي - مو عيناي - وآنه اعليها الضيف
وهاي ارموشي ابباب اجفوني صارت لك حراس - يل أعذب من نهر الكوثر حبك يا عباس