ويلي على المسموم
كظة العمر مالوم
وينه اليكصد و يسجب الدمعة
وبصوت الحزن من بعد ينعه
و ايخلي اهل المدينة الكل تسمعه
و يتعنى لقبر طه نبيه
رسول الرحمة من يوصل القبره
على مصيبة الكاظم خل يخبرها
و ايكله ابنك الكظة بسجن عمره
صابوا جبدته و اسكن ونينه
و يصيح اناخك يا سيد البرية
دليني على قبر الزجية
ليه ارد اعتني بونه خفيه
و قلبي من الحزن هايج حنينه
يصيح بصوت يا فاطمة الزهرا
اولادج بين من صبوا صدره
و ما بين الكطع بالسيف نحرة
و بين البـ السجون امعذبينا
كومي اوياي يا ام الحسن و حسين
نجيب اللطم و انهل دمعة العين
على الـ بالسجن جبده انجسم نصين
بسم هارون جبدها امصوبينه
السيد : سعيد صافي الرميثي
طبعت بأنامل العبد المذنب :
علاء
الجمعة
23/رجب/1435هـ
23/ايار/2014 م
اليحب يستمع للقصيدة على الرابط ادناهhttp://dorar-aliraq.com/t/309883
طبعا الشكر موصول للأخت نبع الحنان التي كان لها الفضل في نشرها
رد مع اقتباس
المشاركة الأصلية كتبت بواسطة نور&الهدى
