بية شوووووك الحضرتك يهدم جبال
بية يامولاي نهر من الدمع
بية حسرة الحضرتك تهشم ضلوع
من اذبهة الضلع جن يردم ضلع
بية يامولاي كون من الحنين
هيج احسن حالي كلش منوجع
انت سجداتك زلازل بالسجون
هزت عروش الظلم واهل القمع
انت حولت السجن مسجد صلاة
وانت قرآن بوسطع سجن وتشع
رادو يطفون نورك يا امام
وكل عقلهم هذا اليريدونة
انت نور الله طبعآ ما يصير
يأبى نور الله ان يطفونة
ياغريبآ !!! كان في الامس غريب
هسة من كل صوب يتعنونة
انت يامة الوادم بصحنك تطوف
انت كعبة وواجب يطوفونة
عجب جسر الشال نعشك مايطيح؟
واقنع شلون اربعة يشيلونة!
لان صبرك كون مايحمل اكيد
جانوا املاك السمة يسندونة
ويا اسد بغداد يالكاظم اجيت
حاجة عندي ورايدك تكضيهة
وانة ادري بجفي لو كض الضريح
بجفي اﻵخر حاجتي تخليهة
ولو الف هارون واكف بالطريق
ما اظن زيارتك يمحيهة
جبت عهدي وياي مشاي اعتنيت
جيت اسلم روحي الك واطيهة..
رد مع اقتباس
المشاركة الأصلية كتبت بواسطة ساهرة الليل
