باجر نرد ... باجر نرد ... باجر نرد
عودان جانت زاهيه وذبلها ياعمري البرد
باجر نرد..
حلوين بس برسومهم حزن البعد
باجر نرد... هالمره لا دبجة امل لا سالفة حب تنولد
باجر صدكَــ يبدي الدمع
واثنينه نعوف الهوى وكلمن على المامش يرد
باجر يباجر ماحصل .. خيط الجرحنه وبيه نشد
باجر حبل .. جاب شبعد ..!!!
ماتت مواعيد الهوى هالمره ضاعت للابد
وبروحي تنزف عبرتي
لبجيك يا باجر واسولف وانت عد
واحد مضينه وعزلت حواء من سوكَـ البلد
واثنين.. جنه اثنين بس حصت الاسد
باجر نرد ... ونوادعك يا طيفنه وحلم الامس
والناس فرحانه وتدكَــ
طلعت عليهم بس تغيب بعمري يا حبي الشمس
باجر نرد.. والناس تتلكَـه الخبر
واتكَول عد ذوله عرس
وانه الضعت .. وانته الضعت
وانبعنه للدنيه بفلس
جن لا صرت بيه النبض
لا عشره من عمري انكَـضت والشوكَـ تارسني ترس
لا جنك بحبي جنت تسمع واسمعك بالهمس
واقراك من كل البعد وانته بقراءاتي تحس
باجر نطرنه ومن اجه انه بشرق وانته بغرب
واثنينه عكس العكس
تلتم واداعيها بألم واتصير بسنيني ونس
ذكراك واحلام الامس
باجر نرد ... باجر نرد ...
بالنسبه النه المشنقه
وبالنسبه للوادم عرس
باجر نرد
باجر نرد
جثتين برض المعركه محد دفنهن يازمن
امجشفات وبالهوى وفوكَـاهن اتطيح المزن
خظر عشب وبهالعشب دم الحزن
واغراب حط عله الجثث
كَـابلهن وبس ظل يون
معقوله يا جنس البشر محد عله الثاني يحن
طار ومشه وصاحن نرد
طفلين من نمشي بدرب عالحظ ابد ما نعتمد
رد مع اقتباس
المشاركة الأصلية كتبت بواسطة أسيرة اﻻحزان
