رساله للمهدي عجل الله تعالى فرجه الشريف
يامهدي الامامه ** يمته آخر علامه
ياسر الجلاله ** نبعثلك رساله
... يمته اخرعلامه
*********
باْسم الله نسَّطْر هاذي الحروف * ونقراهه الزياره
ويه اول ســــــطر آه القلم صاح * محتــــاره العباره
تعلم بالمـــــــــــــــوالي فكره محتار * يفكر بانتظــــاره
تدري بشـــــيعتك ما خضعت بيوم * تتحده بجداره
يمته اتمر علينه ** تسمع كل حچينه
كل واحد سؤاله ** نبعثلك رساله
يمته اخر علامه
**************
برسالتنه ابد مانقصـــــــــــــد اعتاب * عذراً ياامامي
مانعتب قــــــــــــسم يبن الميامين * انته ادره بكلامي
گلبي اللي كتبهه بحبه ولهان * ولشوفتك ضامي
بمحنَّه محمله وبــــــطيبه واشواگ * ينقلهه سلامي
اكتبلك حنيني ** انتظرك تجيني
يااطهر سلاله ** نبعثلك رساله
يمته اخر علامه
******************
رساله والحبر من دمع العيون * مختومه بدمانه
نبعثهه الك من جرح الكلوب * بقصايدنه وعزانهيسألونه بحقد عنك يسألون * يمته يهــــــل زمانه
يمته يزيح عنكم هاذي الاهموم * ويبين حنانـــــه
گلناهه بصراحه ** بأسلوب السماحه
كتبناهه المقاله ** نبعثلك رساله
يمته اخرعلامه
*************
كتبناهه السطور ونشرح الحال * انته ادره بوضعنه
رسمنالك صور من الدمه السال * متلونه بدمــــــعنه
شجره وهالمناحر صارت اغصان * نضويهه بشمــــعنه
بكل كلمه الكتبناهه علامات * اتخبرك ماخضـــــــعنه
يم بحرك رسينه ** يربان السفينه
زمنه هذا حاله ** نبعثلك رساله
يمته اخرعلامه
************
بغيابك سيدي كل جور ضگناه * نتشارك ســــويه
من دمنه النزف خطينه رايات * كتبناهه الــــــهويه
ورثنه اعظم درس من دم الطفوف * صبرنه عالرزيه
نناطر بالمحبه الطلــــــــعتك يوم * تسعد هالــــبريه
نقسملك نودك ** تطيب الروح عندك
يامهدي العداله ** نبعثلك رساله
يمته اخر علامه هذا اخر سطر واخر عبارات * نكتبهه الجنابك
اشتاگينه وكتبنـــالك كتابات * مانطـــــلب جوابك
قريب انشوفك تعاين عالانصار * فاتح النه بابك
اصحاب الرذيـــــــــــله وسوُد الافكار * حيرهم غيابك
عاميهم حقدهم ** ميهمنه عددهم
يانهج السلامه ** نبعثلك رساله
رد مع اقتباس
