بــــــــــس ياروح كافي جروح
منقول
بــــــــــس ياروح كافي جروح ... ملينه
توبي من العواطف عاد ياهو الجان تهوينه
يالبعتي الذهب بتراب والحنظل بسعر الخوخ تشرينه
ويالنمتي أعلى جرف الظيم لمن فاض دجله وطمج بطينه
ويالهنتي أعلى ذاتج ليش حتى الجاهل الزعلان يضحك من تلاكينه
لا ياروح مو تدرين ميزان الطبيعه اندار وختلت موازينه
بس ياروح حتى النوح سبنه وسب بواجينه
تعذر كل كتر بعضاي وين يصير جرح الجاي تردينه
وين يصير جرح النوب وأنه تزاحمن بعضاي طعناته ونياشينه
بس ياروح ... كافي جروح ... بينه الي يكفينه
تعبنه وفرهدانه الويل واحتار الوكت بينه
وسمعنه من الحجي المعسول لمن ماتأذينه
شكسبنه بعشرة الطيبين غير همومنه الغطت محاجينه
وين الطيب وين الطيب اليهواج ياروحي وتحبينه
عماج البين لا ياروح كل خاين رخيص الذات هم طيب تشوفينه
كلمن يضحك بملكاج بعتي هدومج وصادك تحسبينه
ماظلت حسن نيه بكلب انسان الاابليس دنسه بتفانينه
بعد ياروح شتتنطرين ماظل بالعمر حاصل تلمينه
كلب وكته الوكت وياج حتى العاذل يسميج مسكينه
اخوج اللي رضع وياج ماوفه لحليبه وعشرت اسنينه
نكر تعب الليالي السود كابل زينج بشينه
وصديق الي وكفت وياه ركضتي بعسره وبالينه
باعج وانت وسط البير يالجنتي برفيف الروح تفدينه
ولمن خانتج دنياج خانج ياحزينه الي تودينه
ونزع جلده مثل ما ينزع العربيد جلده وباع ماضينه
رد مع اقتباس
