بقلمي تعال وشوف كلبي
بقلمي
عمت عين الوكت وتعنه ليك الموت
الجان ايخاف منك خافن تموته
بس هيه المنايا التغدر الزينين
واجه ليك القدر ماجنت حاسبته
مو طبعي اعتراض على القدر لو صار
بس تعويضه صعبه الهسه فاكدته
انامن والكلب مانايم على افراش
يعالج بالهموم البيه ماكلته
الك غيبه اعتقد مو غيبة الميتين
غاب الفرح مني الضيم شايلته
يشوفوني اعيش واضحك وي الناس
وحك فركاك هذا الليل مانمته
مو هينه المصيبه ولاهي بنت اليوم
بت اسنين حتى كليبي شالعته
يهونون الربع كالولي بس انساه
شلون انسه محب كل عمري عايشته
خذت مني المنايا اغلى ما بلكون
وتعويضك صعب ياشهم مكدرته
ودعت الفرح من يوم صار اجفاك
بس طرواك ابد ما يوم ودعته
صبيت ابدمع لو تدري صب انهار
وبس بيك الكلب يلغبت سالفته
شحدهه الفاجده وتكلي ماونيت
يهد اجبال كلبي لو تجي ونته
خاويت الحزن كل يوم اسير ليه
لان عفت الفرح بس هوه راغبته
الف عفيه على صبري شلون بيهه الحيل
وانه حيلي ابغيابك كوه حاملته
ضحكات الفرح مرات بس السان
تعال وشوف كلبي اغيوم تارسته
جفت روحي بشر مايدخل بهلعين
بس شخصك يبعد الروح دخلته
انسه اشلون كلي وعيني عل الحيطان
وتصاويرك يبعد الروح تارسته
اريد افرح دكلي اشلون فرحي ايصير
والي لاك السواد ودوم لابسته
ادري برجعتك مامنهه جاره اتصير
ولو اكدر لشخصك والله رجعته
ما عندي امل والامل صار ابعيد
وانت بروحتك يلغالي بعدته
وفيت بكل شعوري وكل حنان البيه
ولو اكدر يغالي الكلب صبرته
بس هاي المنايا وهذا رب الكون
اجت ساعة الفركه بقدر واقبلته
رد مع اقتباس
المشاركة الأصلية كتبت بواسطة sawsanmahmoud
