اردد بأسمك و بيك اعتصامي
سلام الله على الكاظم امامي
بحضرتك افتخرخادم
و اصيح بلوعة الهايم
سلام الله على الكاظم امامي
كيدك
يمر طاري الحزن لمن يمر كيدك
صبرت و جزع من صبرك صبر كيدك
بسماحة جفك تروض اسر كيدك
بصبرك ترهب الضالم
اصيح بلوعة الهايم
سلام الله على الكاظم امامي
نعشك
حتى امن السلاسل ما سلم نعشك
تكيد و العمر بيه انختم نعشك
حملناه بقلب ينزف الم نعشك
يا راهب بني هاشم
اصيح بلوعة الهايم
سلام الله على الكاظم امامي
بابك
مثل باب السماء اتفتحت بابك
و على ابواب الجنان اترجحت بابك
يا من باب الحوائج اصبحت بابك
يا من جودك يضل دايم
اصيح بلوعة الهايم
سلام الله على الكاظم امامي
أنزروك
بدمانا انعاهدك يا سيدي أنزروك
كل عام و رغم كل معتدي أنزروك
عمرنا بكل زيارة يبتدي أنزروك
ولائك على القلب خاتم
اصيح بلوعة الهايم
سلام الله على الكاظم امامي
كلمات //
الشاعر : مصطفى الصائغ الكاظمي
طبعت بأنامل العبد المذنب :
علاء
الجمعة
23/رجب/1435هـ
23/ايار/2014 م
اليحب يستمع للقصيدة على الرابط ادناه
http://dorar-aliraq.com/t/309895
طبعا الشكر موصول للأخت نبع الحنان التي كان لها الفضل في نشرها
رد مع اقتباس
المشاركة الأصلية كتبت بواسطة نبع الحنان
