ياامام السجده ياطود الحلم ******* شيعتك والكون ينعاك بالم
*******************
شيعتك تنعاك عالجسراعتنت ... الراهب القران والدين احضرت
تصرخ بويلات عالراس الطمت ... تندبك بأحزان واهات ونــدم
*****
تندب باحزان زحفتلك زحف ... مصابك على الدين مولانا كلف
شــمانوصفه انحيرلاماينوصف ... وانت نور الدين وشعارالعلم
*****
ياشــعار العلم وعــلوم الشـرع ... يبـــن طــه وفاطمه ونبعك ورع
خبرفكدك خلف آهات وصدع ... وانت نور الكون عالشمس انرسم
*****
انرسمت الأحزان هاجت عالجسر... حين جف الطاغي من غالك جسر
انهدم ركن الـدين والسور انفطر ... بسبب فقـدك لاتظن دينك سلم
*****
ينثـلم ديــن الله لو عالم كظى ... وانت دين الله واركان الفضا
لولا شال الكون جف المرتضى ... جان ساخت بينه ونهد ونهدم
*****
الشــيعه ذاك اليوم كلها اتلكتك ... ظنـها حي اتكون حين انتظرتك
انكـلبن الصـوبين حين الندبتك ... يابن جعفر نادت وقسمت قسم
*****
قسمت الشيعه ابد تنسى الجره ... وعالقسم كل عام يومك تحضره
جمـر فكـدك بالضلوع اموجره ... حاشا تطفى بيوم قر بيها القلم
*****
نادى ناعي الصوت عد عرش الأله ... موسى مات يصيح جبريل ونعاه
ويــه المشــيعين ظل يمشي وراه ... جــدك الكرار من شـــالك لــطم
*****
لطــم راسـه الدين وامك فاطـمه ... حضرت البغداد تبجي ولاطــمه
آه يبني اتصيح والمـــدمع دمــــه ... ضلعي بيك اليوم ياموسى انلجم
*****
انلجم ضلعي اليوم من شفت القيود ... والجسر مليان واحبابك حشــود
ويــن عنك حين بسجونك تجود ... الوحدك مسموم ماواحــد علـــم
*****
الوحــدك بالمــوت وبعينك تدور ... لكــن التـابوت شـالته النحور
وجـدك المظــلوم واولاده البــدور ... حتـى مـن الماي عطشان انحرم
رد مع اقتباس
