زحف متعنين لارض الكاظمية
شيعة الكرار ما انهاب المنية
لاجلك ايهون التعب
صبرك الصبر انكتب
يا اسد بغداد
ما انهاب المنية
كلنا يا باب الحوائج نعتني
تحت قبتك تنتفض حسراتنا
انت عايش بينا اصلا من نجيك
لجن تمشيلك غصب خطواتنا
و الأمل بسمك كتب
لاجلك ايهون التعب
احنا من صبرك تعلمنا الحياة
اشلون ما تتعنه لك رجلينا
انت ما جنت بسجن لا مستحيل
بيك مسجون السجن و اسنينه
صبرك الغيظ انشغب
لاجلك ايهون التعب
يا شمس طوت دهاليز السجون
علمت خصمك اساطير و عبر
انت كوكب على الارض مو بس امام
كل ضياء الدنيا بعدك في خطر
يا ابن خير العرب
ابفكدك النور انسلب
كلمات : صادق العباسي
طبعت بأنامل العبد المذنب :
علاء
الجمعة
23/رجب/1435هـ
23/ايار/2014 م
رد مع اقتباس
